دكتور نيوترشن

الله يكون في عون الجميع اختي وجله
وينكم الباجين محد بيآزرني

مرحبا
صراحه انا سرت عند نيوترشن واتبعت الرجيم مدة 3 شهور وبعدين سافرت بس صراحه كنت ماشيه علي النظام اول شي تعبت بس صممت ونزلت وايد وكنت اسوي رياضه صراحه كل الي يشوفني يشوف التغيير.

اتمنا لج التوفيق
:gum:

السلام عليكم الغاليه أنا مابا أحبطج بس ماأبا أخدعج بصراحه نيونرشن ما ينفعج

لأني جربته وحميتي بعد جربته ووحده من إربيعاتي بعد جربته وكلنا نزلنا للوزن إلي نباه صح بس بس بس وللأسف للأسف رجعنا الدبل :confused::confused:

يعني حميتي كان وزنها 80 صار 65 وبعد ما وقفت الرجييييييييييييييييييم القااااااااااااااااااااسي صار 100 تصدقييييين والله والله تصييييييح على عمرها الحيييين وأنا بعد نزلت 10كيلو والحييين زيت أكثر عن أول وممب عارفه شو أسوي عشان أضعف وممب لاقيه دواء يضعفني طفراااااااااانه من عمريييييييي :cry:

أنا حبيت أنصحج عن تجربه والله وسألي أكثر عشان تتأكدييييييييين بعد ....
وسمحيلي إذا ضايقج كلامي

ام هنا كنتي تمشين عالنظام مع الحبوب والا بدووونهن ومشكوره

ام ساره تسلمين اختي بس انتو ما استمريتو وياه تراه بعد ماتوصلين للوزن يقوول يعطي نظام لتثبيته والا انا غلطاانه

ماعندي فكره الغاليه

الله يوفقج

و تينا بيوم و تقولون استويت خوووووصه من الضعف

حبوبه, وحده ويا اخوي في الدوام سوته و ماشاء الله لين اليوم جسمها حلو و مرتب من بعد ما ضعفت... الموضوع كله اراده و تغيير نظام حياتج.. يعني مش تسوينه فتره و تملين تغيرين ... طبيعي بيرجع الوزن الدبل اذا مب 3 اضعاف لأنه اللي يخربون الرجيمات مادري ليش ينتقمون من عمارهن ما يخلن شي ما ياكلنه ... و وااايد بنات يسون جي للأسف... ما شافت نتيجه من اول اسبوع قالت ماريد اكمل.. غلط و اكبر غلط.. جسمج لازم يتعود على التغيير هذا, والأهم, نفسيتج تكون متقبله النظام عشان يكون عندج إراده...

الحرمه اللي في دوام اخوي ماشاء الله عليها حرمه ام عيال.. عندها ماشاء الله 3 او 4 و يايبتهم ورا بعض.. يعني جسمها مارتاح.. و وزنها كان فوق ال130.. تخيلي كرشة الحمال و الربى كيف.. الحين لو تشوفينها ما بتصدقين انها نفس الحرمه.. مع انه مسكينه ظروفها مع ريلها مب بس تعبانه, إلا ابد مب اوكي بس إرادتها كانت اقوى و خلال 5 شهور نزلت كل الوزن الزايد و جسمها شد لأنها تروح النادي كل يوم (هذا و دوامها شفتات)...

صدقوني بنات احنا بس اللي نتدلع و ما عدنا إراده... يعني اذا حريم و امهات يقدرن, كيف احنا ما نقدر؟! و الأكل ما بيطير.. كل يوم بينزل شي يديد.. بس اليوم اللي يمر من عمرج و انتي كارهه وزنج ما بيرجع.. اذا ما عشتوا الحين و لبستوا اللي تبونه متى بتعيشون؟! عاد بالذات اللي متنهن بسبة الأكل :| هذيل اللي يعصبوبي.. والله لو هالخرابيط اللي في السوق فيها خير ما حطوا فيها مواد حافظه و خرابيط.. يسد انه كل اكلنا فيه هرمونات و خبايص, ليش الواحد يزيد عمره؟ اما اللي بسبة مرض او شي مب بإيدها.. الله يعينها و إن شاء الله ينزل الوزن مع الإستمرار و العزيمه


اسمحيلي اختي هذربت وايد بس المشكله انه اغلب الناس اللي يشتكون من اي رجيم, تلقينهم ما استمروا او ما سووا التثبيت.. سواء رجيم دكتور نيوترشن او غيره.. لازم تغيير ستايل الحياة عشان الواحد يعرف يتصرف بعد ما ينزل الوزن.. شو الفايده إذا العادات الغذائيه ما تغيرت؟ :)

اللي عليج تسوينه انج تلتزمين بالنظام و وكلي امرج لله.. سوي اللي عليج بدون تخريب و لا تنسين الرياضه و اضمنلج انج بتضعفين بإذن الله... و بعد ما توصلين للوزن اللي تشوفينه مناسب مب شرط اللي يقولولج عليه لأنه مثلا لو عظمج صغير مب حلو يطلع الضعف وايد.. تكونين زايده عن اللي يقولونه ب4 او 5 كيلو عشان يطلع الشكل صحي شوي, عليج انج تشوفين النظام هذا و تعدلين فيه شوي عشان يكون نظامج طبيعي .. و اتمين في مرحلة المحافظه.. تشوفين وزنج كل فتره و فتره عشان تتأكدين انه ما يزيد :) و الرياضه هذي تستمرين عليها في كل الحالات... و بس ^_^ طبعاً هذا كله من تجاربي مع الرجيمات و السنين اللي ضيعت فيها على عمري اني ما استمر.. بس ياليت ما تغلطين غلطتي و غلطة وايد من البنات :)

مرحبا خواتي
صراحه انا الحين كملت تقريبا سنه من عقب ما سويت رجيم ويا نيوترشن ووزني ما زاد لاني لو اكل يومين وايد بس اليومين الي عقبهم اخفف اكل ما انسي نفسي ولا اكيد بيزيد الوزن .
ام فطامي انا استخدمت الحبوب صراحه اوكي بس الحين لا واحاول الحين انزل بروحي ابا 3 كيلو زياده انا كنت 75 من سنه تقريبا والحين 64 وطولي 162 صراحه الي يستمر علي انه يقلل الاكل اكيد ما بيزيد بس الي بيترك عمره اكيد بيرجع مثل ما كان مستحيل هو يقولج والله انتي ما بترجعين مثل ما كنتي اذا رجعتي تاكلين ام فطامي الرياضه وايد مهمه وصراحه اتحسين ان حتي نفسيتج غير اول الايام تتعبين واتملين بس عقب ما تتركينها اذا اتعودتي عليها.

اتمنا لج التوفيق

اختي انا سرت له
وما اثر فيني وايد لانه النظام وايد قاسي وتضطرين اتخربطين

المهم
خلال شهرين نزلت 4 كيلو وبعد ما وقفت النظام هرموناتي اتخربطت
الدورة بهدلتني
ورد وزني مرة ثانية

بس جسمي انتفخ اكثر من قبل
صح فيني كرشة بس ما كان فيني بطن
وصار فيني بطن

في ناس استفادوا بس اللي استمروا معاهم لفترة طويلة
اما انا لا لاني تغبت من الرجيم اللي عطاني اياه

بس الحين انا على رجيم دكتور اتكنز والحمد لله

ولا حاسة باي جوع ويالسه انزل بالوزن والحمد لله

انا مشيت مع الدكتور نيوترشن شهر ومانزل وزني الا 5 كيلوو وماقدرت اكمل لظرووف رد وزني مثل قبل

وبنت عمي سوته ونزل وزنها 12 كيلو في شهر مع انها كانت اتخربط وانا صاارمه مع الرجيم والرياضه

هي استمرت والحين ماشاء الله عليها اتغير جسمها واايد ماشي شحوم

مرحبا بنات
وايد سمعت عن دكتور نيوتريشن بس كنت متردده

بس شكلي بجربه الحين

لاني فعلا ما خليت اي طريقه عشان اخفف وزني

بس عندي سؤال

في كريمات تخسيس عندهم
هل هي مفيده ؟؟؟؟؟؟؟؟؟؟

صراحه عزيمتي كانت ضعيفه بس انشالله برجع من اول ويديد