بمووووت من القهر قولولي شسوي

[على ذكراك]

انا كنت دليل الجسم الحلو والرشاقه وكان الكل ميت على جسمي بس بعد ما اشتغلت وشغلي ادارية قاعده على المكت 8 ساعات تصدقون متنت وايد بالمقارنه بجسمي الأول والله يابنات من زمان ماشريت لبس لاني كاره نفسي اذا شريت شي خفيف قمت ما احب اطلع ولا البس والكل متفاجئ ليش متنت اخ احس نفسي بموت انقهر لين اشوف بناطليني والتنانير والبديات الي كنت البسهم ودي اضعف بس ابي رجيم وصفات حلوه مب شي عذااااااااااااب نفس الي يقولون عليه اهلي هم يقولون لي انا ما متنت وايد بس انا بموت من عمري

بلييييز

[نووووونه]

شوفي اولا لاتنقهرين
لانه بيدك ترجعين كل شي
بس أهم شي الاراااادة القوية
والحماس واشتركي بنادي وهذا مب مهم
المهم الرجيم بدون ماترحمين نفسك يعني رجيم رجيم ..

[أم حمودي77]

عورررررررتي قلبي والله

حبي أحنا عندنا الدايت سنتر

اشتركي فيه أكله حلو

وتابعي عند دكتورة تغذيه والله راح تعطيج اراده

والعبي رياااضه

وحاولي أنج ماتتعشين

فديتج لاتضيقين نفسج ولاشي الحين كل شي سهل بعون الله

أنتي شدي الهمه

وبالشغل لاتأكلين فطائر بدلها بأي شي سلطه عصائر نسكافيه بدون كافيين وسكر دايت

وجي

ورجعي البيت حطي لج نص ديايه مشويه وكثري السلطه
ومره سوي لحم مشوي
ومره سمج

وجي


وشربي ماي ووايد

ترى المتن يعل الله يكفينا شره يارب

واي خدمهأنا حاضره

[روح ملكية]

مافي ازين من الرياضه انتي تقولين جالسه 8 ساعات
ماشي بيرجع جسمك غير الرياضه حتى لو ماسويتي رجيم
الرياضه تكفي
وعشان يكون عندك عزيمه سجلي في نادي والله ونااااااسه ولعب ورياضه وفله مع البنات

[على ذكراك]

الغاليه نوووووونه تسلمين على تعليقج الحلو وتعرفين ان اسمج على اسم الصالون الي بفتحه ان شاء الله خلال اسابيع

الغاليه أم حمودي 77 اسم الله على قلبج فديتج انا والله افكر ادخل نادي بس ما اعرف اي نادي لان خالتي كانت تدخل اكثر من نادي وتقول ماسوا شي يقطونا نلعب على الاجهزه وبس مافي متابعه


الغاليه روح ملكية اشكرج على كلامج الحلو وان شاء الله ببدا رياضه

[سماء الحياة]

أنا أبا حل لمشكلتج علشان أحل مشكلتي شراتج

[على ذكراك]

ان شاء الله يا سما الحياه حبيبتي
انا ببدى انا غرفتي بالطابق الثالث بحاول اني اتم اطلع وانزل على الدرج
وبمط جسمي وانا واقفه وانا نايمه
وبحاول اشرب ماي كتير لأن أصلا ما احب الماي ولا بالأسابيع ما اشرب
وبحاول ارقص مع اني مابعرف هههههههههههههههه

[نفيشه كويتية]

ااااااااااااااااااااه ياقلبي :cry:
ذكرتيني باللي مضى

شوفي يا حبيبة قلبي
القعده بروحها ما تزيد الوزن حتى لو قعدتي 20 ساعه :schmoll:

بس
القعده والاكل اهي تمتن
الصبح صمونه وبيبسي وعقبها شاي وجاتوه (^) والضحى قطعة ككاو وهذي تقولج حشى لازم تذوقين هالحلو وهلم جرا واللحم يتكود :21_177:
ايام الدراسه غير محاضره ورا محاضره ويدوب نفطر الصبح
فشوفي انا شنو قمت اسوي
الصبح افطر تفاحه صفرا عالريج لانها مريحه مو مثل الخضرا حامضه
وبعين عا11 اشرب لاتيه تروبيكانا مال الرجيم مافيه سعرات وايد او شربي نسكافيه مع سكر رجيم
او
فطري 3 حبات شابوره مالت الرجيم + قطعة جبن و عال11 نسكافيه (c) او دايت بيبسي وبس
اذا يعتي اكلي علج اكسترا خالي من السكر واقري جرايد وبسسسسسسسسسسسسسس :21_178:
وخففي غدا
العصر قطعة ككاو قطعة وليس جاتووووه :mad2:
العشا روب وخيار او تفاحة و 2 برتقال قبل النوم بساعتين وبس :tooth:
مسكي عمرج ترا الكيلو الزياده يصير 5 والخمسة 8 وال8 عشره :sm215:

وعقبال الرشاقه

[أمة الله مغربية]

إستغني عن العشاء و النوم بكثرة و ربنا يعينك.. أنا أتمنى اكون مكانك

[row3a]

كلنا ما توقعنا يوم بنصحا بتلقا نفسنه بلونات منفوخه بعد مكنت رشيقه الحين زاد وزني بس بحمد الله ما امل شي بعد الساعه 6 بالكثير سبع واشرب ماء كثير ورجيم من الديت احس اني مرتاحه طبعا ما تنسي الاعشب مثل المرميه او الزعتر قبل الوجبات حلوين والله موفق

[شذى العفاف]

انتي لاتنقهرين
وخلي الأراده موجوده
في نفسك وانتي ان شاء بتنحفين