افضل كوافيرات لصبغ الشعر وقصه وتسريحته خاص لبنات البحرين

[دانه الخليج000]

مرحبا بنات
انا توني جديده هني وقريت كم من موضوع بس حسيت انه بنات البحرين مو مشاركين وايد في مواضيع المكياج والشعر والقص والصبغ يعني ماشالله شفت تفاعل كبير بين بنات السعوديه والامارات وكويت مع عرضهم للصور والمناقشه فالله يعيطهم العافيه كلهم وانا حبيت افتح موضوع قابل للمشاركه من الكل والكل يفيدنا ونستفيد وخصوصا بنات البحرين يعني كل وحده تكتب عند مره تمكيجت وهل عجبها ولا لا من الافضل في قص الشعر وعمل الصبغات الغريبه ذات الالوان المدمجه في البحرين


وانا اولا بدي بتجاربي
بسم الله
انا جربت المكياج مره عند وحده اسمها ايمان رحت لها البيت مكياجها حلو ومرتب والي تبينه تسويه لج بصدر رحب والشعر دايما اغير مو ثابته على احد لكن لحد الحين ماحصلت الصالون الي يسوي تساريح مثل اللبنانيين او بالاخص مثل ربيع ماحب اروح حق رياييل مع انه تساريحهم وقصاتهم تعجبني بس انا متحجبه فافضل وحده تسوي لي شعري يعني الي عندها فكره تفيدنا
هاي انا تجاربي

اتمنى الكل انه يتفاعل

[منال الخليج]

ويييييييييييينكم
وين تفاعلكم يابنات البحرين صحيح كلامها لازم نسوي دليل او لسته باسامي الكوافيرات الي عندنه وافضلهم في تلمكساج وقص الشعر والصبغ والتسريحات وانا اولهم بصراحه خاطري تكون عندي فكره عن كم كوافيره يالله يابنات تساعدوا حتى الي بتنخطب تحصل الي تبيه هني في هاي الموضوع الشامل

[الحبُ الكبير]

انا عن نفسي تمكيجت حق عرسي عند وحده اسمها صفاء صالونها في مدينه عيسى وواااااااااااااايد طلعت حلوووووة على قوله الناس وبصراحه صج كنت كأني باربي الكل كان يقولي كأنج لعبه مو صج حتى ابوي يطالعني مستغرب يقول هاي انتي بنتي او وحده ثانيه يعني غيرتني بالمرررررررررة ما شاء الله عليها وبالنسبه حق الشعر والتسريحاااااااااات افضل وحده وحيده..

ومشكووووره ع الموضوع بس ماشوف في احد متفاعل ويانا...

[احلى دنييا]

والله جربت مكياج نورة الكعبي ومريم معروف وصالون اميرة كان حلو وبعد جربت صالون سلوى لكن مو لهناك والشعر عندج سميرة اللي ويا مريم معروف تسوي فن نفس للبنان وبعد وحيدة صبغات وقص حلو وصالون زمردة بعد حلو وننتظر بعدباقي بنات البحرين........

[نجمة الليل]

ينقل لركن الشعر

[eSTiLo]

«•°¤ ..×.. بِسْـــمِـ الـلّـــهـ الـرّحْمـــنـ الـرّحيـــمـ ..×.. ¤°•»




ننتظر تفاعل البنات =)

و خصوصا بنات البحرين =)




×.::.*.::.× مَعَــ حُبـــــِّــي ×.::.*.::.×
.•°.*.°•. *بنتوتـــ~BanTooTa~ـــه* .•°.*.°•.