بوابات السفر و السياحة ركن يختص بالمواقع السياحية حول العالم أهم المعالم والأماكن الترفيهية والأسواق والمنتجعات

تقرير رحلتي الى بنجلور,,,, في عطلة عيد الاضحى المبارك

02/01/2008, 04:00 AM
يوم المغادره من دبي الاربعاء الموافق اول ايام عي الاضحى المبارك قمت من الفجر صليت الجر وعقبها سرنا المصلى نصلي صلاة العيد ورجعت البيت اتريق ولبست ثياب السفر وعقب سرت بي عمي لاني سافرت وياهم وصلنا مطار دبي الدولي جي الساعه 9 ونص وكان كل اللي يشوفنا يسئلنا ليش تسافرون يوم العيد,, ورحلتنا كانت الساعة ظهراً12 بتوقيت الامارات الموافق 19-12-2008
طبعاً سافرنا على خطوط طيران الامارات زمن الرحله 3 ساعات و20 دقيقه
وصلنا مطار بنجلور الساعه 4 تقريباً,,,, ماتوقعت جي مطار بنجلور معاملت الموظفين مب حلوه ابد اول ماوصلنا هزئنا الضابط هناك
وبعد تأخرت الشنط وايد وضاعت وحده من الشنط
المهم استلمونا الحماليه لين الباص ولا بعد واحد منهم يقول عطوني فلوس بالدولار!!
كان في استقبالنا شخص من بنجلور صديق العائله اسمه ( راجيش) وزوجته ( انيتا واليهال يسمونها سونيتا) رحبو فيها واجرو لنا بص كبير وصلونا الين السكن..
الجو كان ممطر وبررررد ودرجة الحراره كانت 12
سكنا في Brigade Residences يعني المكان حلو ونظيف نوعاً ما وهذا موقعهم http://go.3roos.com/oDgsihmGUEC

في اليوم الاول كنا تعبانين ونمنا من وقت

اليوم الثاني الخميس 20 -12-2007

صحينا الصبح ورحنا سوبرماركت قريب من رسول ماركت وتشرينا اغراض للبيت
والعصر سرنا مركز تسوق حلو وتشرينا بنجابي وقمصان وهالسوالف
ورجعنا البيت الساعة 6 ونص المغرب ,,, وطبعنا بسرعه وتعشينا قبل الساعه 8 وصمنا عشان اليوم الثاني الصبح كان عندنا موعد في المستشفى.. وعشانا يعنا وايد رقدنا من وقت

اليوم الثالث... يوم الجمعه 21-12-2007

صحينا من النووم الفجر الساعه 6 وتلبسنا ونزلنا تحت لقينا الباص ينتظرنا و انطلقنا الى المستشفى وهو كولوبو اسيا سوينا تحاليل وكشوفات وشيك اب كامل ما شاء الله كنا 13 شخص وما خلصنا الا الساعه 5 العصر تقريباً. ورجعنا الشقة وما طلعنا ,, ووصلت الشنطه اللي ضاعت في المطار ويابوها لين السكن.

اليوم الرابع,,, السبت 22-12

اليوم العصر طلعنا لاحد مراكز التسوق وكان المركز كبير وخذنا عندهم بنجابي وقمصان طوال وكرمتو نعول حلوه وخذنا عشا من ماكدونالدز ورجعنا الشقه

اليوم الخامس,,, الاحد 23-12

اليوم طلعنا من العصر ورحنا اول شي لمحل اقمشه اعراس اسمه samyakk
والاهل خلصوا الاقمشه اللي في المحل ماشاء الله,, وبعدها سرنا فندق ليلى بلس فيه مركز تسوق راقي واشترينا هدايا للاهل وتعشينا في مطعم راقي


اليوم السادس 24-12

اليوم نص الاهل سارو المستشفى الصبح الساعه 8 يشوفون نتايج التحاليل والكشوفات وما رجعوا الا الساعه 4 العصر
خذو ريست وجذي على الساعه 5 العصر رحنا السوق اسمه KEMP KIDS نشتري هدايا لليهال والمغرب رحنا فندق ليلى بلس وهو مقابل هالمحل وتعشينا في BARISTA COFFEE والساعه 9 ونص رجعنا السكن.

اليوم السابع 25-12

اليوم العصر طلعنا من البيت ورحنا محل اقمشه واشترينا من عندهم وبعدها رحنا مركز تسوق قريب من المحل وكان وايد زحمه علشان اليوم عندهم كريسماس,, اكثر شي عندهم حلو هو البنجابي ولكن في الزحمه انصرق موبايل بنت عمي ما عرفنا منو السارق وطلعنا من المركز والساعه 9 ونص رجعنا السكن وطلبنا عشا من المطعم.

اليوم الثامن 26 -12

صحينا من الصبح 9 ونص ورحنا فندق ليلى بلس نعمل مساج وسبا في the spa لين الظهر ورجعنا البيت وتغدينا والمغرب رحنا مركز تسوق اسمه بنجلور سنتر فيه ملابس شيك استانسنا بس وناستنا ماكملت لان سرعان ما انسرقت خالتي وخذو المحفظة باللي فيها من الاف الدراهم وبطايق الفيزا. وردنا السكن مقهورين وزعلانين وما باليد حيله.

اليوم التاسع 27-12

الساعه 4 العصر بعد الغداء سرنا M.G rood هالشارع كله محلات وتشرينا منه وخلصنا العشا ردينا البيت و كنا بنطلع نتعشا بس خبرونا ان بناظير بوتو قتلوها والاهل في الامارات كلمونا وقالو لا تطلعون
وتعشينا في البيت

اليوم العاشر 28 -12

صحينا من الصبح نحضر اغراضنا وشنطنا وطلعنا نشتري هدايا للاطفال من السوق اللي تحت فندقنا
وتقريباً على الساعه 2 ونص انطلقنا الى المطار
وانصدمنا مره ثانيه من حركات الموظفين هناك من تأخير وتغليس ساعتين عند وزن الشنط
وبعدها يلسنا في صالت المسافرين لين ما طرنا الساعه 6 ونص بتوقيت بنجلور وو صلنا مطار دبي الساعه 9 بتوقيت دبي.


والحين اتركم مع الصور


المكان اللي سكنا فيه


باصنا الحلو,,,, وفيه تلفزيون ودي في دي ,,, وكنا نطالع فيه فلم هندي مال شاروخان اسمه دون


في محل الاقمشه


في محل الاقمشه


في محل الاقمشه


موقف الدراجات في احدى المراكز




الديكور في السبا


ديكور الحمام في السبا


وايد عجبني طريقة الديكور في السبا


بهو فندق ليلى بلس



باقة الورد عن قرب


الممر في السبا


الجاكوزي في السبا




ليلى بلس في النهار


انطباعي عن الرحلة والمدينة بشكل عام
الرحلة ممتعه والمدينة تستحق الزيارة بغض النظر عن بعض السلبيات من معاملة موظفي المطار والسرقات هالاشياء تحصل في كل مكان. والعلاج ممتاز عندهم وادويتهم فيها فائدة ومحلاتهم حلوه.



من مواضيعي

02/01/2008, 04:08 AM
رووووووووعــــه ماشاء الله ,,..

الدبابات عجبت ولد أختي يقول بكم شروه كله ,,..



من مواضيعي

02/01/2008, 04:26 AM
هلا اختي ملح العذارى

مشكووره الغاليه على الرد

خخخ وحليله ولد اختج



من مواضيعي

02/01/2008, 12:14 PM
وايد حلو والهند باكملها عجيبة ..



من مواضيعي

صورة تسبيحات الرمزية
03/01/2008, 12:02 AM
تبارك الله والحمد لله ع السلامه
والله يشافيكم



من مواضيعي

(مرري الماوس على الصوره)

[flash=http://www.alflash.com/vb/uploaded/4041_01219416527.swf]width=445 height=203[/flash]

يقول الدكتور مصطفى السباعي:
إني لا أخشى على نفسي أن يغريني الشيطان بالمعصيه مكاشفه ولكني أخشى أن يأتيني بها ملفقه بثوب الطاعه

اناشيد لجميع المناسبات موسوعه
http://www.3roos.com/forums/t388990.html
03/01/2008, 09:10 PM
[GLINT]ماشاء اللع عليكي مصورة كل شي يعطيك العافية تسلمين..[/GLINT]



من مواضيعي

صورة العيون العسلى الرمزية
04/01/2008, 02:46 PM



غاليتى روحي الامارات



بجد روعه اتحفتينا بتقريرك الرائع


كل الشكر لكى ياقلبى وننتظر جديدك الاحلى واحلى





من مواضيعي



:o اخجلت تواضعنا يا قوقل
04/01/2008, 09:07 PM
واااااو شوقتينا نزورها



من مواضيعي

صورة suzysooz الرمزية
06/01/2008, 04:26 AM


تقرير وافي

الله يعطيج العافيه



من مواضيعي

08/01/2008, 02:35 PM
الحمد لله على السلامه ..



من مواضيعي

  • 1
  • 2

« أجمل النوافير العالمية | صور الفندق الثلجي في السويد....!!! »

يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع ابحث بهذا الموضوع
ابحث بهذا الموضوع:

بحث متقدم


مواضيع مشابهة
الموضوع المنتدى
تقرير رحلتي السريعة إلى دبي دار الحي بوابة السفر إلى دول شرق أسيا والخليج العربي والشرق الأوسط
بمناسبة عيد الاضحى المبارك ركن التصوير الفوتوغرافي والصور
بمناسبة عيد الاضحى المبارك ركن المناسبات و الهدايا
لبسي لعيد الاضحى المبارك ركن الأزياء
رحلتي الى سريلانكا - تقرير بوابة السفر إلى دول شرق أسيا والخليج العربي والشرق الأوسط

الساعة الآن +3: 12:08 AM.

 اتصل بنا - اعلن معنا - سياسة الخصوصية

Search Engine Optimization by vBSEO ©2011, Crawlability, Inc.

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141