انهارده بقى عملت القطايف بس من اولها لأخرها عجينتها وتحيرها وكل حاجه
وادى بقى الطريقه
اولا المقادير::
1- كوب دقيق
2- بيضه واحده
3- معلقتين شاى بيكنج بودر
4- معلقه صغيره خميره
5- معلقتين كبار لبن بودره
6- نص كوب ماء فاتر
7- معلقتين سكر
8- فانيليا
الحشوه :: قشطه:: تجيبى فنجان لبن على معلقه دقيق وتدوبيهم وترفعيهم على النار لمده دقيقه هتبدأ تتماسك وترفعيها من على النار وبعدين تضيفى عليهم معلقتين قشطه ومعلقتين سكر كبيره وتقلبيها وتحشى بيها علطول
العسل : (الشيره):: كوب ماء + كوب سكر وبعد الغليان تضع عصير نصف ليمونه
ودى صوره المقادير
بتاخديهم وتحطى جميع المكونات فى الخلاط
وتخلطيهم هتبقى سايله بالمنظر دا تسيبيها نص ساعه تخمر
وبعدين تجيبى طاسه وتحطيها على النار بدون زيت او اى شئ لوحدها كدا وبعدين تاخدى بمعلقه الاكل الخليط وتحطيه فى الطاسه وتعمليه على شكل دائره بالمنظر دا
ويادوب اقل من دقيقه وتشيليها متخافيش مش هتلزق بس لو لزقت حاولى تحركيها براحه من جنب كدا وهتلاقيها طلعت معاكى
ودا منظرها بعد السوا
ودا منظرهم كلهم ولاحظى انا حطاهم بعيد عن بعض ازاى عشان متلزقش
تسيبيهم يبردو وبعدين تحشيهم ( انا حشيتهم بالقشطه والمكسرات) بالمنظر دا
ودى بعد ما غمرناها بالعسل او الشيره وعملتلهم شكلين ( نجوم ونص دايره )
ودى صور لأشكالهم ::
معلش استوت زياده بس ماما نسيتها :Zb_sor1:
يا ربت تعجبكم وبألف هنا :3ooos:
ولو عجبتكم متنسوش دعوتى
اللهم عجل زواج كاتبه الرساله امين يارب العالمين
