السلام عليكم
سليمان الله يحفظه تاريخ 13 بيكمل 4 شهور يعني بعده كتكووت بس مااردي ليش عقب ماحلقناله الشعر اللي يظهر مب بس خششن ناااااااااااشف وانا اخاف ادهنله بشي لانه بعده صغير بس احيانا احط جونسون ..أنا سمعت انا الطفل ممكن يتعدل شعره انى كل مايظهر احلقله بس انا مابى احلقله خلالالاص لانه شعر ه ووايد تاخر لين ظهر الحين شو الحل انتوا تدهنوون لعيالكم شي بشعرهم ؟؟؟ولا اتخلونه جي وهل هالملعومه صحيحه انى احللق شعره كل مرة ؟؟!!!!!!!
اختى اولا انا اسمع ان حلق شعر البيبى هو الى بيخشنة ثانيا حطى لة زيت الزيتون وانشاء الله شعرة يتحسن
والله ربيعتى استوالها نفسج انا وخذت درس .. يوم ربيت ماشاء الله شعر بنتى ناعم ..
ماحلقتلها .. عشان مايستولى نفس الموقف خاصه سالفه الوراثه بعد لأن في العايله شعر خشن ..
انا بنتي احط لها زيت الخروع واييد احسه زيين حتى شعرها طلع
تحياااتي
اوكي حط زيت وبعدين اغسله علطووول ولا كيف يعني عادي اذا اخليه على شعره ؟؟ ومشكورةين على المروور
أنا ادهن شعر ولدي بزيت الزيتون وايد زين ترى هو في عمر ولدج وأغسله الصبح
اختي عاادي شعر اصلا بيطيح لين 9شهور بس موااايد على اماكن خفيفه ولازم مكان ناعم ومكان خشن لين عمر سنه بيستوي لاتحطين دهن ولاشي مونااقصين يهال يتلقلقون
بنتي ماحلقتها وجبتها شعرها ناعم وطاااح كله من نفسه قرعت وطلع على 5شهور واللحين 9شهور شحلاته بس قدام ناعم ومن ورا خشن مع انه انا وابوها شعرنا ناعم ومحد بعيله خشن
وهج الحب
انتي الضحكين انتي روحج يبالج رااابطه لووول
ما يتي عندي يوم كنتي حامل خلاص على حملج الثاني ان شاء الله كثري من الخس ترا ينعم شعر البيبي يخليه حرير.
انا استغرب من الي ما يحلقون شعر عيالهم ...كيف اتخلون شعر البطن واصلن شعر البطن ما يتم يطيح اذا ما طلح الحين بيطيح يوم يكبروون..
انا في 3 من اهلي وللاسف بنات كلهم شعر بطن الحين يوم كملوو 25 كل وحده بدا شعرها يطيح لدرجه انهم قرعواا والله ودايما مشاكل في فروة الراس والشعر بدايه كان غليييييييظ والحين نتفه عفاني الله
انا عادي عندي يطله خشن وغليظ المهم في شعر مب قرع
دهنيه بزيت جونسون شويه ..وعادي خليه عليه .. مب مشكله .. وفي زيت إذ تذكرت بحطلج اسمه باجر .. وايد زين ابصراحه حده حده ينعم الشعر ..
اختي انا من رأي لا تحطي زيت ولا على بالك ابنك بعده صغير بس يصير عمره سنه بفرجها ربك لانه ممكن يتغير لعمر السنة اصبري انتي حاطه شعر ابنك سالفه وما وراكي اشي غير شعره اهتمي بابنك وتوكلي على الله.
مشكوريين علىالردورد وتمارا والله يوم قريت ردج ضحكت ماادري ليش انتى وعروس المووج ...الله لايقول في حمل ثاني ترى اذا حملت بيييييييييج وبذبحج بتكونيين انتى فاولتى علي
وهوجه
صدق.. انتي يبالج رابطة بروحج
لووووول
حشى حشى...
ارحمي الولد .. طايره فيك و مسوتنه حقل تجارب
نصيحتي .. و الدكتور بعد نصحني ..
عليج بزيت الزيتون .. بعد السبوح
نشفي شعره .. و حطيله زيت زيتون ..
و سويله مساج
اسميه بيكيف بو الشباب
مشكوررة قصايد تسلميين
رد مع اقتباس