حبيت افيدكم يا بنات في طريقه يمكن البعض يعرفها
انا الله يسلمكم كنت مفصله عبايه جديده
وكاشخه فيها ورايحه عند ناس
وعندهم ولد شويطين ما خلا حد في حاله
ولما جا يسلم علي وانا طالعه لزق العلك ( العلوج ) على عبايتي الجديده اللي مخسره فيها شي وشويات
المهم انا ما اكتشفت السالفه الا لما رحت البيت
وحاولت ازيله بس ما قدرت
لين الله هداني على شي يمكن تستغربون منه
اللي هو الفليت ( بف باف )
رشيته على العلك وفي لحظه تجمد العلك وبديت اقشره من على العبايه بكل سهوله
وبعدها غسلت العبايه وطعلت كانها جديده ولا في اثر للعلك
وطبعا تقدرون تستخدمون نفس الطريقه للعلك الملتصق على السجاد او اي نوع من القماش
او حتى الشعر لانه يجمد العلك بسرعه ويخليه يتكسر وينشال بسهوله
بس الله يعينكم على الريحه ولابد من الاستحمام بعد رشه على الشعر
اكيد الكل مر بتجربة التصاق العلك بالشعر سواء هو او حد من العيال او حد من العايله
وتصير الوهقه اذا اضطريتوا لقص الشعر لازاله العلك .. لكن مع هالطريقة ما راح تلجأون لقص الشعر
وان شاء الله انكم تستفيدون من هالطريقه
وسلامتكم