مقلوبة باذنجان ..والطعم جنااااااان ...وبالصور كماااان

12/02/2008, 05:27 PM
السلام عليكم ورحمة الله وبركاته:
كيفكم يابناات ؟ ان شاء الله تكونوا بخير وعافيه

عندي لكم طريقة مقلوبه مبتكره ...... حتى اللي ما يحب الباذنجان حيحبه في هذي الطبخه .....اول حاجه حتحتاجي ثلاثه قدور.

لاتخافو الطبخه مو طويله ابدا .....بس كلامها كثير

المقادير : شرايح باذنجان رومي مقليه او مشويه وهو الافضل
بصل مفروم _ ثوم مهروس- زنجبيل مهروس- كزبره مفرومه+شبت
طماطم معصوره- نصف كيلو لحم مفروم -كيس بازيلا مجمده -كاستين رز مصري مغسول- دجاجه مقطعه 8قطع مغسوله ومدعوكه بالدقيق والملح او افخاذ دجاج <انا استخدمته عشان اولادي يحبوه>
ماجي- بهارات<قرفه، بهار مشكل ، بهارحلو ،فلفل اسود ،كركم ،ملح >

الطريقه:
نحط زيت في صينيه ونحط شرايح الباذنجان السميكه وبعدين نقلبها عشان يكون الزيت من الجهتين وبعدين ندخلها الفرن الى ان تحمر من الجهتين بس مو كثير عشان ما تنحرق <لا تسوو زيي]:

نجيب القدر الاول ونحط فيه زيت واذا حبيتي ممكن تحمري شوي كزبره وكمون صحيحه بس مدقوقه شوي بمدق الثوم يعطي طعم روعه

وبعدين نضيف البصل ولما يذبل نحط الثوم والزنجبيل
وبعدين نضيف الدجاج




ونقلبه الين يتحمر شوي ...وبعدين نضيف عصير الطماطم والماجي وجزء من البهارات

ونتركه يتسبك ..


..

في القدر الثاني نحمر البصل ثم الثوم والزنجبيل ثم الكزبره .






..ثم نضيف اللحم المفروم ونحركه حتى ينشف مائه...ثم نضيف له البازيلا..ونقلب






....

نضيف الماجي والقرفه والبهار الحلو والملح والفلفل الاسود ونقلب...ثم نضيف الرز المصري ونقلبه.....ثم الماء المغلي بس مو كثير>>>>ابو العربيه الفصحى





بعد ما يستوي الرز والدجاج ....نرص الباذنجان في القدر الثالث...بعد ماندهنه زيت طبعا





ونحط عليه الدجاج ثم الرز ونضغطه بالملعقه بشويش






نحطه على نار واااااااااااااااااااطيه لمدة نص ساعه عشان يمسك مع بعض

بعد مانطفي النار نتركه 10 دقايق وبعدين نقلبه بحرص في طبق كبير مدور










واستمتعي اولا بشكل متماسك رائع كأنها كيكة باذنجان
وثانيا بالذ طعم مقلوبه ممكن تاكليه في حياتك..........والتجربه خير برهان

وبالهناء والعافيه مقدما .....اتمنى يكون عجبكم

في انتظار الردود وأي استفسار انا جاهزه



من مواضيعي

صورة تغلى الرمزية
12/02/2008, 09:42 PM
يعطييييييييييييييك العافيه

الصراحه المقلوبه من الاكلات اللي ماكنت اعرفها وماكنت واثقه من طعمها بس لما جربتها حبيتها وحتى الاهل حبوها

عساج على القوه اختي



من مواضيعي

12/02/2008, 09:56 PM
{رهيب }



من مواضيعي

صورة فديت بنتي الغالية الرمزية
12/02/2008, 10:09 PM
تسلم ايدج



من مواضيعي

12/02/2008, 10:49 PM
يعطييييييييييييييك العافيه

الصراحه المقلوبه من الاكلات اللي ماكنت اعرفها وماكنت واثقه من طعمها بس لما جربتها حبيتها وحتى الاهل حبوها

عساج على القوه اختي
الله يعافيكم يارب ويسلمكم مشكورات خواتي على المرور الحلو والرد الاحلى (a)
وجربوها وبتعجبكم باذن الله (f)



من مواضيعي

صورة آآآآآهات الصمت الرمزية
12/02/2008, 10:51 PM

يعطيكي العافية أختي سوزي أم عزوزي
شكلها لذيذ

أنا عملت مرتين مقلوبة باذنجان بس حبيت طعمة الأرز فيه


يا يت تخبريني كيف حطيتي اسمك على الصور؟؟؟؟

و مشكوووووووووورة(f)



من مواضيعي

صورة امــ حمودي الرمزية
12/02/2008, 11:10 PM
يعطيك العافيه على الطبخه الحلوة شكلهاا اممممممممممممممم
تسلم الايادي



من مواضيعي

صورة سكون الرمزية
12/02/2008, 11:33 PM
شكلها عجيبه ما شا الله

تسلم ايدج حبيبتي



من مواضيعي

13/02/2008, 05:46 AM

يعطيكي العافية أختي سوزي أم عزوزي
شكلها لذيذ

أنا عملت مرتين مقلوبة باذنجان بس حبيت طعمة الأرز فيه


يا يت تخبريني كيف حطيتي اسمك على الصور؟؟؟؟

و مشكوووووووووورة(f)
الله يعافيك يارب واذا جربتي طريقتي في المقلوبه مارح تقتنعي بغيرها :wink: والتجربه خير برهان (y)

اما الاسم شوفي ياستي
تختاري الصوره اللي تبغيها وتروحي للرسام
حتلاقي في اقصى اليمين مستطيل بالطول وفيه عدة اشكال من ضمنها حرفA اضغطي عليه
حيطلع في نفس المستطيل تحت.. مربعين .....اضغطي على المربع اللي تحت
روحي للصوره واضغطي زر الماوس اليمين وبعدين مشي باليسار عشان تفتحي طاقه
اكتبي اسمك بالحجم اللي تبغيه وبعدين اخرجي من المستطيل واضغطي ضغطه خفيفه
عشان المستطيل يروح ...بعدين روحي على ملف وسوي حفظ ..وبس

ترى مرررررررررررره سهل بس كلامه كثير >> زي المقلوبه خخخخ
ان شا الله اكون عرفت اشرح
نورتي الموضوع (f)



من مواضيعي

13/02/2008, 05:51 AM
يعطيك العافيه على الطبخه الحلوة شكلهاا اممممممممممممممم
تسلم الايادي
الله يعافيك ويسلمك ياقمر
ويعطيك الف عافيه على الكلام الحلو (a) نورتي الموضوع (f)

شكلها عجيبه ما شا الله

تسلم ايدج حبيبتي
الله يسلمك ويخليك (a) وجربيها تراها لذيييييييييييذه :tongue: وشكلها ولا شي جنب طعمها

اسعدني مرورك ياعسل :15:



من مواضيعي


« أحلى وألذ باستا خُضار عندي .. (صور) | بطبوط معمر بلكفتة والخضر...ادخلوا ماراح تندموا »

يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع ابحث بهذا الموضوع
ابحث بهذا الموضوع:

بحث متقدم


مواضيع مشابهة
الموضوع المنتدى
حلى الكشخه طعمه جنااااان وبالصور كماااان الحلويات
حلى الزوليه جنااااااان وبالصور الحلويات
صينية باذنجان بالجبن ومع متبل باذنجان بالصور000 المقبلات والمعجنات
اهتمام العروس قبل الفرح استفسارات العناية بالبشرة والجسم

الساعة الآن +3: 08:43 PM.

 اتصل بنا - اعلن معنا - سياسة الخصوصية

Search Engine Optimization by vBSEO ©2011, Crawlability, Inc.

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141