افضل كريم لازالة التشققات

اي والله ياريت تفيدونه
مشكو ره يالغاليه ع الموضوع المفيد

أنا أحب الأشياء الطبيعيه

جربت خل التفاح مع ماء الورد لفتره حسيت أنه يشد ويخفف شوي من التشققات وبعدين وقفت

وحالياً دائماً مع كل إستحمام استخدم زيت الزيتون مع خل التفاح وماء الورد ونقط من زيت اللافندر طبعً الوقايه

خير من العلاج من الحمل وبعد الولادة وأنا على هالحال والحمد لله التشققات قليله جداً

سارونه.... تسلمين

منوله.... أنا بعد استخدم بين فتره والأخرى خل التفاح + ماء ورد +ليمون

بس للأمانه ما احسه يشد يمكن ينعم ويفتح البشره لكن للتشققات ما لاحظت اي تغير وتعرفي من جسم لجسم تفرق ،، تسلمين ع المعلومه الحلوه مثلج الغاليه..

واتمنى من جميع الي يقرؤو الموضوع المشاركه ولو بشي سمعو عنه ،،، لاني واثقه بأرائكم وخبراتكم ومعلوماتكم الجماليه رائئئئئئئئئعه الله اكبر .... بانتظاركم اخواتي،، ولكم جزيل الشكر اخواتي الغاليات

يعني معقوله محد يرد ليشششش؟معأني متأكده ان الاغلبية العظمى من البنات سامعين عن انواع كثيره من كريمات التشقق،،

حتى لوما جربوهم بس عندهم فكره، فليش ما نتعاون؟؟ والله يا اخواتي اني يوم ادخل موضوع اي وحده احاول اقول الي اقدر عليه والدنيا خذ وهات ،، وعموما جزاكم الله كل خير


وبسألكم بالنسبه للي يستخدمو الخل كيف يعني بالنسبه للفراش؟ لأني يوم استخدمه اكون جدا حذره عشان لا تلصق ريحته،، ولا انتو شرايكم؟

يعطيج العافيه

أستخدمت خل التفاح لوحدو ومرةمع زيت الزيتون رائع وخفف كتير بعد مقوم بالسلامة من الولادة باستخدم زيت جنين القمح من وادي النحل س 60 ريال الكل يمدحوا واهم شي الاستمراريوميا أدعولي بشفاءابني أحمد يارب

والله أنا كمان خايفه من التشققات في فترة الحمل

يا ليت أحد يفيدنا

بنات جربوا كريم زبدة الكاكاو من الصيدلية او من أي مكان زي بودي شوب. خالتي استعملته فتره الحمل و الحين ما شاء الله ما فيها اي تشققات حمل ولا سمنه ولا شيء!

ان شاء الله تصيرون مثلها ^_^

الحمد الله يارب انا استخدمت كريم بالمرز اثناء الحمل بس بالفترة الاخيرة كسلت ما ظهر غير خطين اسفل البطن والحمد الله وناوية اجرب زينت جنين القمح علشان اشيلهم

اسفة
انا استخدمت لسان البحر مع خل التفاح واثر بشكل بسيط جدا

وانا سمعت ان الواحد مو لازم يستعج لالنتائج لازم ياخذ فترة طويلة

على فكرة ان التشققات طلعت لى لانى سمنت فجاة

لذلك نصيحتى يا بنات انتبهوا على اجسامكم

والمشكلة طلعت حتى فى اذرعى من فوق

اسال الله ان تزول

وفى النتظار البقية

سمعت عن كريم من ديور يقولوا روعه للتشققات من جربته
ياليت اللي جربوا زيت جنين القمح يقولوا لنا

انا التشققات الليّ فيني بالاذرع فقط بس شكلها يفشلل مره =/ بجرب الخل المخفف بماء الورد مع نقطة زيت زيتون ، مع اني يأست يأس عظيم احس انه ما فيه شئ يشيلها :(

من تجاربي مع الاخوات وتراسلنه ع الخاص ماكو شي يشيل الخطوط القديمه مو الي توها طالعه للحامل لا ذي مع الكريمات تروح لكن القديمه تخف بنسب بس ماتروح ولا شي يوديها الا قدرة الله طبعا انا عن نفسي كل شي غالي ورخيص شريته واستخدمته واداوم عليه بس للاسف النتيجه بسيطه يعني التغير بنسب 40% بالميه تقريبا لااكثر وبالله المستعان

اناعندي تشققات فظيعةوماخليت شي ماجربته يمكن خف شوي بس مايروح كله وبصراحة اعاني من ترهل بطني وماعرف شوالحل؟:(

موضوع حلو ومفيد يسلمو

ولا تزعلين ياقلبي مافي ردود كثير لان اكثر اللي يقرون الموضوع مثلك مستنيين كريم معجزه ينقذهم

على العموم مافي كريم سحري يشيلها نهائي او يخففها بنسبه كبيره

انا تجربتي مع التشققات الحمراء الجديده تقشير اكسترا ديرم (5) واحيانا (4) طبعا هو عباره عن محلول ينحط بالليل والصبح تغلسين المنطقه بصابون البابايا 4×1 او 5×1 وترطبينها اما بخلطة زيوت (جلسرين سايل +لوز مر+زيت سمسم +زيتون وقليل ماء ورد ) او تكتفين بزيت لوز مر وجلسرين وماء الورد وبصراحه خفت بدرجه كبيره اما البيضاء اللي كأنها تصدعات تحسنت بنسبه بيسطه جدا جدا استخدمت الطريقه هذي يمكن 6 او7 شهور يعني مو شهر ولا شهرين وحاليا ارطب جسمي احيانا بخلطة الزيوت واحيانا بزبدة الكاكاو وان شاء الله تختفي عندي امل في رب العالمين

وبالنسبه للترهل الخل وماء الورد بنسب متساويه ولعدة شهور تنشد بنسبة 50 ويمكن اكثر بعد

وطريقته بعد الشور حطي الخل وماء الورد والبسي ملابسك شوي والريحه طارت وخلاص كملي يومك بدون ما تغسلينه

بالتوفيق

اختي هدب الذهب هالمقشر ذي مايحرج زين للتشققات الي كانها جلد محترق بس افتح من الجلد نفسه مجلود احسه اخاف تحرقني وهل فعلا تنصحينه فيه

%بنت الرفاع%;9984590:
اختي هدب الذهب هالمقشر ذي مايحرج زين للتشققات الي كانها جلد محترق بس افتح من الجلد نفسه مجلود احسه اخاف تحرقني وهل فعلا تنصحينه فيه

عن نفسي ما حرقني ابد ولله الحمد استعمليه اسبوع او 10 ايام ووقفيه شهر ولا شهرين وارجعي بنفس الطريقه ووقفي وهكذا لحد ماتختفي خصوصا الجديده بتخف 90 % طبعا الحمرا

والبيضاء انا حاليا وقفت المقشر وارطبها بزبدة الكاكاو +خل التفاح وان شاء تخف بنسبه كبيره او تختفي بقدرة الرحمن