عـودة للخلف   منتديات عروس > أركان البيت والأسرة والمجتمع > أفكار و خبرات

أفكار و خبرات

 / 

ركن مختص بعرض تجاربك في المنزل المطبخ والأعمال اليدوية.

 / 

:::::جدول تنظيف يومي واسبوعي وشهري :::::::::::



جديد مواضيع أفكار و خبرات

Like Tree1Likes

إضافة رد
 
LinkBack أدوات الموضوع ابحث بهذا الموضوع
قديم(ـة) 04/01/2008, 01:19 AM   #1
مشرفة سابقة
 
الملف الشخصي:
تاريخ التسجيل: 12/04/2007
رقم العضوية: 156340
البلد: البحرين
المشاركات: 1,989
الجنس: أنثى
الدولة: البحرين

تقييم العضو:
قوة التقييم: 236

تـــرانيم تواجدها متميزتـــرانيم تواجدها متميزتـــرانيم تواجدها متميزتـــرانيم تواجدها متميزتـــرانيم تواجدها متميزتـــرانيم تواجدها متميزتـــرانيم تواجدها متميزتـــرانيم تواجدها متميزتـــرانيم تواجدها متميزتـــرانيم تواجدها متميزتـــرانيم تواجدها متميز


الأوسمة

تـــرانيم غير متصل
:::::جدول تنظيف يومي واسبوعي وشهري :::::::::::


اضغط على الصورة لفتحها بصفحة مستقلة



بسم الله الرحمن الرحيم

السلام عليكم ورحمة الله وبركاته

كيف حالكم يالغاليات ....

وفيت بوعدي لكم وكاني نزلت الجدول الخاص بالتنظيف والترتيب والنظام .....


بدايتا احب اني افيد بعض الربات
اني اقول لكم ان جدول التنظيف الي نظامه
كل يوم تمسكين غرفه وتنظفيها فاشله فاشله فاشله
والسبب معروف انك تمسكين غرفه وحده وتحطين حيلك فيها
وباقي البيت دمــــــــــــــــــــار شامل

الصحيان بدري مهم جدا
ما تصحين من وقت ما في فايده بيضيع اليوم وانتي ليلحين بالمطبخ ما خلصتي
شي ولا بعد مقصره بواجباتك مع عيالك وزوجك

الي عندها عيال صغار وتسهر معاهم ان كان تحت سن السنه
فصعب انك تنظمين نومهم فأنصحك تنظمين وقت التنظيف وتخلصين امورك
بالليل وانتي سهرانه مع طفلك او طفلتك

الي عندها عيال فوق السنه لا تقولين ما ينام الليل
لا والله القصور منك وسامحيني على صراحتي

انا عيالي وهم ثمان شهور ما شاء الله ينامون الساعه 7 ونص
ويقعدون معاي الساعه 5 الفجر

والى الحين هذا نظامهم

لما الام تنسدح وتغير عادتها بالنوم
الطفل ما عنده شغل الا يلحق امه ويلتصق فيها

اصبري وبتشوفين ان راحو بسابع نومه كل شي يبي له صبر
صحيهم من الصباح واشغليهم طول اليوم والليل بتشوفينهم من الساعه
سبع خلاص ما فيهم انهم يقعدون اكثر

وزوجك له حق ان يلاقيك بالليل جاهزه له
بدون عيالك كل شي المفروض تعطينه حقه



خواتي ابتدأ معكم بالفتره الصباحيه ....

اصحى من النوم الساعه 5 الفجر اصلي واصحي عيالي يصلون بعد ..

بعدها عيالي يتوجهون لغرفهم يبدلون ثيابهم

وانا اتوكل على الله ثم ادخل المطبخ
احضر لهم الفطور وايضا اجهز لهم السندويشات للمدرسه
خواتي بالنسبه للفطور كيف اجهزه
انا عندي علب بلاستيكيه الي بالغطا يعني
عندي جبن بعلبه
وعندي زيتون ايضا بعلبه
افتحهم واخليهم على الطاوله وبعد ما يخلصون اغطيه وارجعه للثلاجه
وكل ما يخلص اغسل العلب واعيد تعبئته مره ثانيه
وايضا اقدم المربي
وأغلي بيض مفيوح من الليل واخليه بالثلاجه
وممكن تاكلونه لمدة يومين ما يخترب اهم شي انكم ما تقشرونه
يعني اغليه واحتفظي فيه جاهز بسله خاصه بالثلاجه
ولا تنسون السندويشات وخلاص هذا الفطور جاهز كل يوم الصباح
احيانا اسوي لهم شاي بالحليب
واحيانا عصير برتقال طازج او معلب
احب اني انوه لبعض ربات البيوت
خواتي عند اختيار العصاير لأطفالكم او لكم
دائما اختارو العلب الي مكتوب عليها عصير او نكتار
ولا تختاري العلب الي مكتوب عليه مشروب لأنه يحتفظ فقط بالنكهه ومواد حافظه
يعني ما راح ينفع عيالكم بشئ

بالنسبه للسندويشات الي احضرها للمدرسه
أقلي لهم بالليل جيكن نكت او سجق او اسوي بيض مقلي جاهز او همبرجر واحطه بعلبه بلاستيكيه
والصباح اسخنه بالميكوريف وبعدين احطه بالسندويش واحطه بالمكينه علشان يصير مثل الكفتيريا
وبس هذا هو الفطور الصباحي
ولا انسى اني اطلع دجاج او لحم او أي شي عندي موجود بجدول الأكل علشان يذوب الثلج ويكون جاهز
لما ابي اطبخ



بعدها نتوجه للمدرسه ..
بعد ما اوديهم المدرسه اتلاقى مع جارتي بالممشى عند البحر
ونمشي لمدة ساعه كامله ههههههههه ليلحين عندنا امل ان ننحف
بس في تطور الحمدلله

على الساعه 8 اكون موجوده بالبيت اخذ شور والبس واتعطر واصحي
ابو الشباب يتوجه للعمل بعد ما يجهز روحه ويفطر وبهذا الوقت ما اشغل
روحي بشي الا فيه يعني اسولف معه حتى لو كان مشغول ويلبس ...

وأودعه وأوصله الى الباب ...

وبهذا الوقت تكون الساعه 45: 8
اخذ ربع ساعه اسوي لي كوفي واجلس على النت وادخل المنتدى واشوف المواضيع
او ارد على مواضيعي ..

بعدها أخذ سلتي ( سلة التنظيفات )
أبتدي التنظيف

أحب اني اذكر
أن انا بيتي طابقين فأبتدي أول شي بالطابق الأول الأرضي
بما ان الوحده ما تعرف متى راح يجيها ناس او زياره
وانا ما شاء الله جاراتي عادي يدرعمون علي بأي وقت هههههه وانا بعد اسوي
لهم هالشي

فأبتدي التنظيف بالقاعه
أول شي أنظف التحف والمكتبه والطاولات بالريشه
وان كان يحتاج لتلميع فألمعه بالملمع
وان كان عندي المرايا فيها اثار المعها بلمع الزجاج
وما انسى المدخل ايضا امرر الريشه على كل مكان
وبكذا انتهيت من الغبار
ملاحظه مع تكرار هالعمليه بشكل يومي ما راح يتراكم عليك
الغبار على قطع الأثاث او التحف

بالنسبه للقاعه ما عندي فيها أي مكان للتخزين
والسبب ان كل شخص فينا اغراضه موجوده بغرفته
وعيالي ممنوع عليهم جلب اللعب او الاغراض الي تخص المدرسه
لأي مكان بالبيت الا غرفهم

فالقاعه كلها كنب وطاولات وابجورات وتحف وتلفزيون وبس

عموما حبيت اني اقول لكم اني ما اكنس البيت الا لما اخلص من كل الغرف

ثانيا ...

بعدها ادخل غرفة الطعام انظف والمع الطاوله وارتب الكراسي
وامرر ريشتي على كل التحف الي موجوده فيه

واطلع من الغرفه ..

ثالثا ....

عندي مجلس الرجال ما انظفه لأنه مسكر للضيوف
عندي مجلس النساء الخاص للمناسبات الي تصير فيها جمعه وايضا مسكر

( بما ان المجالس للزيارات الخاصه والعزومات فراح يكون اكيد عندي خبر بالموعد المحدد
للزياره فقبل الموعد بيوم ازيل الشراشف من على الكنب الموجود بالمجالس والمع الأثاث والطاولات
وبما ان الباب كان مسكر بالغرفه ومحد يستعمله فكل شي نظيف مجرد لمسات بسيطه وكل شي
يلمع وما انسى اني ابخر المجالس وارش عطر المفارش على الستائر )

اما اذا وحده وله ثنتين زاروني استقبلهم بالقاعه
يعني على حسب الميانه الي بيني وبينهم

المطبخ راح اخليه الى ما اخلص كل البيت
المخزن عرفتين مداخلين ببعض وهذا بالملحق عرفة كانت للخادمه سابقا
وغرفه للمخزن فيها كل شي على رفوف زي السوبرماركتات بصراحه
قبل كان عندي رفوف عاديه ودواليب قديمه من المفروشات الي كانو عندي قبل ما اغير البيت
واغير الاثاث
ولكن بعد فتره حبيت اني ازبط المكان علشان يسهل علي التخزين
فرحت للمحلات الي تزود بالرفوف الخاصه للسوبرماركتات
والي عندها مخزن وحابه تزبطه ممكن اعطيها العنوان الي تعاملت معه

اما بنات السعوديه فعندهم ايكيا عندهم رفوف شكلها حلو وجذاب
للتخزين وعلب انواع واحجام واشكال عديده تصلح ليلي تسكن بشقه


التخزين يا بنات هو سر الترتيب بكل بيت
ان عرفتي كل تخزنين بشكل مرتب وحلو
راح تلاقين دائما بيتك مرتب ويفتح النفس ومو مكركب
الاستغناء عن الاشياء الي ما تبينها بين فتره والثانيه افضل
من تجميعها من غير فائده ...
وقت شرائك للأشياء الجديده سواء اثاث او أي شي ثاني من التحف او
الاشياء الي تاخذ حيز بالبيت فكري قبل الشراء وين راح تخلينه وتخصصين له
مكان يسهل استخدامه او وووو

متى انظف المخزن وارتبه
بصراحه تنظيف المخزن اسهل لما يكون بنهاية الشهر
لما يفضى من العلب والاشياء الغذائيه من الرفوف
ابتدي بالتنظيف على الرفوف واسفله وامسحه بالديتول
وارتب كل شي بمكانه علشان لما اشتري اغراض لبدايه الشهر
يكون المكان جاهز للتفريز ...

أما الحمامات كرمكم الله
عندي بالقاعه
1 بالملحق
1 بالمجلس الرجال
1 بمجلس النساء

حمامات المجالس انظفهم مره وحده بالاسبوع يكفي لأن استخدامهم
شبه معدوم وراح تعرفون كيف انظف الحمام بعدين بنفس الموضوع

اما حمامات القاعه والملحق فأرش يوميا وبقول لكم كيف انظفهم
اما الغسيل الكامل للحمام فيوم واحد يكفي بالاسبوع ...

وقت ما اخلص كل شي بالطابق الارضي
اشغل المكنسه واكنس كل مكان بشكل سريع

هذا بالنسبه للطابق الأرضي انتهيت منه
تراااا الكلام كثير لكن التطبيق سهل وروتيني
واكثر الاماكن الي تكلمت عنها ما انظفها كل يوم مثل ما ذكرت فوق
يعني كل شي ما ياخذ مني ساعه وحده بس من وقتي


الطابق الثاني ........

غرفة نومي

ادخل الغرفه أول شي اسويه اني ارتب السرير
لأن اول ما ارتب السرير احس براحه نفسيه واقدر اني اكمل باقي
الترتيبات بالغرفه
عندي سلة التنظيف
اخذ كيس نظيف اغير سلة المهملات ( هذي السله خاصه ما نحط فيه الا الاوراق او الكلينكس او
العلب الفاضيه من الكريمات وما نحط فيها بقايا اكل او غيره من السوائل )

ممنوع الأكل بالغرف يا دوب ناخذ معنا مياه معدنيه للاستعمال الواحد فقط
احب اني اضيف شي ان بعض علب المياه المعدنيه تكون مستعمله الى النص فقط
فحرام اني اقطهم ايش اسوي فيهم ( استخدمه للكوايه ) لأن الكوايه لازم تحطين فيه
ماء حلو مو ماء العادي ....

المهم نرجع لتغير الكيس
اخذ الكيس المستعمل واحطه بسلة التنظيفات علشان لما انزل تحت
ما انساه اني اقطه بسلة المهملات الكبيره بالمطبخ
بعدها اخذ ريشتي وامررها على الأثاث سواء ميز التواليت وايضا
الديكور الي موجود فوق السرير وايضا الكوميدينو
وكل مكان
بالنسبه للميز التواليت انا مخليه عليه علبه شكلها حلو وماشي مع لون غرفتي
العلبه الي عندي من الخشب فاضيه لما زوجي يرجع من العمل يحط فيه
محفظته وقلمه وساعته ومفتاحه علشان يسهل عملية الترتيب وايضا
ما يزهقني وهو يدور على اغراضه ...

بالنسبه للدواليب الملابس ..

غرفتي فيها مدخل آخر نتوجه فيه الى الدواليب الخاصه بالملابس
بما معنى غرفه خاصه للملابس في بعضها بأبواب وبعضها رفوف بدون ابواب
وايضا دواليب خاصه للمفارش والاغطيه والشراشف
ودواليب خاصه للملابس الداخليه والشرابات
ولزوجي علاقات خاصه للسيور و الكربطات او التاي مثل ما يقولون البعض
وبما ان زوجي ما يلبس اثواب فقط بدلات رسميه للعمل
كل بدله معلقته فوق تحتها معلقه بنطلونه
اما القمصان معلقه لحالهم وانا كل ليله اجهز له بدله مع التاي ومع ما يناسبه من القمصان
واخذ الحذاء الي يناسب لونه مع البدله والمعها واجهزه للصباح ( احس اني اشتغل بالعسكريه )

خواتي انا زوجي يعمل من الصباح الى الظهر وبعد الظهر
له مكتبه الخاص فيه يفتحه العصر ..
وبما انه يتعب طول اليوم
ما احب اني اطلب منه مساعده
واحس ان الي قاعد يسويه يكفي وما ابي ازيد عليه

المهم نرجع لموضوع غرفتي بعد ما اخذ لفه سريعه على الدواليب وارتب
على السريع ادخل حمامي كرمكم الله الخاص بالغرفه ...

عندي بالحمام مفارش الي يجي طقم كل يومين اغيره
المهم عندي بخاخ الي تكلمت لكم عنه كيف تسونه

ارش على المغسله ووووو والمرافق الخاصه
وادعك بالفرشاه الخاصه بشكل سريع وانتهي
ما اغسل الحمام بشكل يومي بس هذي الطريقه دائما حمامك نظيف ومرتب
وريحته منعشه ونفس الوقت البخاخ الي عندك يعقم كل شي
اما التنظيف الكامل للحمام فيكفي يوم واحد بالاسبوع
من الجدران الى الأرضيه وايضا كل الديكورات
كيف انظف الحمام
أشغل الماء الحار واسكر الباب
فيتكون البخار بكل الحمام
بعدها ادخل الحمام واسكر الماء
وارش البخاخ على كل جزء من الجدار وامسح بالفوطه
بهذي الطريقه يسهل عليك بتكون البخار بالحمام بأزالة الاوساخ المرئيه او الغير المرئيه

بما ان يوم الجمعه يوم مخصص للعائله نروح نتغدا عندهم
فما يكون عندي اعداد وجبه الغداء فأنتهز الفرصه لغسل الحمامات لجميع المنزل

..........................

الغرفه الثانيه غرفة عيالي

ارتب سرير كل واحد منهم

اشيل ثيابهم واحطه بسلة الغسيل
وهذي السله اشيلها معي من غرفتي الى غرفة عيالي
لأن بعدها اخذه معي الى الطابق الارضي لغرفة الغسيل
وبما ان ما في العاب مو موجود بمكانه لأن قبل ما ينامون
لازم يرتبون كل اغراضهم كل شي مكانه
كل واحد له ثلاث دروج خاصه فيهم
درج للاوراق ومذكراتهم الي يكتبونها لاني اهديتهم كل واحد دفتر مذكرات
واقلام خاصه للتلوين وايضا استيكرات خاصه لتزين الدفتر
واقراهم بين فتره والثانيه واكتشف الجديد عندهم سواء بالمدرسه او مع اصحابهم
طبعا هم يقفلون المذكره بالمفتاح هههههههههههههه اكيد عرفتو النوعيه هذي من الدفاتر
وبما انهم يقفلونه بالمفتاح فلهم الحريه بكتابة كل ما يحبون يكتبونه بدون ما ينحرجون من شي
وانا عندي نسخه من هالمفتاح بدون علمهم ( آسفه ولكن للضروره أحكام )

ودرج خاص عندهم للعب الصغيره والكروت بعلبه خاصه لهم

ودرج فيه اقلام للمدارس وكل شي يخص المدرسه من كتب ودفاتر

اما الملابس ..........

فلهم ايضا غرفه خاصه بالملابس بنفس غرفتهم مثل طريقة غرفتي

وبما ان عندي ولد وبنت حبيت اني اخصص لكل واحد مكان لتبديل الملابس
وانتو عارفين ليه ...

بالنسبه لبنتي متعوده انها تاخذ ثيابها وتلبس ببيتها
بيتها من الخشب موجود بغرفتها
كنت اتمنى ان يكون عندي بيت من هالنوعيه لما كنت صغيره
وما تحقق حلمي وقلت لزوجي ان نفصل لها بيت من الخشب
يتكون من غرفه وحده وايضا فصلت لها كنب على قدها
وحطيت لها طاوله صغيره وايضا ابجوره وبصراحه تقدر تقعد هناك لساعات
تلعب وتتكلم مع روحها ههههههه
لا وازيدكم من الشعر بيت البيت له جرس والباب ينقفل من الداخل
فتاخذ حريتها ان تبدل ثيابها داخل بيتها

اما ولدي فدائما يبدل ثيابه بالحمام كرمكم الله ..

ما انسى اني اغير كيس سلة المهملات ..

وامرر ريشتي بكل مكان بالغرفه

وقبل ما اطلع من الغرفه اطلع لكل واحد لبس نظيف
واحطه على سريره علشان لما يرجعون من المدرسه يكون كل شي جاهز لهم
وما يحوسون لي الدواليب ما احب انهم يختارون لهم لبس
يكفي انهم يختارون ملابسهم وقت شراء الملابس الجديده

بالنسبه للملابس الجديده

انا احب اني اشتري كل 6 شهور لهم ملابس
يعني كل 6 شهور اشتري لهم بيجامات عدد 4 لكل واحد
وايضا عدد 4 ملابس طلعات لكل واحد
وعدد7 من الملابس الداخليه لكل واحد

اما المناسبات فهذا على حسب المناسبه اطلع اشتري بوقت المناسب للمناسبه
سواء اذا عيد او حفلة زواج او ....

وبالنسبه للأحذيه عندهم بالدواليب المفتوحه مجموعه من الاحذيه
اهم شي يكون عندهم اللون الاسود لأنه رسمي ويناسب كل شي
وباقي الاحذيه الرياضيه او النعل مجموعه منهم
واحذيه خاصه للمدارس

بالنسبه لعيالي اول ما يدخلون البيت يشيلون حذائهم ويودونه
غرفتهم ويخلونه مكانه
ما احب ان يكون عند المدخل أي حذاء الا نعال واحد فقط لكل واحد فينا
على رف مرتب

والصباح ايضا ياخذون الحذاء ويودونه معهم تحت ويحطونه عند المدخل
علشان يلبسونه للمدرسه او لطلعاتنا ...

واجهت البيت والمدخل لازم يكون دائما مرتبا وهذا يدل على نظامك وترتيبك

بعد ما اخلص كل شي ادخل حمامهم الخاص وارتب كل شي واسوي نفس العمليه
الي سويتها لحمام غرفتي

هذا بالنسبه لغرف النوم
الطابق الثاني ايضا عندي ثلاث غرف
وحده منهم غرفة نوم للضيوف خاص بأهلي اذا جو من السفر ويباتون عندي
فتكون مسكره وما احتاج انظفها الا وقت الزياره لأن ما نستعملها لأي غرض ثاني

الغرفه الثانيه صغيره نوعا ما مخصص لي ولزوجي وهي غرفة المساج
عملت الديكور وفرشتها بالاحمر ولسه نستعملها بالاسبوع مره وحده وقت اجازه الويك اند
وبعد ما ننتهي من الغرفه انظفها اليوم الثاني واقفلها وما احب عيالي يدخلونها
لان فيها اشياء مو المفروض الاطفال يشوفونها لأن بينهالون علي بأسئله انا مو قدها
فأقفلها واحتفظ بالمفتاح بعيد عنهم ..

الغرفه الثالثه ....

غرفة المكتبه

فيها مكتب زوجي
وباقي الغرفه كلها رفوف من يبدأ من فوق الى تحت مليانه كتب ومراجع
والكثير الكثير من الروايات الخاصه الي احب اني احتفظ فيها
وكل الاوراق الرسميه وغيرها من الفواتير وووو

هذي الغرفه ايضا انظفها يوميا

لان الكتب والمساحات كلها من الخشب والساج
فتلميعها بشكل يومي وتنظيفها ضروري ..

خلاص انتهيت من الطابق الثاني
اشغل المكنسه ونفس الطريقه اخلص بسرعه بسرعه

هذا بالنسبه للطابق الأعلى ..........

بعدها انزل بسلتي ( والله لو هالسله تتكلم كان قالت انا خلاص بهج من البيت )

.........................................

الساعه الآن 10:30

شفتو كيف خلصت بساعه ونص طابقين ما شاء الله علي هههههههه
الي عندها شقه والله تقدر تضبط روحها بنص ساعه انا كنت ساكنه بشقه
لمدة سبع سنين التنظيف ما كان ياخذ مني وقت ولكن الترتيب والتخزين
بشقه صغيره هو الي يخلي الوحده تتعب بالترتيب والكركبه كل اشوي مع الاطفال
شي متعب ...

بصراحه ما ادخل المطبخ على طول بعد ما اخلص
ارجع للمنتدى مره ثانيه هههههههه
واقعد اشرب كوفي واشوف المواضيع
والود ودي ان الوقت يوقف ههههههههههه

الساعه 11 ادخل المطبخ
كل شي نظيف لكن سلتي تنتظرني هناك
اطلع الاكياس الي غيرتهم من الغرف واقطهم بالسله الكبيره ( الزباله كرمكم الله )
واخذ السله وخلاص اوديها مكانها
البس القفازات وابتدي اطبخ ووقت الطبخ اتفرج على التلفزيون
واضيع وقتي بمسح الطاولات واسوي السلطه

ارتب الاغراض بالدروج اعدل شكل الصحون والملاعق الي مطلعتهم من غسالة الصحون
وما احس اني قاعده اشتغل لان التلفزيون يسليني وقت الشغل بالمطبخ

وبما ان عيالي اجيبهم على الساعه 1:10 الظهر ففي وقت ان يجهز الاكل على راحته

ان كان اذن اروح اصلي

وارجع للمنتدى مره ثانيه هههههههههههه
ربع ساعه بس هههههه

ارجع المطبخ واشوف الأكل ان كان خلاص جهز فخلاص اطفي عليه

اروح اخذ شور سريع بس للجسم
البس واجيب عيالي

كل واحد ياخذ شنطته وجزمته وانتو بكرامه وعلى غرفتهم

ينزلون واحط لهم الاكل على طاولة المطبخ أفضل علشان ما اقعد انظف غرفة الطعام مليون
مره باليوم ..

يخلصون الاكل وانا احط الصحون وكل شي بالغساله بس ما اشغلها بقول لكم ليش
لان غسالتي تاخذ كميه كبيره
فأستنى العشاء وقبل ما انام اليل اشغلها واليوم الثاني كل شي نظيف وجاهز
ووقت ما احضر للغداء لليوم الثاني نفس الوقت اطلع الصحون وارتبهم بالدواليب الخاصه فيهم

وبما ان عندي كميه كبيره من الصحون والملاعق فما راح يقصرني شي لما ابي اقدم لهم وجبه العشاء
( زوجي يحب يروح يشتري صحون وكاسات عن جد فيهم وراثه عائلته كلهم يحبون تجميع الصحون
ناس يجمعون طوابع وانا زوجي يشتري لي صحون وغيره من الاشياء الي تخص المطبخ )

المهم امسح طاولة الاكل الي بالمطبخ وامسح باقي الرخام على الدواليب والمغسله ارشها من البخاخ الي
سبق قلت لكم كيف اسويه وانظف بشكل سريع الفرن
على فكره تنظيفي للفرن القصدير او الالمنيو الي موجود على الفرن ما اغيره الا بالاسبوع مره وحده بس
وباقي الايام امسح على القصدير ببام مزيل الدهون العجيب وامسح بفوطه نظيفه وبهذا الشكل يكون عندي الفرن
نظيف كل يوم .....



خلصت من المطبخ اسوي لي شاي بالاعشاب للتنحيف ههههههه

عيالي مستانسين على التلفزيون

انا اروح اشوف اخبار المنتدى الين ما اخلص الشاي يعني شي عشر دقايق على السريع

طبعا الكمبيوتر شغال على التلفزيون من الصباح الين ما انام هههههه

اروح اول شي امسك بنتي حبيبتي واخلي ولدي يتفرج على التلفزيون اودي بنتي فوق
بغرفتها واقعد ادرسها واخليها تحل كل واجباتها واقعد احظر لها الدروس الي ما عطوها لسه
علشان لما يعطونها الدرس يكون عندها فكره عن الموضوع
وخلاص اقعد معها الين ما تنتهي ....
أفــــــــــــــــــــراج

الحين دور الأخ الكبير ولدي البكر
اسوي معه نفس الطريقه الي سويتها مع بنتي

أفـــــــــــــراج

طبعا بهذا الوقت يكونون خلاص ما صدقو يخلصون مني
يروحون يلونون بدفاتر التلوين او يتفرجون على التلفزيون

انا ادخل غرفتي أقرأ قرآن نص ساعه او اكثر اشوي ( على الأقل جزء كل يوم
علشان نهاية الشهر اكون خاتمه القرآن من كل شهر ) وبهذي الطريقه اختم القرأن 12 مره كل سنه

بعدها اطلع اروح المطبخ اخذ معي عصير وبسكوت او كيك
واطلع أي شي موجود على جدول العشا علشان يذوب الثلج

وانادي عيالي نروح نقعد برااا بالحديقه هم ياكلون ويسولفون وانا اسقي الزرع
اخلص اقعد معهم اشوف وش يبون يسون
احيانا نقعد نلون واحيانا نقعد نلعب
اكثر شي نلعب لعبة الحيه الي معها النرد

بعدها اخلي كل واحد ياخذ شور كامل ونفس الوقت اطلع لكل واحد بيجاما نظيفه اخليه على السرير
وانا ابتدي اطبخ اخلص كل شي واطلع وما انسى موضوع الفطور لليوم الثاني للمدرسه اسويه
واحطه بالبوكس البلاستيك واسكر عليه عدل وادخله الثلاجه
اخذ شور سريع للجسم بس البس اتعطر مكياج لان بهذا الوقت احب اتمكيج اكثر من
الاوقات الثانيه لان لما اتمكيج العصر لازم اغسله للصلاة كل اشوي اما بالليل فعندي الوقت اطول
اتمكيج واقعد مع زوجي ..
اقعد بالقاعه اتفرج على التلفزيون

الين ما يجي زوجي من العمل
اقدم لهم العشا وانظف المكان والمطبخ مثل ما سويت وقت الغدا
اشغل غسالة الصحون

ما ادخل المطبخ خلاااااااااااااااااص الى يوم الثاني

عيالي الساعه 7:30 سواء مدارس او اجازه لازم ينامون

عودتهم على كذا من كان عمرهم سنه ماشين على هالطريقه

زوجي هالوقت زي الملهوف على التلفزيون وقلما يقعد على الكمبيوتر
انا بهذا الوقت اروح فوق أبدل ثيابي البس ثياب النوم بما ان عيالي نايمين
فأخذ راحتي بالبس الي ابيه ....

انزل اقعد معه نسولف وووو
ونفس الوقت اسوي شاي وقهوه ونقعد انتسامر الين الساعه عشر تقريبا
خلاص هذا وقت نومه ادخل معه الغرفه احيانا انا ما فيني نوم
فأنزل بعد ما اتأكد انه نام خلاص ..

اقعد اتفرج على التلفزيون او ادخل المنتدى ..

وبس اروح انام ....
حتى لو نمت متأخر ما احاول اني اغير بالجدول سهري ومتعتي بالتسليه سواء
بالمنتدى او بمتابعه البرامج ما اخليها تأثر على واجباتي اليوميه تجاه بيتي
احيانا اكون تعبانه من السهر واقوم انظف واقول لنفسي تستاهلين علشان تتوبين ههههههه

بالنسبه لكيس القمامه لما اطلع الصبح بودي عيالي المدرسه اقطه برااا بطريقي..

كيف احافظ على ترتيب بيتي بعد ما خلصت كل شغلي بالفتره الصباحيه فقط ؟؟؟

اختي العزيزه النظام والترتيب اول بأول يعني لا تاخذين شي الا ترجعينه مكانه
لا تسمحين لعيالك ببعثرة اغراضهم وكل واحد مسؤل عن ارغراضه

الحين بتكلم عن جدولي الاسبوعي :::::::::::::::

عندي يوم الجمعه هو يوم مخصص للغسيل وقت ما اشغل الغساله
اكون قاعده اغسل الحمامات بطريقة البخار نفس ما ذكرته لكم سابقا

وبعد ما اخلص اطلع الملابس واحطهم بالجفافه

افتح الثلاجه ارتب كل شي مكانه اطلع الرفوف وادخلها بغسالة الصحون
اشيل عيون الفرن واحطها بغسالة الصحون
اشيل كيس المكنسه واحطها بغسالة الصحون
حتى سلة الصحون الي استخدمها لتنشيف القدور الكبيره وغيرها
اخليها بغسالة الصحون

أغير القصدير من على الفرن
أمسح بلاط المطبخ كله
واجففه ....

وبهذا الوقت الغساله للملابس خلصت الدفعه الثانيه
اطلع الملابس واحطها بالجفافه
واطوي الثياب الي من الدفعه الأولى
أي شي للكوي احطه بالسله مثل ما كتبت لكم الطريقه
بتجاربي رقم 6

اخلص من كل شي سواء الطوي والكوي بنفس الوقت
اتعب كثير ولكن اصبر نفس لأن طول الاسبوع اكون
مرتاحه من الغسيل والطوي والكوي

عموما خواتي بالنسبه لغسل الملابس الي ما عندها
غساله اكثر من 5 كيلو انصحها انها تغسل كل يومين افضل لها

وعلى الاقل تكوي كل ثلاث ايام لثلاث ايام متتالين تكون مرتاحه

بعد ما انتهي من الكوي وغيره
افرز الملابس كل واحد لدولابه بدون ما اماطل وله اقول
بعد اشوي .... كل شي بوقته

بعدها ارجع لغسالة الصحون
اركب الرفوف بالثلاجه وكاهي نظيفه وتلمع
ونفس الشي بالنسبه للباقي اركبهم مكانهم


باقي عندي كل يوم سبت اروح اشتري كل الخضروات والفواكه الي
احتاجهم لأسبوع كامل ....

اقشر الجزر واحطهم ببوكس من البلاستيك
أما البطاطس اغسلهم عن التراب واخليهم ينشفون وبعدين ادخلهم
بالثلاجه بعد ما اغطيهم بالجريده لأن الجريده فيها الحبر
والحبر يشفط الرطوبه وبكذا دائما البطاطس يكون طازج عندي
والطماطم نفس الطريقه بس ما يحتاج اغسله

اليوم الي مكتوب بجدول الأكل ان بناكل برااا او نجيب دلفري للبيت
استغل الفرصه اني امسح كل البيت اقصد الارضيه
انا الارضيه ما عندي رخام عندي كله خشب
وبكذا امسحه بالملمع
ونفس الوقت احرك الكنب وانظف تحته وانفض كل المخدات الى موجوده
للزينه ....

كيف احافظ على نظافة الارضيه لمدة اسبوع ؟؟
بوقت المهام اليومي كل ما اشوف اثر للبقع
اخذ مرش الخاص بمنظف الزجاج ارش وامسح وخلاص

اما التنظيف الاسبوعي فهو مجرد للتنظيف العام

بس والله ما راح تلاحظون ان البيت مو نظيف لان التنظيف اول بأول
دائما بيكون بيتك نظيف والارضيه تلمع ..

أما الشبابيك استغل فرصة سقي للزرع بالحديقه اني انظف الزجاج مره وحده
واشطف السيراميك الخارجي للبيت واغرق الحاره بالماء ههههههههههه

أما السجاجيد في خدامه تجيني كل ما اتصل فيها
كل بداية صيف اخليها تغسل كل السجاجيد سواء للغرف او القاعه والمجالس
وكل نهاية الصيف نفس الطريقه ..
لأن ببداية الصيف ونهايته الشمس عندنا حاميه وتنشف من الماء خلال يوم او يومين
افضل من فصل الشتاء

الشراشف اغيرها كل ثلاث ايام واحط بدالها شرشف نظيف ومكوي ومبخر ونفس الوقت
ارشه بعطر المفارش
اما اللحاف اغيره كل اسبوع مره وحده اشيل المستعمل اغسله
واحط بداله واحد ثاني نظيف وكل شي طقم عندي ما احب ان يكون عندي
اللحاف لون والشراشف لون ثاني

الفوط المستخدمه للاستحمام
كل يوم الصباح اشيل كل الفوط المستخدمه واحطها بالجفافه وتطلع جافه ومعقمه
هذي العمليه اعيدها مجرد يومين فقط
اما ثالث يوم اوجه الفوط للغسيل وابدلها بفوط نظيفه

فوط المطبخ عندي تقريبا عشرين وحده وكلها لون واحد ولون الي اخترته
غامق جدا علشان ما يبين فيه البقع

وعندي سطل خاص بغرفة الغسيل كل ما اخلص من فوطه اقطها في السطل
ولما اشوف ان ما باقي عندي الا فوطتين بدرج الفوط بالمطبخ اباشر بغسل
الفوط الي بالسطل

كيف اغسلهم ؟؟؟
اول شي انقعهم بماء وصابون وفنجان من الخل
واخليه لمدة ساعتين تقريبا
وبعدين اشغل الغساله وخلاص بعدها على الجفافه واطويها
بشكل مربعات وعلى طول احطهم بدرج المطبخ المخصص للفوط


كيف انظف الاحذيه ؟؟

عندي بخاخ خاص بالاحذيه فيه زيت المستعمل للأكل مثل العافيه
ارش على الجزم الجلد وامسح بالفوطه وبس
اما الاحذيه الي من القماش امسحها بالخل والماء ويرجع جديد


لما اغسل الحمام ما انسى اخذ معي سلال النفايات كلها
سواء للمطبخ او الغرف او الحمام كلهم ارشهم ببخاخ الكلوركس الي كتبت عنه
واخذ الفرشاه الخاصه وفرش من الداخل والخارج وبما ان مكونات البخاخ
من الكلوركس فما يبي له دعك كثير بتشوفين ان الأوساخ تختفي تدريجيا

بالنسبه للمطبخ دائما عندي نظيف والسبب ؟؟
ان كل يوم بيومه يعني اذا الدروج نقط عليها شي على طول امسحها بالبخاخ
اما اعلى الدواليب فالالمنيو الموجود فوقه الدواليب وفوق الثلاجه
ما اشيل هم تنظيفها مجرد اني ازيله وافرش واحد جديد وانتهي الموضوع





اما جدولي الشهري ::::::::::::::

اني اجيب درج واقعد انظف الرخام والديكور بسقوف كل البيت بالريشه
واني انظف فوق الدواليب سواء دواليبي او دواليب عيالي
ونفس الطريقه افرش فوق الدولاب نايلون الي ينفرش بالدروج علشان يسهل علي
التنظيف للشهر الي بعده مجرد اني اشيل النايلون وامسح على السريع بالفوطه
والملمع الخاص بالخشب واحط نايلون نظيف
طبعا النايلون اقصه على حسب القياس وبكذا الشغله تصير عندي عمليه جدا

خواتي حتى لو كان الغبار غير مرئي يعني لما يجون لك ناس اكيد ما بيلاحظون
الغبار والاتربه فوق الدواليب لكن صدقيني ان الغبار له رائحه خاصه
ولما تهتمين بهذه الاماكن بتحسين بفرق بالنظافه
وما ابي اذكر لكم ان اطفالكم لازم يعيشون بجو نظيف وخالي من الغبار

كيف انظف مراوحي ؟؟

ان كانت مروحتك وصخه كثير ومن زمان ما نظفتيها فتحتاجين للدرج علشان
تنظفينها عدل وتقدرين تستخدمين البخاخ الكلوركس بتجاربي رقم 1
وان كانت نظيفه فهذي طريقتي اني اجيب سفره واحطها تحت المروحه بالضبط
واوقف على جنب وارش على المروحه وانا واقفه بتشوفين ان الاوساخ كلها تنزل
من غير ما تحاولين الصعود على الادراج اهم شي تغطية المكان بالسفره او أي شي
ثاني ما عداااا الجرايد ما تنفع لهذه الطريقه لان ماء الكلوركس بيخر منه ...

حتى الثريات ممكن استخدام نفس الطريقه بالرش لكن تأكدي ان نوعيتها
تكون مؤمنه من ناحية الاسلاك وغيرها ...

بالنسبه للحشرات وغيرها
انصح الجميع انهم ما يرشون البيت بنفسهم لأنها طريقه اول شي
فاشله للبعض الي عندهم مشكله خاصه بالصراصير وغيره
لان الرش الموجود بالسوبرماركت غير كفيله بأنهاء المشكله بشكل نهائي

الي عندك يا اختي من الحلول انك تتصلين بشركات التنظيفات
وياكثرهم عندنا مجرد 8 دينار او 80 ريال او درهم
يجون يرشون لك البيت كله من الخارج الى الداخل
مع ضمان لمدة ستة شهور
وبعد ستة شهور احتفظي بالرقم واتصلي لتعيدي الكره ان احتجت لذلك
بالنسبه لبنات البحرين انا اتعامل مع شركة دبليو 9 ممتازه وضمان
وعن تجربه شخصيه من سبع سنين ....

هذا هو جدولي ان شاء الله قدرت اني افيد البعض
وهذا ملخص بسيط عن كل ما تكلمت عنه ...

المهامات اليوميه ::::::::::::
1- لم الملابس المتسخه
2- تغيير اكياس القمامه بكل غرفه
3- تنظيف الغبار
4- كنس المنزل بالمكنسه الكهربائيه
5- طبخ وغسل الاواني وترتيب كل ما استخدم بالطبخ سواء للغداء او العشاء
6- رش الحمامات كلها بالطريقه المذكوره بالاعلى
7- تغيير الشراشف والفوط كل يومين او ثلاث

المهامات الاسبوعيه :::::::::::
1-غسل الحمامات مع سلات القمامه
2- مسح الارضيات سواء الخشبيه او الرخام وايضا تحريك الكنب وو
3- تنظيف الشبابيك من الخارج والداخل
4- شطف السيراميك الخارجي للمنزل
5-تغيير اللحاف لكل فرد منا
6- غسل الملابس وكويهم
7- شراء الخضروات والفواكه لأسبوع كامل
8- تنظيف المكيفات والفلاتر الخاصه بالمطبخ

المهامات الشهريه ::::::::::::
1-تنظيف المراوح والثريات
2-تنظيف الديكور والجبس بسوق كل غرفه
3-شراء مستلزمات المنزل الغذائيه وغيرها الموجوده بجدولي
4-تنظيف اعلى الدواليب الخاصه بالملابس بكل غرفه وفرشها ببلاستيك جديد ونظيف


ان شاء الله ما نسيت شي
واي استفسار انا حاظره
وان شاء الله ما بقصر
تــــــــــــــــرانيم




اضغط على الصورة لفتحها بصفحة مستقلة


ڵڪ??ڹۑ ڛ??ۅ likes this.
  الرد باقتباس
قديم(ـة) 04/01/2008, 02:13 AM   #2
مشرفة سابقة
 
الملف الشخصي:
تاريخ التسجيل: 02/11/2006
رقم العضوية: 123463
البلد: ♥مع عمار و لولو ♥
المشاركات: 6,673
الجنس: أنثى

تقييم العضو:
قوة التقييم: 268

ام عمـار مشاركاتها محل إعجابام عمـار مشاركاتها محل إعجابام عمـار مشاركاتها محل إعجابام عمـار مشاركاتها محل إعجابام عمـار مشاركاتها محل إعجابام عمـار مشاركاتها محل إعجابام عمـار مشاركاتها محل إعجابام عمـار مشاركاتها محل إعجابام عمـار مشاركاتها محل إعجابام عمـار مشاركاتها محل إعجابام عمـار مشاركاتها محل إعجاب


الأوسمة

ام عمـار غير متصل
اضغط على الصورة لفتحها بصفحة مستقلة


ما شاء الله عليك شكرا لك

الله يحميك و يحفظك لعيالك

اضغط على الصورة لفتحها بصفحة مستقلة
  الرد باقتباس
قديم(ـة) 04/01/2008, 02:52 AM   #3
عروس مبدعة
 
الملف الشخصي:
تاريخ التسجيل: 08/07/2007
رقم العضوية: 177123
البلد: بلاد الحرمين
المشاركات: 822
الجنس: أنثى

تقييم العضو:
قوة التقييم: 53

اميره بس فقيره عضوة جديدة

اميره بس فقيره غير متصل
ربي يعطيك الف عافيه مجهود رائع
  الرد باقتباس
قديم(ـة) 04/01/2008, 02:55 AM   #4
مشرفة سابقة
 
الملف الشخصي:
تاريخ التسجيل: 18/07/2006
رقم العضوية: 103565
البلد: Hurghada-Alexandria
المشاركات: 3,297
الجنس: أنثى
الدولة: مصر

تقييم العضو:
قوة التقييم: 83

Prof_Nona عضوة جديدةProf_Nona عضوة جديدةProf_Nona عضوة جديدة


الأوسمة

Prof_Nona غير متصل
ما شاء الله عليك
شكرا لك

الله يحميك و يحفظك لعيالك
  الرد باقتباس
قديم(ـة) 04/01/2008, 03:08 AM   #5
عضوة متميزة بعروس
 
الملف الشخصي:
تاريخ التسجيل: 01/10/2003
رقم العضوية: 26191
البلد: مصر
المشاركات: 1,503
الجنس: أنثى
الدولة: مصر

تقييم العضو:
قوة التقييم: 87

maro في طريقها للتميزmaro في طريقها للتميزmaro في طريقها للتميزmaro في طريقها للتميزmaro في طريقها للتميزmaro في طريقها للتميزmaro في طريقها للتميزmaro في طريقها للتميزmaro في طريقها للتميزmaro في طريقها للتميزmaro في طريقها للتميز


الأوسمة

maro غير متصل
اضغط على الصورة لفتحها بصفحة مستقلة

جزاكى الله خيرا متميزه كعادتك
اضغط على الصورة لفتحها بصفحة مستقلة
  الرد باقتباس
قديم(ـة) 04/01/2008, 04:40 AM   #6
عروس جديدة
 
الملف الشخصي:
تاريخ التسجيل: 05/09/2007
رقم العضوية: 193531
البلد: السعودية
المشاركات: 5
الجنس: أنثى

تقييم العضو:
قوة التقييم: 0

alhaiah عضوة جديدة

alhaiah غير متصل
موضوع روووووووعه الله يجزيك الجنه
  الرد باقتباس
قديم(ـة) 04/01/2008, 05:16 AM   #7
عروس متميزة
 
الملف الشخصي:
تاريخ التسجيل: 23/07/2006
رقم العضوية: 104482
البلد: قلب زوجي
المشاركات: 2,987
الجنس: أنثى

تقييم العضو:
قوة التقييم: 80

وحي الفيروز عضوة جديدة


الأوسمة

وحي الفيروز غير متصل
ماشاء الله
ماشاء الله
الله يعطيج الف الف عافية
  الرد باقتباس
قديم(ـة) 04/01/2008, 05:50 AM   #8
عروس متميزة
 
صورة لحن الاشواق الرمزية
 
الملف الشخصي:
تاريخ التسجيل: 22/11/2006
رقم العضوية: 128821
البلد: ديار العز سعودييه
المشاركات: 3,419
الجنس: أنثى
الدولة: المملكة العربية السعودية

تقييم العضو:
قوة التقييم: 158

لحن الاشواق تواجدها رائعلحن الاشواق تواجدها رائعلحن الاشواق تواجدها رائعلحن الاشواق تواجدها رائعلحن الاشواق تواجدها رائعلحن الاشواق تواجدها رائعلحن الاشواق تواجدها رائعلحن الاشواق تواجدها رائعلحن الاشواق تواجدها رائعلحن الاشواق تواجدها رائعلحن الاشواق تواجدها رائع


الأوسمة

لحن الاشواق غير متصل
بصراحــه ماشالله عليييييك ام ناجحه اعطيتي كل حق حقه ومع ذالك مانسيتي نفسك بجد انتي متميييييييزه وتبهريني بمواضيعك الله يعطيك العافيه ويخليلك عيالك وزوجك والف شكر لك على طرح تجاربك ونتظر التجربه الجديده خخخخ(( اعجبتها تجاربك ....
التوقيع:
لاحول ولا قوة الا بالله
  الرد باقتباس
قديم(ـة) 04/01/2008, 06:12 AM   #9
عروس برونزية
 
الملف الشخصي:
تاريخ التسجيل: 25/11/2007
رقم العضوية: 207022
البلد: : نفيت واستوطن الاغراب في بلدي ودمروا كل اشياء حبيباتي
المشاركات: 1,823
الجنس: أنثى
الدولة: كندا

تقييم العضو:
قوة التقييم: 104

بنت الرافدين1 تواجدها رائعبنت الرافدين1 تواجدها رائعبنت الرافدين1 تواجدها رائعبنت الرافدين1 تواجدها رائعبنت الرافدين1 تواجدها رائعبنت الرافدين1 تواجدها رائعبنت الرافدين1 تواجدها رائعبنت الرافدين1 تواجدها رائعبنت الرافدين1 تواجدها رائعبنت الرافدين1 تواجدها رائعبنت الرافدين1 تواجدها رائع

بنت الرافدين1 غير متصل
عاشت الايادي على الطرح المميز:21_201:
بس ماقلتيلي اشكثر اخذ منج وقت كتابة الموضوع:clap:
تقبلي خالص تحياتي:9_28:
  الرد باقتباس
قديم(ـة) 04/01/2008, 06:22 AM   #10
عروس نشيطة
 
الملف الشخصي:
تاريخ التسجيل: 27/12/2007
رقم العضوية: 214619
البلد: السعودية
المشاركات: 138
الجنس: أنثى

تقييم العضو:
قوة التقييم: 43

*المـتـــأمــــلة* عضوة جديدة

*المـتـــأمــــلة* غير متصل
ترانيم اسم على مسمى.. ماشاء الله على النشاط والنظام وحسن التصرف و... و... و... الكلمات تعجز..
وحبيت أقول لك إن هذا كله أولآ بتوفيق من الله عز وجل ثانيآ بركة القرآن اللي تقرأينه فهو المبارك .. يعني سبحان الله مع هذي المشاغل كلها إلا إنك مافرطت من ناحية العبادة..(( صلاتك - القرآن - زوجك - أولادك ....الخ))
بارك الله لك وبارك عليك وجزيت الجنة على ماأفدتينا به وجمعنا الله وإياك في مستقر رحمته..
  الرد باقتباس
إضافة رد


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع ابحث بهذا الموضوع
ابحث بهذا الموضوع:

بحث متقدم

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح


مواضيع مشابهة
الموضوع الكاتب المنتدى الردود آخر مشاركة
جدول يومي والسبوعي للمراه المسلمه لحياة سعيده لمسة حنان* الشؤون الأسرية و الإجتماعية و أخبار الأعضاء و مناسباتهم 16 29/12/2012 08:06 PM
جدول يومي لاثار البشره-بس بخلطات بنت عذاري Twinkle Eye ركن العناية بالبشرة والجسم 70 12/03/2012 06:22 AM
جدول يومي لتغذيه الطفل (1) توتة البحرين ركن تغذية الطفل من الولادة حتى المراهقة 63 07/06/2008 03:19 AM
منو يسويلي جدول غذائي يومي حق بنتي ؟؟؟ Anteka التربية والطفل 1 19/04/2005 12:56 AM
ابحث عن جدول يومي منوع للجسم والوجه؟ زهور الريف ركن العناية بالبشرة والجسم 5 10/12/2002 09:10 AM




الساعة الآن +3: 03:08 AM.


جميع المواضيع و المشاركات تعبر عن رأي أصحابها فقط, و لا تمثل بالضرورة رأي موقع عروس.
جميع الحقوق محفوظة لموقع و منتديات عروس © 2001 - 2014
هذا المنتدى يستخدم منتجات بلص

Search Engine Optimization by vBSEO ©2011, Crawlability, Inc.

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141