بنات بوظبي دخييلكم انصحوني بخياط شاطر وما يكلفني وايد

ع

عشق_AD

عروس جديدة

24-02-2008 | 11:28 PM

السلام عليكم والرحمه..

شحالكن بنات؟؟ عساكن بخير؟؟

هالموضوع ابا فيه مساعدتكن وفزعتكن يابنات بوظبي.. والله يعطيكن كلكن العافيه

عندي صورة موديل وابا اسوي نفسه بالللللللللضبط يعني كوبي بيست وابا خياط او مصممه شغل نضييف ومرتب ويعرف يسوي شك ويوزع الكرستالات بطريقه حلوه ومرتبه... لانه العرس عرس اربيعتي وانامن المعازيم فحرام احط 4000 وانا اووونلي معزومه

بس عشان خاطرها ابا اكشخ .... وميزانيتي 1500 وانا بييب القطع فياليت تدلوني على خياط شاطر او مصممه ما تكلفني وايد ..

والسموحه منكن عالمغثه

ع

عشق_AD

عروس جديدة

25-02-2008 | 01:21 PM

افا ما هقيتكن جيه عنبووو 10 شافو الموضوع وسوولي طاف ولا ردو علي؟؟

يالله بنات ابوظبي احيدكن راعيات فزعه...

م

مـنـ العين ـات

عروس متألقة

28-02-2008 | 07:33 PM

هلا اختيه...والله اناا اعرف وحده اسمها فيفيان جريب مركز مدينة زايد واحيد اسعارها معقولة

اناا فصلت عندها قبل ثلاث سنين وجان بـ 400 درهم والقطعة علي

بس والله هب عندي رقمها بس هي مشغلها داخل بتلقينه جريب المسيد وللاسف ما اتذكر شو اسم المشغل

ادري ما ستفدتي مني بشي...بس على الاقل خبرتج وانتيسيري واسالي

ع

عشق_AD

عروس جديدة

05-03-2008 | 02:48 PM

مشكوووره اختي وما قصرتي... تعبتج معاي

خلاص انا رحت عند فيروشيك اللي فالخالديه وايد عيبني رسمه وشغله نضيف
القطع كلفتني 1000 عباره عند تفته ومخمل وتول ودانتيل.. والخياطه بياخ مني 3500
شسوي مالقيت مكان ارخص عن جيه وانا مستعيله ماشي وقت عندي..

وشكرا لكل اللي مرو على موضوعي ولو انهم القو نظره عليه ..

ن

نبراس الحياة

عروس مشرقة

06-03-2008 | 11:36 PM

يا ريبت لحقت عليج

ما انصحج بفروشيك

خيط عنده مرة وخرب لي فستاني

صح اسعاره معقولة بس للاسف تأخرت عليج

بفيدج عشان مرة ثانية تروحين

في شارع المطار عندج خيايط

خياط نوف يخيط حلو واسعاره معقولة

اذكر اختي خيطت فستان من تصميمها ب 600 يمكن والقطع من عندها طبعا

بس سمحي لنا دخلنا متأخرين

وفيه خيايط ثانية بعد

كنوز

والحلوة بالخالدية يمدحونه

وكشمير

بعد بالخالدية

ح

حنايه

عروس جديدة

07-03-2008 | 01:03 PM

ان شا لله البنات يفدونج مايقصروو