كيف طريقه عمل الكسترد والمهلبيه للاطفال؟

ما ادرى اختى بس مره جربت اسوى مهلبيه كستر الى بنتى عمرها 5 شهور بس ما عرفت الطريقه لانه على ما اعتقد حليب الاطفال ما ينطبخ حتى يوم سويتها طلع الى الحليب ريحه قويه جنه سمك معفن بس ان شاء الله الاخوات افيدونش وفيدونى معاج بعد

مشكوره اختي على الرد ... اكيد في طريقه معينه لها .. بس يا ريت اللي اتعرف اتخبرنا كيف ...

انا بنت خالتي بتسةيه لبنتها بلبن الاطفال الصناعي بس ما بعرف طريقته بس بصراحه انا متوافقه مع الاخت اللي قالت ان ريحه لبن الاطفال بتكون زي السمك الخربان بس انا اول يوم جبته ههههههههه عشان اسويلها بيه السيريلاك اخوي لما لقاه في الكوبيه افتكره لبن عادي وهو يموت في اللبن فذاق منه راح قال ايه القرف ده ده طعمه مظفر زي السمك فقلتله هههههههههههه هذا حليب بنتي قام دخل الحمام جري هههههههههه وقالي حرام عليكي بنتك

انا اشوف مرة حماي تسويها لولدها
وجربتها بس ما صارت بحلاة اللي تسويها
تحط كمية متناسبة
مثلا ابنك 7 شهور
حطي له 3-4 ملاعق طعام مهلبية (البودرة) (بس مو مليانين لفوق)
و3-4 استكانات موية
و3-4ملاعق سكر ( بس ملاعق الشاي الصغيرة)
والله انه ولدها يحبه مووووت واذا سوت ليلة الجمعة بنتي تستانس عليه

آنه كنت أسويها لعيالي بحليب الأطفال أحيانا وأحيانا بالحليب قليل الدسم وحتى الروب أعطيهم قليل الدسم.
والمقادير بالنظر يعني حطي الحليب وذوبي فية بودرة الكستر أو طحين العيش أو النشا والسكر تقريبا كل كوبين لهم فنجان صغير نشا ونص فنجان سكر لأن مو المفروض الياهل ياكل وايد سكر وعن الريحه حطو شوي ماي ورد.

بنات مكبرين السالفه ترا
عادي سوها بحليب نيدو العادي انا سويتها لاولادي وهم عمرهم 4 شهور بالعكس جدا مغذيه ولا حد يقول ثقيله
اقولكم انا مااسويها الا بالنيدو
والحمدلله كلو تمام التمام ...............

ومنكم نستفيد

انزين عادي بنستخدم اي حليب

بس نبا الطريقه بالتفصيل

ربع كوب ماي + ملعقة صغيرة من البودرة سواء كسترد أو نشا + ملعقة كبيرة حليب بودرة اللي تحبين سواء نيدو أو تبع الرضع + سكر نبات أو تمر حسب الرغبة + كسرة صغيرة زبدة ( المقادير للإستعمال الواحد وبدون إسراف )

أولا تخلطينهم قبل لا تحطينهم ع النار بره لحد ما تذوب المحتويات بدون الزبدة ، ومن ثم حطيهم ع النار لين ما تشوفينه صار ثقيل خلاص طفي النار وإرمي الزبدة وقلبي الخليط وبالهناء والشفاء

تقدرين تضيفين له ملعقتين زبادي فواكه أول ما يطلع من النار ( مذاق رائع وقيمة غذائية أروع والطفل على طول يقبل ع الطعم )

يسلمووووووووووو
سؤال حلو
واستفدنا منا
وان شاء الله بسويها الى عبادي

ام المهند

اشكر فنج ...تسلمين على الشرح

انا اسويها بعد لبنتي
ام المهند قالت لي
بس عاد انا ما اضيف لها سكر

يعني احط شوية ماي مع ملعقة حليب صناعي + 2 ملعقة كاسترد واحطهم بالنار لين ما يغلظ وع طول على الخلاط
مع نص موزة مهروسة عشان يكون حلو

وبعد عندي طريقة ثانية كاسترد بنكهة التفاح : وهي تغلي نصف تفاحة في ماء وبعدها لما تنضج التفاحة اجيب الماء حقتها واضيف له حليب صناعي ملعقة واحدة + 2 ملاعق كاستر
وع طول في الخلاط ينضربوا مع بعض وخلاص

اقدمها للعشاء حال بنتي

والله الطريقة حلوة مشكورة أخت أم المهند

مشكورات خواتي على تفاعلكن وردودكن .. وتسلمين ام مهند على الطريقه الحلوه

بس اختي ام عبدالرحمن ..الكسترد بطريقة التفاح هل تطبخين الكسترد ويا ماي التفاح ولا مجرد خلط في الخلاط وبس .. وهل اتضيفين قطعة التفاح المطبوخه ولا بس تكتفين بماي التفاح المغلي ؟؟ وتسلمين على الوصفه

جربت مره اسوي لبتي
الكسترد مادري شلون ما يذوب في الماي لانه بدون الطباخ

من رايي انه نطبخ الكاسترد في ماي ونخليه يفتر شوي وبعدين نضيف الحليب
وحطي ويا سكر شوي وخلاص

thankxxxxxxxxxxxxxxxxxxxxxx umahaaaat :)