(g) هاااااااااااااي بالغالييين والحبايب وكل الموجودين يعطيكم العافيه حبيباتي
اليوم يايبتلكم طبق انشاللله يعجبكم يا رب
طبق خفيف وحلو ويفيد حق الفطور والسحور
طبعا الطبق هذا مادري اذا في ناس يسوونه
بس أكيد بتكون صدفه لأني ما شفت أحد يسويه
اهي نفس مرق الدجاج بس في ناس ما يحبون مرق الدجاج
ومنهم زوجي ما كان يواطن شي اسمه مرق دجاج
وكان يقولي انه قبل لا نتزوج لمن خالتي يعني امه تسويله
مرقة دجاج كان يطلع يتغدى بره
ويوم من الايام قلت أجازف واسويله مرق دجاج بس بطريقتي
وفعلا رد من الدوام وقالي انه يوعان وسألني عن الغدا ما قتله شنو
وحطيت السفره والأطباق ولمن شاف المرقه مثل الللي كش لمن عرف انها مرقة دجاج
بس ترجيته قتله عفيه انت ضوقها وبعدين احكم يمكن تعجبك
وبالحنه والترجي ياللله رضى ووافق انه ياكل
والللي شجعني انه كان يوعان
المهم واللله يا بنات انه لمن كلاها توقعت انه راح يزيد وتحسفت عالأكل لاني سويت وايد
واللله واللله انه مازاد منها ولا شي
فانشاللله تعجبكم واهي سهله ما يبيلها شي
ادري صدعت راسكم بالقرقه
يلا نبدي
المقادير:
ما أنصح بالدجاجه الكامله لأن المرقه لازم تكون صافيه من العظم فنصيحه اخذوا
الصدور المجمده الللي يكون منزوع منها العظم
يعني صدر بدون عظم
بهارات(هيل مطحون-دارسين ناعم-بزار دجاج-فلفل أسود مطحون-بودرة الثوم الللي اهو ثوم مطحون)
بطاط مقطع ومسلوق نص سلق عشان ما ياخذ وقت كبير بالمرقه على ما يستوي
صلصة طماطم مقشره تلقونها صوب المعلبات بالجمعيه ومكتوب عليها صلصة طماطم مقشره
ثوم مدقوق
بصل مقطع دوائر وكيفكم اذا تبونها حلقات أو طواليه بس المهم ما يكون مفروم أو صغير
معجون
سمن مازولا
الطريقه:
طريقة تنظيف الدجاج ومدتها نصف ساعه
أول شي نفوح صدر الدجاج وبعد ما نتخلص من الرغوه البيضه وهذي يكون زفره دجاج
نحط مع الدجاج واهي قعد تنفاح ليمونتين سود وعودين دارسين وجم نقطه من عصار اللليمون
وهذا كلا عشان نتخلص من زفرة الدجاج وما تظل فيها ولا زفره
طريقة فوح البطاطس:نقشر البطاطس ونقطعها بحجم متوسط مو كبير وايد ولا صغير
يعني يكون تقطيع دائري وشبه كبير
وتنحط بجدر عشان تنفاح
بس لا تخلينها وايد خليه شوي وبعدين مرري بنصها شوكه اذا حسيتي انها مرت بسهوله معناتها
انها استوت وطرت
عاد اتسكرين عنها الحراره وتخلينها متنقعه بمايها
وعلى ما تستوي البطاطس والدجاج تكونين عاد انتي مقطعه البصل وداقه الثوم
طريقة المرقه:نحط سمن المازولا وطبعا أنا اخترت هالسمن لأن بطعم الزبده وحلو
ونحط البصل عشان نحمسه
وبعدين لمن نحس انه البصل صار لونه شفاف وطري نحط
فوقه الطماطم المقشره
والثوم المدقوق
وبعدين نحط صدر الدجاج بس أول شي نقطعهم يعني ما نحطهم على حطتهم
نقصص الصدر مثل حجم البطاطس
يعني مو يكون حجمه صغير
يعني الصدر الواحد قطعيه ثلاث قطع متوسطه
وبعدين نصفي البطاطس من مايها ونحطها فوق الخليط الباقي
ونحط فوقهم عاد البهارات الللي ذكرناها بالمقادير
بس بكميات معتدله يعني
بملعقه الشاي الصغيره
بس الثوم وبزار الدجاج نحطهم بملعقه أكل متوسطه
وبعدين نحط عليهم المعجون مع الدقوس الحار
بس عاد مو حار وايد وهذا حق اللي تبي يعني مو ظروري دقوس قراش الحار بس معجون لازم ظروري
ونخلط ونحمسهم مع بعض عشان لا يلزق الأكل بالجدر وعلى طول نكون مزهبين
الماي الحار ونصب فوق الحميسه الللي سويناها ونحط مكعبين ماجي أو كنور وأنا أنصح بكنور لاناها مو مالحه
وايد مثل ماجي
وتخلينها عالنار لمن تطبخ
ولمن تحسين انه المرقه صارت ثقيله شوي
والدجاج استوه عدل
وبالهناااااااااااااااااااااااااء والشفا حبايبي
مرقة دجااااج بطريقتي الخاصه تدعولي عليها
ن
07-09-2007 | 06:11 PM
ا
07-09-2007 | 08:19 PM
مشكوووره اختي ع الاكله ومبين عليها حلوووه وان شاء الله راح اجربها بأقرب وقت
ن
07-09-2007 | 08:47 PM
العفو يالظاهريه فديتج بعد قلبي مشكور عالرد الحلو ويعطيج العافيه حبيبتي
ا
08-09-2007 | 12:08 AM
[GLOW="CC0066"]تسلم ايدك والله الله يعطيك العافيه[/GLOW]
ن
08-09-2007 | 12:43 AM
يعافيج حبيبت قلبي يسلمووووووووووو عالمرور الحلو حبيباتي
ش
08-09-2007 | 06:45 AM
يسلمووووووووووووووووووووو
ن
10-09-2007 | 03:19 AM
يسلمج حبيبتي ومشكوره عالرد