أبي رايكم لأنه يهمني وايد ؟؟؟ انصحوني ...

مرحبااا حبيبتي

يصير في شهرين اذا سويتي رجيم ولعبتي رياضة
و سونا الااااااي صار خاطري في حمام سوناا
يضعف وااايد

وحبيبتي النادي الي مسجلة فيه فيه كلشي ماشاء الله
فتشجي ولعبي كليوم شي
عن الملل
وتسبحي واستانسي جذي هم تونسين عمرج هم تضعفين
2 في 1 خخخ
خلي إرادتج قوية

ان شاء الله تضعفين وماراح تملين باذن الله

يابختك والله انا احسدك لانك مسجله في نادي اقووووووووووووووووول عن الكسل ووزعي وقتك وتقدرين تنحفين25كيلو إذا سويتي رجيم ورياضه وبرضوووو ممكن تنحفين بدون رجيم قاسي لانوعلى حسب جسمك ؟؟إذا كان من النوع الي ينحف بسرعه او لا!!!!
وخففي من اكل الحلويات:gum:
وانا انصحك طبعا تشدين الهمه في جميع انواع الرياضه وخااااااااصه المشي والسباحه لانو السباحه تحرك الجسم كله وتخليك تنحفين اسرع..!!
بس انشاءلله تنحفين وتصرين رشيقه وجناااااااااان..؟؟
تدرين انا اتمنى انزل18كيلوالله احسه حلم ودي احد يشجعني اسوي رجيم بس مافي...!!:sad:
اسفه طولت عليك بس الله يوفقك ياقلبوووو:cool2:

فديتكم كلكم ياحبيباتي .. عن جد شجعتوني ورفعتوا معنوياتي فووووووق ...
pert الغالية تدرين كنت خايفة من السونا لأنه حااار حيل . لكن الحين بتشجع وادخله دامه يضعف .
ولا يهمج بقوي ارادتي عشان اوصل لحلمي ....

hatoom الله يسمع منج يالغالية .. مشكورة :)

أنا ليك .. ان شاءالله ياعمري برتب وقتي وبسوي لي جدول محترم وان شاءالله اوصل للوزن اللي ابيه وانتي بعد يارب
مشكورة يالغالية على نصايحج الذهب وبتبعها ان شاءالله
وان شاءالله تضعفين 18 كيلو . وتصيرين غزال .

بالتوفيق لكم كلكم والله يعطيكم امانيكم يارب :) ماقصرتوا والله فديتكم :)

عدناااااا <<< تموت بالتشجيع خخخخخ
سمعي حبيبتي
السونا الاااااي تدرين من جفت موضوعج
رحت حق ريلي قلت له ابي اسجل في جيم فيه سونا
ينظف الجسم تنظييييييييف و يضعف
وحبيبتي
اهم شي تخففين
وصدقيني بتضعفين وااااايد اذا سويتي ريااضة و رجيم
ولاتنسين شكلج بيتغير 180 درجة
للاجمل طبعن :D

يالله شدي حيلج هااا
تراه كل جمن يوم بطل عليج بتأكد هههههه << وراج وراج

فديتج حياج الله ياعمري .. ياريت والله وجودج معاي بيشجعني حيل .. فوق ماتتصورين :)
وناسة لو كنتي بالكويت وسجلتي وياي بالنادي .

بس مشكلتي يالغالية . احس الريجيم مايضبط معاي . ادوخ وحالتي حاله اذا ماكلت .
وتصدقين مع الرياضة اللي كنت اسويها بالبيت صار شهر مانزل وزني شي . يمكن لأني ماالتزم ويمكن لأني امشي على هواي فيها . لكن الحين بالنادي بلتزم عن جد .. وان شاءالله يارب اضعف .

اليوم بروح اول يوم :) واذا رديت بقولج شصار معاي ..

مشكووورة يالغالية :)

لاعزيزتي ماتنزلين 25 كيــلو تقلين تقريبا سبعة بس مو 25 خلال شهرين..

إلا إذا كان ريجيمج قاسي وغير صحي...

وأتمنى لج التوفيق

اختي اولا يعتمد على وز نج الحالي جم؟؟

وبعدين اللي اعرفه ان 5 كيلو بالشهر حلوين جداااا (بمعدل كيلو بالاسبوع)

لا تستعجلين صج 10 كيلو بالشهرين شكلهم عادي بس شكلج انتي راح يتغير

وانشالله ماراح تملين من النادي بس انتي اول شهر شدي على نفسج ولا تتهاونين وبعدها اصلا اذا ما عملتي رياضه راح تحسين شي ناقصج يعني راح تتعودين باذن الله

والله يعين

مريوم .. حياج الله حبيبتي ..
بس معقولة بس 7 كيلو في شهرين .. والله شي يحبط .
وانا ادري جسمي مو من النوع اللي ينزل وزن بسرعه . بعتمد على الرياضة الاعتماد الاساسي موعلى الرجيم بعد :(

كنوز حبيبتي . وزني الحالي 85
معاج حق يالغالية . بتعود ان شاءالله على الرياضة وبتكون جزأ اساسي بيومي ان شاءالله .
والله يكرمني يارب وانزل وزن بسرعه .

مشكورة على مرورج الغالي :)

am waitiiiing

عاد اذا مابتسوين رجيم
تدرين
لاتاكلين عيش و خبز و معكرونة هالنشويات يعني
واذا انتي مدمنة بيبسي نفسي
بدليه بسفن اب دايت

الخطوة الاولى حلوة لما اشتركتي بالنادي

وصدقيني ما راح تملين لاني جربتها قبل وكانت حدها متعة وانتظر الموعد بفارغ الصبر

بس 25 كيلو في الشهر مو زين لصحتج

ويمكن البنات يكون عندهم معلومات اكثر لاني لما اشتركت بالنادي ما كنت ابي اضعف لان وزني ما يتعدى الاربعين

بس ذيج الفترة كنت امر بمرحلة اكتئاب وكنت ابي اوديها بالرياضة

انصحج تمشين على رجيم



خساره انج تذبحين روحج في الرياضه وفي النهايه تجين تخربين وتاكلين


على الاقل اذا ماتبين تسوين رجيم سوي اكلج دايت

يعني بدون دهون بدون سكر بدون حلويات و و و و و

وشغلي روحج بالرياضه والمذاكره ولاتفكرين بالااكل واذا فكرتي اكلي اكل مافيه سعرات كثيره

الله يتمم لج على خير وتنزلين 25 كيلو في شهرين وانتي بصه وعافيه


وننتظر يومياتج وتمارينج ونوع اكلج

pert الغالية .. هلا حبيبتي .. بحاول اني اخفف هالاكل الي من النشويات . خصوصا العيش . اذا ماتغدى عيش احس نفسي مومتغدية .

ام شجاع ...
حياج الله شرفني حضورج .. حبيبتي فعلا اللي بين من اليوم الاول انه مافيه ملل كلش .


رووامس الغالية . لمستي شي فيني بالضبط . على قولتهم جبيتها على الجرح .
معاج حق 100% حرام اهلك نفسي بالرياضة واخرها ولا جني اسوي شي ...
مشكورة يالغالية على دعواتج ونصايحج .. عن جد ريحني كلامج حيل ..

بقولكم كل شي يصير معاي اول باول . دام بتابعوني .. بس اذا مليتوو بسكت :)

اول شي قعدت الساعه 8 الصبح .. :sad: تميت ادرس للساعه 12 .. بعدها تميت الاعب بنتي . واشوف التلفزيون . للساعه 2 .. بعدين تغديت مع زوجي .. بس اكلت على راحتي .. يعني كثرت .. وبعدها حسيت نفسي حيل نعسانه . بس قلت لأ .. ماقدر انام .. اذا نمت مصيبة بعد هالاكل . المهم انتظرت الساعه 4 . لبسنا وطلعنا . ورحت النادي وصلت الساعه 04:30
اول مادخلت .. كان ملفي موواصل لهم عشان يسوون لي قياسات . فقالوا باجر ان شاءالله ..

الساعه 5 ابتدت حصة سويدي .. على موسيقى وبدينا معاها وهلكتني . وبعض الحركات كانت صعبة جداً وماقدرت اسويها . لكن عن جد متعه متعه .. وناسه . على الرغم من التعب . كنت مصره استمر . وفعلا كملت للاخر .

بعدها رحت على االاجهزة . جهاز المشي ماطولت عليه بس 10 دقايق . لأنه عندي بالبيت وانا بتعرف على الاجهزة الثانيه
كملت على خمس اجهزه كل واحد منهم اقعد عليه ليما اسوي خمسين حركه ..

بعدها رحت السوناا . ولأني مولابسه مايوه اسلامي . قالت لي لازم تنزلين البلوزه . رفضت بالاول . ودتني لحوض السباحة قالت شوفي شنو لابسين البنات . بصراحة انا كنت لابسة برمودا وقميص علاق . ماحبيت البس مايوه .
بس قالت لي لازم عشان يستفيد جسمج من السونا والبخار .. قلت لها باجر ان شاءالله اجيب اللبس . المهم دخلت السونا لمدة عشر دقايق .. بس عشان اتعرف على المكان وكان حار حيل . وبعدها البخار .. وكان ناااار ..
وبعدين سبحت ولبست لبسي النظيف .. وطلعت ..

تدرون هذا جم اخذ معاي وقت .. ساعتين ونص ومروا علي كأنهم نص ساعه ..
وماخلصت كل شي .. الاجهزه مالعبت الا على خمسه منهم . والجاكوزي مادخلته . وحمام السباحه . لأنه مااكان معاي مايوه ..

بس للأسف عقبها تعشيت .. بس ماكثرت ..:shy:

واليوم لما قعدت من النوم جسمي حده مكسر ..


هذا اول يوم :clap:

شرايكم انتم ؟؟

الله يوفقج يالغالية ..
بس لازم تداومين على الرباضة لأنج اذا تركتيها راح ترجعين مثل الأول وبسرعة ..
فيليت تتبعين رجيم علشان أتحافظين على جسمج ..
ورجيم النشويات واااايد حلو وبسرعة يضعف ..

&&& مشكورة على النصيحه يالغالية .
وبجرب هالرجيم وان شاءالله اضعف باسرع وقت ممكن ..
وبستمر على الرياضة باذن الله حتى بعد مااوصل لوزني اللي ابيه ..

ماقصرتوا ..:)