القصات و الصبغات و التسريحات زاويه تختص بعرض الجديد في عالم القصات والتسريحات والصبغات .

10/12/2007, 05:25 PM
مرحبا , أنا ناويه اصبغ شعري بعد كم يوم , المهم انا اصبغ في صالون وبالعاده همّا يختاروا الصبغة وهيه دايم لوريال دا الي ألحق اشوفه :whistling:
وبصراحة ما الاحظ اي اختلاف على نعومة شعري واللون يكون مناسب تماما ومافي اي عوارض تانيه ولله الحمد :icon9:


كنت ابغا اعلّق على كلام اختنا الموقة إن الصبغة ممكن تكون سبب في خشونة الشعر بس الاهم اننا نعتني فيه بالكريمات والشامبو المخصوص للشعر المصبوغ وما حيتأثر الشعر دا الشي الاول اما التاني انه الصبغة ممكن ماتعطي مفعولها ولونها الاساسي على حسب لون الشعر يعني ممكن اخذ علبة صبغة لونها اشقر فاتح ولما اصبغ الاقي شعري صار بني غامق او فاتح ويادوب يكون باين هذا لإن شعري بالاساس يكون اسود وتلاقي التعليمات على العلبة وتوريكِ كل لون شعر والنتيجة بعد الصبغ وبالتوفيق لكِ ..


ومشكورين بنات نبغا تفاعل اكتر :wavetowel2:



من مواضيعي

10/12/2007, 06:06 PM
Wild Flower


لوريـــآل


من الصبغآت اللي البنات كثير مدحوها

وهم ناعمه على الشعر واللون ولا احلى


وصحيح اختي الغاليه ان الشعر لازم نعتني فيه


صبغه + عنآيه = شعر جميل وصحي بلون لامع


هذي المعادله اللي امشي عليها

خاصه انحنى نشوف هالفنآنآت اذبحوا شعورهم

من الصبغ ومع هذا شعورهم تهبل


وانا ان شاء الله بصبغ شعري قريبا وراح اخبركم بالنتيجه


اشكرك لتواجدك حبيبتي

وننتظر باقي البنآت



من مواضيعي

12/12/2007, 03:18 PM
هلا حبايبي
هذا الموضوع مهم لي بذات لأن فيني شيب منأنا بالإبتدائي فما كنت أهتم به قبل الزواج لكن بعد كذا أهتميت لأني ما أبي أحد يتكلم علي وعانيت مع الصبغات ففي أول زواجي مايمر 6 شهور ويمكن أقل إلا وأصبغ وخشن شعري الموهيم أنه الصبغة كانت كوليستون 200
بعد كذا تركت الصبغات فتره وبديت بالداهيه وهي الكتم ( الحنه السوداء )وزاد خشن بس بديت أهتم بشعري دهنته بزيت خروع مع إنه ماينظف من الشعر
و زيت زيتون+ خميرة
ثمن صبغت بغارنيه وكانت النتيجه المذهله نعومه(أكثر من قبل ) +لمعان كلمة فضيعه قليله عليه
ملاحظات :
شعري أصله ناعم لما أغسله بالماء يصير أسلاك طوليه مايتلفلف
إذا بتصبغين لا تغسلين شعرك قبل بل كلما كان وسخ كانت النتيجه أحسن مايمنع إذا به قليل زيت مايضربس يكون قديم (وسخ=ماغسل لمد يومين أو 3 مو زيادة)
وهذي سالفتي ياطويلات العمر وأتمنى إني ماطولت عليكم وسلامتكم :shy:



من مواضيعي

12/12/2007, 03:56 PM
ام لجين الاميره


صحيح حبيبتي كولستون لونها ثابت بس مشكلتها

تعدم الشعر من الخشونه

وغارنيه تعطي لمعه خيال



مشكوره حبيبتي على مشاركتك

واذا عندك المزيد شاركينا




والى الآن صبغة غارنيه هي المفضله من خلال كلامكم

يالله يابنات نبي خبراتكم ننتظرهآ



من مواضيعي

صورة eSTiLo الرمزية
12/12/2007, 09:16 PM
هلا والله بالكل =)

بالنسبه لي أحسن صبغه للشعر هي ويلا و لكن لا تستخدمينها بروحج =)

و بالنسبه للبيت اذا تبين تصبغين بروحج عندكم لوريال و ويلا و جارنير كثير حلوه

و ماتأثر وايد بالشعر =)

و هم في صبغه طبيعيه بالاعشاب عند صيدلية بوتس Boots

من ماركة بوتانكس Botanics

حلوه و خاليه من الأمونيا

و في منها اللي فيها القليل من الأمونيا =)



من مواضيعي

* .. إعتذرت عن الإشراف .. وأحاول ما أقطع عنكم
.
BanTooTa
مشرفة ركن العناية بالشعر سابقاً
13/12/2007, 03:57 AM
هلا والله بالماسترات كلهم منوووووووووره



والصبغه اللي قلتي عنها اول مره اسمع فيها بس عجبتني

انها خاليه من الامونيا ...

ان شاء الله بدور عليها واحصلها




يسلم لي هالمرور النير



من مواضيعي

13/12/2007, 04:19 AM
مشكوره اختي الناعمه على الموضوع الحلو بالنسبه لي انا وحده كوكتيل صبغات بس مع العنايه طبعا

والحمدلله مااستخدم اي صبغه على طول الا اذا شفت نتيجتها على احد وبالدرجه الاولى انا افضل

غااااارنييه وخصوصا بني شوكولاه حيل حلو ويظل ثابت اللون بالعكس ماتغير بالنسبه لي ويعطي نعومه

ولمعه وصحه للشعر اما الالوان الثانيه يعني اشوفها على خواتي مو واضحه كلش فما حبيت استخدم

غير لون بني شوكولاته ........... وبالتوفيق



من مواضيعي

13/12/2007, 07:15 AM
بسم الله الرحمن الرحيم.......

مشكورة إختي نعووومة عالموضوع المفيد:flower:,,,,,, وانشالله نفيدكم,,,,,

أنا بقولكم من تجربتي أنا وأخواتي الأربع كل وحدة نوع شعر وكل وحدة جربت كذا صبغة:

أنا شعري جاف ومموج بس الحمدلله كثيف وكانت أول تجاربي مع ويللا 2000 "اللي كأنه مرهم"صبغت يمكن 3 ألوان منها مايبين علي إلا لمعة على لون الصبغة لأنها تحتاج إنج تسحبين لون الشعر وهذا طبعا" شي مستحيـــــــــــــــل أسويه خصوصا" إن شعري جاف... عشان جذيه تستخدمها الصالونات..

ويللا 2000:

مميزاتها...
اللون صريح وواضح وقوي بس للأسف لازم سحب لون الشعر قبل الصبغة..

عيوبها....
درجات الأحمر بعد كم شهر يصبح على برتقالي وهذا من تجربة إختي أنا ماأحب الأحمر..
بطيء المفعول خصوصا" على الشعر الغامق نسبيا" ..
طريقة استخدامه بدائية..


وبعدين علمتني وحدة على صبغة طريقتها غريبة شوي لأني كان ودي أفتح لون شعري بدون ماأضره وفعلا" علمتني على صبغة اسمها SUN IN توجد بثلاث أشكال"ألوان"
العلبة الصفراء: لون كستنائي فاتح على أشقر.
العلبة الأورانج: لون بني محمر روووعة.
العلبة الحمراء: "ماجربته لأنه لايناسبني الأحمر" بس أتوقع اللون حلو.

طريقة عمل الصبغة إنها تفتح شعرج وبنفس الوقت تلونه حتى لو كان شعرك أسود فااااحم مثلي إختاري اللون المناسب لبشرتج وتمتعي بدرجة لون روووعة وطبيعية.. لما صبغتها مافي أحد ماسألني عنها بس كنت نحيسة ماأعلم.... لأن إختي كانت عروس وبتصبغها مابي أخرب عليها وفعلا" صبغتها وسوت ضجة.....

الطريقة بعد ماتغسلين شعرج كالمعتاد جففيه بمنشفة"يعني رطب شوي" رشي الصبغة عل شعرج بالكامل والجذور والأطراف وكله... ومشطيه بمشط أسنان,, واستلقي بالشمس:21_102: أو عرضيه لحرارة السشوار بدقة.. يعني سشوري شعرج جيبي رول وأبدأي سشوري كأنك رايحة مناسبة أو شي وبس خليه على شعرج إلى موعد الحمام الجاي... وتكررين العملية لين توصلين للنتيجة المرغوبة "3مرات ناسبتني" وتزيدين إذا تبين لون أقوى........


SUN IN:

مميزاتها....
لاتحتاج إلى خلط وملط تكون بعلبة على شكل بخاخ.
قوامها سائل شفاف.
ماتوصخ الملابس أو البشرة ولا لها لون ظاهر.
سهلة الإستخدام جدا".
إقتصادية وسعرها مناسب وعلبة وحدة تكفي للشعر متوسط الطول لثلاث إلى أربع استخدامات أو أكثر.
تستخدم على فترات متقاربة أو متباعدة مو مثل باقي الصبغات.
عند ظهور الجذور تكرر نفس العملية بسهولة دون حاجة لعلبة جديدة"ربع العلبة يكفي".
تعطي نتيجة مرضية للون المرغوب ولونها واضح وفاتح وألوانها شبابية تصلح للصغار والكبار.
لاتسبب تساقط الشعر "بالنسبة لي"
تعطي لون واحد من الجذور إلى الأطراف" يعني ماتلقين من فوق لون ومن تحت لون".
يمكنك التركيز على بعض الخصل لعمل هايلايت خفيف.
لايتغير اللون مع الوقت كأنك توك صابغتها.
يمكنك أن تصبغي أي صبغة فوقها بحيث تكون بديل لسحب اللون.

عيوبها..
غير مناسبة لتغطية الشيب "مع إن صغيرة مافيني شيب ماجربت بس أكيد ماتغطيه لأنها تفتح الشعرة".
لاتنفع للشعر الخشن الجاف جدا".


ثالث تجربة لي كانت مع LORE'AL EXCELLENCE مع المصل الواقي مكتوب عليها الصبغة الأولى للأستخدام في البيت... حلوة وفعلا المصل يقلل الضرر على الشعر.. بس أنا حطيتها وشعري مصبوغ بسن إن وطلعلي لون روووووووووووعة ماأدري اللون هو من اللوريال أو اختلط مع اللون القديم لشعري بس النتيجة حلوة.

لوريال إكسيلنس:

مميزاتها...
المصل الواقي نفع شعري خصوصا" الأطراف.
لمعته حلوة .
سريع المفعول"اللون يظهر بعد 45 دقيقة".
تغطية كاملة للشعرة من فوق لتحت" بالتالي حلوة للشيب".
معاها بلسم مو طبيعي.

عيوبها...
ألوانها صعبة أغلبها أشقر.
ماتطلع من الشعر بسهولة عند الغسل.


وتجربتي الرابعة مع غارنييه حلوة الصبغة وخفيفة عالشعر بس مأظن بجربها مرة ثانية مادري ليش ماحبيتها.. يمكن لأن ألوانها عادية..

غارنييه:


مميزاتها...
ضررها خفيف على الشعر.
لمعة وحيوية للشعر.
سعرها مناسب.

عيوبها..
خفيفة بسرعة تروح.
اللون يتغير مع الوقت وغسل الشعر.
لوكنتي صابغتها على هايلايت.. يرد الهايلايت يظهر كأنك ماصبغتيه بعد شهر واحد فقط وأقل بعد.
تحتاجين لعلبتين لو كان شعرك للكتفين.. وكل ماطال شعرك زادت الكمية.

وتجربتي الأخيرة قبل أسبوعين صبغت لأول مرة في الصالون لأني كنت ناوية أعمل هايلايت بلاتيني وماينفع بالبيت.. للأسف ماشفت شنو ماركة الصبغة اللي حطتها لي.. بس اللي ريحني إني ماسوي سحب لون والفضل طبعا" لSUN IN..


وباختصار من تجارب خواتي .... مع إختلاف أنواع شعورهم"بس تقريبا شعورهم ناعمة" أجمعو على اللوريال كصبغة دائمة للأستخدام المنزلي...
مع كثرة أنواع اللوريال إختاري اللي يناسب شعرج وبشرتج.....



ومن رأيي الشخصي اللي ناسبني وصارلي من 6 سنين ماأغيرها الSUN IN رووووعة وبالسنة الأخيرة بديت أغير "بسوي نيو لوك"....
عجبتني اللوريال إكسلنس لدرجات البني والكستنائي.....
الويللا ماحبيتها حيل قوية عالشعر....
والفيفا ماجربتها بس أمي تستخدم اللون الأحمر حلو ومايتغير عموما" معروف الفيفا مشهورة بالأحمر اللون يطلع غني وواضح.... جربو أحمر ساطع للي يحب الأحمر......

وآسفة على الإطالة بس الموضوع شدني قلت أفيدكم حسب تجربتي مع الصبغات.....:21_11:...



من مواضيعي

13/12/2007, 01:29 PM
الصراحه كل انواع الصبغ جربت الافضل والاحسن واللي ثبت على شعري وجعله ناعم بس يمكن احس فيه شويه شويه شويه جفاف الصبغ هو غارنيه
وشكرا جزيلا



من مواضيعي

13/12/2007, 01:32 PM
موضوعج حلو وانا استخدم viva احس انه واايد اوكييه



من مواضيعي


« تسريحات شعر روعه | قصاااااااااااات للشعر الطوووووويل »

يتصفح الموضوع حالياً: 2 (0 من الأعضاء و 2 من الزوار)
 
أدوات الموضوع ابحث بهذا الموضوع
ابحث بهذا الموضوع:

بحث متقدم


مواضيع مشابهة
الموضوع المنتدى
افضل ماركة مكياج استخدمتيها //..شاركينا تجربتك بملئى الفراغ ركن المكياج
شاركينا افضل كريم اساس يستخدم؟؟للصباح ؟؟ ركن المكياج
افضل ماركة بودرة ؟؟؟؟؟؟ ركن المكياج
افضل ماركة لميك اب ركن المكياج

الساعة الآن +3: 12:32 PM.

 اتصل بنا - اعلن معنا - سياسة الخصوصية

Search Engine Optimization by vBSEO ©2011, Crawlability, Inc.

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141