سااااااااعدوني في طريقه عمل "حبة الحمرا" "الحريروه"

[DXB_lilly]

:9_28:

مرحبا يا اخواتي ..

انا ولادتي قربت و اريد منكم طلب بسيييييييييييط وهو كيف اسوي "حبة الحمرا" او "الحريروه"

بس بعده طرق.. في وحده اذكر يحطون فيها حليب و وحده ثانيه يحطون فيها كستر و في وحده بالقرفه.. واتمنى ان المقادير مجربه و صحيحه..

يعني انا ماعرف بس دخيييييييييلكم و ربي يجعله في ميزان حسناتكم..

[عريب الساس]

خذي غرشة حليب طازج 1 لتر وصبيها في جدر وحطيها ع النار وحطي فنجان حبة حمرا ونص فنجان حلبة إذا تبين تحطينها وفنجان سكر وإذا تبين أكثر سكر حطي وخليه ع النار وحطيله شوية كستر مذوب فماي وصبيه عليه اخلطيه وآخر شي شوية زعفران واطبخيه ع النار شوي وبالهنا والشفا..
هالطريقة دوم أسويها وابصراحة تعيب اللي يشرب منها..
الغالية إذا تبينها نفس الكريمة زيدي الكستر فيها..


منقوله

[عريب الساس]

والصراحه امي بعد تسويها حلوه تحمر السكر حتى يصير سائل بني وتحط عليه ماي وتخليه حتى يغلي وعقب تحط عليه حبه الحمرا ( تكون مغسوله ونظيفه ومودنه بالماي حتى تكبر ) وتتركه يغلي فتره وتحط فيه زعفران وماي ورد وهيل وشوي فلفل اسود وسمن بلدي .

[DXB_lilly]

اقتباس

المشاركة الأساسية كتبها عريب الساس

	والصراحه امي بعد تسويها حلوه تحمر السكر حتى يصير سائل بني وتحط عليه ماي وتخليه حتى يغلي وعقب تحط عليه حبه الحمرا ( تكون مغسوله ونظيفه ومودنه بالماي حتى تكبر ) وتتركه يغلي فتره وتحط فيه زعفران وماي ورد وهيل وشوي فلفل اسود وسمن بلدي .

مشكوووووووووره يا عمري والله ما قصرتي انقذتيني ...

بجرب اسوي دله صغيره باجر حق الاهل و بخبرج ان شاء الله

[ريحانة القلوب]

بس أعتقد أخت عريب الساس أحسن أنفوح الحلبة والحبه الحمرا وبعدين أنحطهم في الحليب لن الحلبة يحتاج لها غلي شويه وكذلك الحبة الحمرا

[غــــR يـــQ ـة]

ممكن اسأل وش هي الحبة الحمرا ؟؟

وش فايدة الطبخه هذي للوالد ؟؟

نبي نستفيد بعد من طبخات اماراتيه

تحياتي

[عريب الساس]

هلا ريحانه والله يالغاليه انا ما جربت طريقه الحبه الحمرا بالحليب بس شربتها مره عند ناس كانت بالمكسرات واااايد حلوه بس اللي اعرفه ان الحبه الحمرا لا زم ننقعها قبل الطبح وياليت اللي مجرب يسويها يفيدنا بس بالنسبه للطريقه الثانيه مضمونه لانها شغل الوالده وكل احد تعيبه .....

[أم موزوووه]

غاليتي خذي كوب الشاي حلبة منقوعة في الماء (أنا أنقعها في الماء من 12 إلى 4 المسا )- حبة الحمراء قبل الطبخ بربع ساعة - سكر حسب الرغبة - 2 حليب أبو قوس- فلفل أسود -قرفة حسب الرغبة - كوب شاي شوفان - 2 ملعقة كستر مع فنجان ماء - نحتاج مقدار من الماء
نسلق الحلبة في مقدار من الماء وعندما تنضج نصفيها ونتركها جانبا.
نحمر السكر وننتبه كي لانحرقه ثم نسكب عليه مقدار كوب ماء ونتركه حتى يذوب تماما .
نضيف عليه الحلبة ونتركها تغلي لمدة دقيقتين.
نضيف الشوفان ونتركه يغلي ثم نضيف الكستر ونحرك جيدا وبسرعة .
نضيف الحليب ونحرك ثم نضيف الفلفل الأسود والقرفة (القرفة جدا مفيدة لإدرار الطمث )
أخيرا نضيف الحبة الحمراء ونتركها لدقيقتين ونرفعه عن النار .
قوام الحريروة حسب ما يحبينه أنت غليظ أم خفيف .
أيضا أمهاتنا يكثرن من الفلفل والقرفة . والحلبة مفيدة جدا للمرأة لكل شيء حتى صفاء البشرة وإدرار الحليب وكانت أمهاتنا يضفن الدهن العربي لكني لا أضيفه ( يمتن)

[أم موزوووه]

غاليتي خذي كوب الشاي حلبة منقوعة في الماء (أنا أنقعها في الماء من 12 إلى 4 المسا )- حبة الحمراء قبل الطبخ بربع ساعة - سكر حسب الرغبة - 2 حليب أبو قوس- فلفل أسود -قرفة حسب الرغبة - كوب شاي شوفان - 2 ملعقة كستر مع فنجان ماء - نحتاج مقدار من الماء وقليل من الطحين إذا رغبت مع قليل من الماء
نسلق الحلبة في مقدار من الماء وعندما تنضج نصفيها ونتركها جانبا.
نحمر السكر وننتبه كي لانحرقه ثم نسكب عليه مقدار كوب ماء ونتركه حتى يذوب تماما .
نضيف عليه الحلبة ونتركها تغلي لمدة دقيقتين.
نضيف الشوفان ونتركه يغلي ثم نضيف الكستر ونحرك جيدا وبسرعة .
نضيف الحليب ونحرك ثم نضيف الفلفل الأسود والقرفة (القرفة جدا مفيدة لإدرار الطمث )
أخيرا نضيف الحبة الحمراء ونتركها لدقيقتين ونرفعه عن النار .
قوام الحريروة حسب ما يحبينه أنت غليظ أم خفيف .
أيضا أمهاتنا يكثرن من الفلفل والقرفة . والحلبة مفيدة جدا للمرأة لكل شيء حتى صفاء البشرة وإدرار الحليب وكانت أمهاتنا يضفن الدهن العربي لكني لا أضيفه ( يمتن)

[جونو]

مرحبا الغاليه
الطريقه كالتالي
1- حلبه : تغلينها وتصفينها
2- تاخذين ماااي الحلبه وتضيفين عليه سكر والحبه الحمرا
3 - وبعدها تضيفين الفلفل الاسود المطحوون مع القرفه المططحونه
4 - تضفين الطحين بس مب وااايد
5- وبعدها تحطين معلقة سمن
وهذه هيه الطريقه ااتمنى انها تكوون عيبتج