خلطة بتخلي شعرك يهبل لحقواااااا ... والله العظيم نتايجها رائعة وسريعة

مرحبا

من فترة كنت يوميا أستخدم السشوار وبعد كذا قصيتة وصار خفيف ويتساقط بس قبل كان طويل وكثيف المهم قلت الحين بدل ماني قاعدة لا شغلة ولا عملة خلني ارجع على الخلطة يالي كنت استخدمها قبل وهي

سدر : يكثف الشعر
حنا :ينعم الشعر
زيت السمسم: من أهم الزيوت وهو يكفي عن أغب الزيوت ياللي نستخدمها بس أهم شي يكون أصلي موب مغشوش
زيت الطبخ:روووعة
وزيت زيتون: يعطي الشعر الون الاسود ويقوية
زيت جوز الهند: معرووووف كيف شعر الهنديات علية
فص ثوم مبشوور : ماتدرون شكثر يفيد من القشرة وتقوية بويصلات الشعرالخلطة وشلون نستعملها : ناخد زيت السمسم وزيت الطبخ وزيت الزيتون وزيت جوز الهند والثوم المبشور ونحطة على النار لحد مايتسخن موب يغلي ونحطو في يرطمان أو علبة وندهن شعرنا فية 3 مرات بالأسبوع أما بالنسبة للحنا والسدر مرتين بالاسبوع ولما نحط السدر والحنا نضيف لها ملعقة أو ملعقتين من الزيوت يالي خلطناهم وندهن شعرنا بشوي زيت <<< شوي ركزوا
ونحطة في شعرنا مدة ساعة ألى 4ساعات سواء للحنا والسدر أو الزيوت بس أهم شي أنكم تدلكون شعركم بحركات دائرية لأنة يحرك الدورة الدموية ويساعد على ظهور أفضل النتائج في أحسن وقت

والله يابنات والحمد لله رب العالمين شعري رجع احسن من الاول ولو تشوفون شعرت بنت عمي كان كان رايح فيها خفيييييييييييييف والحين لو تشوفونة والله ولا شعر فلبينية لأن أمها منتظمة على الخلطة بس أهم شي تستخدمون شامبو الأطفال (لادموع بعد اليوم ) أكيد عرفتوة لازم تستخدمونة لانة خفيف على الشعر
والله على ماأقول شهيد

عند النقل الرجاء ذكر المصدر