البطاطس الحاره .. بالخطوات المصوره ^_^

السلام عليكم و رحمة الله و بركاته

شحالكم بنات عرووووس ..

اليوم يايبه لكم مقبل لذيذ و حاااار من عمل طباختنا :D ..

الصراحه انا كنت داشه المطبخ عرض و تلفوني كان بيدي .. قلت يلا اصور الخطوات و احطها لعرايسنا.. يستاهلوون .. و الحمد لله لحقت على اهم الخطوات ..



:: البطاطس الحاره ::


المقادير :

1- طماطم
2- بصل
3- ثوم
4-ماجي
5-بهارات
6-زيت
7-2 او 3 ملاعق صغيره فافل حار
(( انا استخدمت الفلفل اللي نسويه في البيت .. و ممكن تستخدمين الفلفل البودره او السائل ))
8- بطاطا مقليه (( مقطعه لمكعبات صغيره ))


"انتي ممكن تحددين الكميه اللي تحتاجينها من الطماطم و البطاطا ..
طبعا باجي المقادير تعتم على كمية الطماطم"


أولا: في الخلاط (( ما لحقت اصور هالخطوه )) ..

تخلطين الطماطم مع البصل و الثوم ..


ثانيا : على النار ..

ظيفي مقدار بسيط من الزيت .. و صبي عليه خليط الطماطم ..
ظيفي الماجي و البهارات و حركيهم زيين ..





ظيفي الفلفل الحار ..





و اتركي الطماطم لين ينطبخ زيين ..





بعدها خذي البطاطا المقليه و ظيفيها على الخليط..
((لازم تجهزين البطاطا من فتره .. عشان تبرد و تنشف من الزيت..
لأنج اذا حطيتيها و هي حاره بتنهرس و ما بيطلع الشكل حلوو ..))









قلبيهم شوي على النار .. و خلااااص





و اتمنى الطبق يعجبكم ..





تحياتي للجميع :)