الديكور و الأعمال اليدوية ركن مختص بالتصميم الداخلي للمنزل وتنسيق الحدائق والأعمال اليدوية.

صورة ام مـايا الرمزية

طريقة دهان بيتك بأيدك

06/03/2008, 06:44 AM


في اغلب الدول الناس بتدهن بيوتها بنفسها لكن انا عايزة اقولكو ان الموضوع دة سهل جدا جدا خصوصا مع وجود خامات متنوعة في السوق بتسهل لنا عملية الدهان وخصوصا مع وجود البويات البلاستيك وهي الاسهل في تحضيرها ودهانها وبتدى نتايج مرضية جدا وباقل التكاليف وزى محنا عايزين
تأسيس الحائط

علشان الدهان يكون جميل وثابت من غير اى عيوب لازم ناخد بالنا ان قبل دهن البوية فية خطوات مهمة لازم تتعمل لتاسيس الحائط ففي البداية هنسنفر الحائط بسنفرة خشنة وبعدين هنجيب سكينة معجون وهندى وش معجون للحائط بطريقة طولية وبعدين عرضية وبعدين طولية تانى وبعد المعجون ينشف هنسنفرة بسنفرة ناعمة وبكدة نكون اسسنا الحائط وبعد كدة نبتدى ندهن
واكتر لون موضة في الدهانات اللون الجملى والبيج

ودى باليتة الالوان عموما

ابدائي من فوق لتحت


دايما نمعجن السقف وندهنة الاول وبعدين الكورنيش وبعدين الحائط وعلى فكرة الاحسن ان السقف يكون لون الحائط يعنى لو السقف جملى يبئة الحائط جملى والكورنيش البيض
هنبتدى ندهن اول وش وبالنسبة للبويات البلاستيك بندهنها بالرولة

ودة اسهل بكتير من الفرشاة فهنجيب جردل البوية ونحط فية الرولة وندهن الحائط بالطول 3 وشوش في كل يوم وش ونخلى بالنا قبل ما ندهن الحائط اننا نجيب سوليتب (لازق) مخصص للنقاشة ولزقة على طرف الكورنيش من تحت علشان اللون ميتاثرش
ازاى نداري عيوب الحائط

فية بعض الحوائط بيكون فيها مشاكل زى الرطوبة او مية ودى ممكن تقلق وتضايق ناس كتير لكن علاجها سهل جدا ب اننا نجيب المعجون ونخففة بشوية مية وهنجيب فرشاة مدورة
وهنبتدى نحط الفرشاة في المعجون ونبتدى نعمل دوائر في جميع انحاء الحائط وبعد مالمعجون ينشف هنجيب مثلا بوية لونها اخضر زيتونى فاتح جدا وهندهن الحائط بالرولة وش واحد وهنسيبها لغاية ماتنشف وتانى يوم هنجيب بوية لونها اورنج فاتح وهندهن بيها الحائط بدون ضغط والمنظر في النهاية ان الدوائر دى هتكون باروزة جوة اخضر ومن برة برتقالى والدواير دى مع تداخل الالوان بتداري اى عيوب موجودة
ازاى تدهن اسبونج

اما لو عايزين نعمل حائط اسبونج فهندهن الحائط بيج 3 وشوش وقبل الوش الثالث ماينشف هنجيب بوية لونها بيج اغمق ثلاث درجات من اللون الاول وهنجيب قطعة قماش قديمة وهنكرمشها وهنبدأ نحطها في جردل البوية ونوزعها على الحائط بطريقة عشوائية
ورق الحائط اسهل

فمن الممكن ان نجلد الحائط كلة بورق الحائط وسعرة رخيص وبيتلزق بطريقة سهلة جدا
اول حاجة بنجيب لزق ورق الحائط وندهن بية ظهر الورق وبعد كدة نبدأ بلزقة على الحائط من قوق لتحت ومن الاحسن اننا نكون مسنفرين الحائط اولا بسنفرة ناعمة
وبعد ما بنلزق الورق من فوق لتحت نجيب فوطة ناشفة ونشيها على الورق من برة علشان ميبقاش قي اى بروز
بعش اشكال الحوائط















من مواضيعي

06/03/2008, 08:16 AM



من مواضيعي

06/03/2008, 08:20 AM
السلام عليكم

ماشاء الله يا توتي مواضيعك كلها تحفة :yes:و متعوب عليها بصراحة

بس بيتهيألي موضوع ان أدهن الحائط بنفسي ده عايز روقان :cool:

و نفسي تفيديني لو عندك خلفية ايه أفكار ألوان للحيطان ممكن أعملها
أحسن دايخة بقالي كتير :dontknow: و شكرا



من مواضيعي

صورة طمطم الرمزية
06/03/2008, 04:10 PM
موضوع روعة مشكورة يا قمر



من مواضيعي

صورة لب لفواد الرمزية
06/03/2008, 04:46 PM






تــســـلـــم أيــــــــــدج عــلـــى هـــالــــمـــوضـــــوع الــــرائـــــــــع..........

والله يـــعـــطـــيــج الـــصـــحـــة والــــعـــافـــيـــة .........

في انـــتـــظـــار أبــــــــــداعــــاتـــــك الـــــقــــــدمـــة........

دمـــتـــــي بـــــــــود .......











من مواضيعي

06/03/2008, 06:43 PM
شكرا على المعلومات المفيده



من مواضيعي

06/03/2008, 09:49 PM
[IMG][/IMG]



من مواضيعي

06/03/2008, 11:34 PM
مشكوره على الموضوع



من مواضيعي

صورة ام مـايا الرمزية
07/03/2008, 05:32 AM
عروسة نعومة حبيبتى بصي ياقمر
انا عندى رائي في حكاية الوان الدهانات انتى متقرريش انتى ممكن تدهنى لون اية الا لما تنزلى تنقي العفش وهتلاقي الالوان بتفرض نفسها عليكى وعموما الموفات والتركوازات والروزات والاحمرات دى بالنسبة لالوان الحيطة الواحدة وبالنسبة لبقية الشقة عندك البيجات كلها تجنن انا شقتى سن الفيل اللى هو اول درجة في الكريمى وبتددهنى علية حيطة واحدة بلون عفشك يعنى لو جبتى انترية تركواز هتعمل مثللا كريم الاوضة كلها وحيطة واحدة تركواز والبيج عموما بيشى مع الالوان كلها وممكن تغيري بئة تحطى الاستيكرات الاشكال بتاعة الحيطان على الحيطة بالذات في الانتريهات واليفنج واوض الاطفال بتكون تجنن
وربنا يوفقك ياقمر اى خدمة انا تحت امرك



من مواضيعي

صورة تـــرانيم الرمزية
07/03/2008, 12:43 PM
ما شاء الله
شكرا على المعلومات المفيده



من مواضيعي

  • 1
  • 2
  • 3
  • 4

« صور احلا غرف بنات | • ديكورات بلون الموكا • »

يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع


مواضيع مشابهة
الموضوع المنتدى
اعملى اكسسواراتك بأيدك .......و تعالى اتعلمى عجينه السيراميك ركن الأعمال اليدويه
اعملى مكياجك بأيدك...... غريب جدا ركن المكياج
طريقة بسيطة تجعل بيتك معطر.... ركن المكياج
دهان الطباعة استفسارات الديكور

الساعة الآن +3: 11:03 PM.

 اتصل بنا - اعلن معنا - سياسة الخصوصية

Search Engine Optimization by vBSEO ©2011, Crawlability, Inc.

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141