يااخوات الله يجزاكم خيرنبى نصائح وارشادات لفتره النفاس نبى الجميع يستفيد مثلا شنو تاكل وشنو تسوي لبطنهاو للجروح وشتمتنع عنه والبيبي بعد؟ نبى اي وحده عندها سوال تسال والبنات الخبيرات يجاوبون والله يجزا الجميع خير؟
يااخوات الله يجزاكم خيرنبى نصائح وارشادات لفتره النفاس نبى الجميع يستفيد مثلا شنو تاكل وشنو تسوي لبطنهاو للجروح وشتمتنع عنه والبيبي بعد؟ نبى اي وحده عندها سوال تسال والبنات الخبيرات يجاوبون والله يجزا الجميع خير؟
شوفي اا بالنسبة لي ماراح اعقد الامور
و مو نوعي اصدق الخلطات و الاعشاب
الي راح اسويه ان شاءالله اكل عادي اكل صحي و كمية معتدله
ابتعد عن الثوم و البهارات القوية عشان مايصير في حليب البيبي
اسوي ياضه خفيفة ثلاث مرات بالاسبوع لمدة 20 دقيقه على الة الدراجة
احط كريم روك مال شد البطن
من الحين البس ستيان يرفع الصدر عشان ما يترهل غير الكريمات مالت التشققات ازن من الحين الى بعد الولادة بثلاث اشهر
يالله يا بنات وينكم ويا خبيرات وينكم نبي نفيد بعض خلوننا نفيد ونستفيد من تجاركم
موضوع حلو .. يا ريت اللي عندها معلومات تفيدنا لانها فترة مهمة و بدها عناية ..
من ناحيتي انا ما اكل الا حبة سوادء وكمون طول فترة النفاس واكل كل شي بر مراصيع مرقوق مطازيز مع اللحم وابتعد عن النشويات واحرص اني اشرب حليب وعصيرات
اما من ناحية الرياضة من ثاني يوم بأبدا تمارين البطن والتمارين اللي راخ يعطونيها المستشفى البس المشد في النهار وفي الليل اريح جسمي واربطه بشماغ الطريقة القديمة
هذا اللي سويته بعد ولادتي بنتي وان شاء الله بعد ولادتي ابسوي نفس الشي.
بالنسبة حق اللهوم و الحسو والله مادري اذا باكله و لا لأ يعتمد
اذا سوولياه باكلة و اذا لأ مادري و الله
لان امي مو نوعها تسوي هالاشياء و اهيا اجنبية ما تعرف
و خالتي مادري اذا نوعها جذي و لا لأ
عموماً اعرف ناس من غير هالاشياء نظف رحمهم و عادي شوفي الاجانب ماعندهم هالاشياء و ماشاءالله عليهم صحة و اجسام حلوة
ياحريم
اهم شئ بالنفاس الرشاد ( الثفا ) .. بلعها على الريق ( معلقه كبيرة ) قبل الفطور
لانها هي اللي تساعد على التحام اللحم سواء طبيعي او قيصري .. وفي نفس الوقت .. ترجع حجم عنق الرحم ( تضوق ) وبرضو تنظف الرحم .. يعني هي لوحدها تكفي
بس ما يمنع ان الوحدة تشرب مره بس على خفيف علشان الشمم وعلشان المغص
وكمان الكمون مفيد .. لانه يهدي الآم البطن .. وفي نفس الوقت لما تشربه النفاس يطلع في حليبها فالمغص اللي عند البيبي يخف
وبالنسبة لربط البطن .. المشد احسه ما ينفع كثر الربط بالشماغ او اي قماش روز .. عني البس مشد واربط فوقه في النهار ... رغم اني كنت قيصري .. بس حسب كلام الدكتوره بعد اسبوعين ما يضر بالعكس يساعد على التأم الجلد
الرياضه المفروض ما تسوي رياضه عنيفه قبل شهرين حسب كلام الأطباء .. بس في فترة النفاس .. لازم تمشين علشان السوائل المتجمعه فترة الحمل تتصرف
:clap::clap::clap::clap::clap:
شاكرتلك اختي جورية على اهتمامك بالموضوع وردك وشاكرتك بعد على الفايدة اللي قدمتيها لنا الله يجعلة في ميزان اعمالك يارب