كيفكم عرايس اتمنى تكونون بخير وصحة وسلامة
حبيت انزل اول موضوع لي بهالركن واتمنى الاستفادة للكل
واتمنى تعطوني راييكم حبيباتي
هذي اللوحة كانت عبارة عن مشروع التخرج وحطيت كل جهدي وافكاري وحاولت بشتى الطرق استخرج تصميم ناعم بس طلع دفش شوي هههههههه
بس الحمد لله اخذت ممتاز
تصميم المشروع عبارة عن تراث المملكة العربية السعودية بنظرة معاصرة
بدأت بالتصميم وكبرته على البلكاش بعدين بدأت برص الخامات المستخدمة والمناسبة للتصميم مثل
( الحجر الملون وخشب البلصة لجذع النخل ورقائق المعدن لسعف النخل والخيوط الملونة وخيوط القيطان لبعض النخلات والجلد الطبيعي وقماش السدو الأبيض المستخدم للخيام ومحددات الزجاج وآلة الحرق واهم مافي الموضوع حجر الفسيفساء بعد تكسيره خرامة الجلد غراء السيراميك لجودته العاليه في التثبيت لعدة سنوات)
وهذي الصور لبعض الاجزاء مع تبيان الخامات في كل جزء
بعد تكبير التصميم على البلكاش وتثبيت بعض الخامات
جذع النخل من خشب البلصة بعد حرقه بآلة الحرق والسعف من رقائق المعدن
(الصورة هذي مو راضية تبين بس شوفوها باللوحة لما اكتملت)
شكل النخلة من خيوط القيطان
الزخارف الشعبية من الفسيفساء المرصوص بعد تكسيره
الزخارف الشعبية بمحدد الزجاج بعد رسمها على قماش السدو ويحيط بها الحجر والخيوط الملونة
رسم البيوت الشعبية بآلة الحرق على الجلد الطبيعي بعد قصه على شكل لفافات ورق وتخريمه بخرامة الجلد
وبد ماخلصت لونت خلفية البلكاش بألوان الزيت الازرق – الاصفر –الابيض – التفاحي- البيج
وبروزتها باطار ذهبي عريض
اتمنى تعجبكم وللمعلومية اللوحة مقاسها 180×120 يعني موصغيرة
علقتها بمدخل قسم النساء ومن كثر مو ثقيلة ماماتي تقول الله يستر لايطيح جدارنا خخخخخخخ
انتظر أرائكم بكل صدر رحب
اختكم في الله
العائداااات
" alt="" loading="lazy">
" alt="" loading="lazy">