السلام عليكم بنات ..
بس حبيت اسالكم عن حنة مع اعشاب تفرد الشعر ..
له اسم بس ناسيه اسم المنتج ...
انا 2 من صديقاتي جربوه ..
و وحده هي وخواتها وامها كلهم سووه وااايد عجبهم والثانية عجبها ..
بس تقول شعرها يتساقط .. انا ابي اعرف راي البنات اللي جربوه ..
وانا شعري ناعم بس فيه كسرات من تحت فابي اعرف هو شو مفعوله للشعر الناعم وهل يضر فروة الراس .. ؟؟ وهل له اعراض جانبيه .. والف شكر
السلام عليكم ورحمة الله وبركاته
انا سمعت عنها وشفت ناس مجربينها هي تخلي الشعر اسوووود جدا مثل الفحم وناااعم يعني كأنه مفرود لكن بتسبب تساقط كتييييير للشعر
عشان كذا ما انصحك تستخدميها
تحياتي
سالي
«•°¤ ..×.. بِسْـــمِـ الـلّـــهـ الـرّحْمـــنـ الـرّحيـــمـ ..×.. ¤°•»
حبيبتي هذه النوع من الحنه يضيفون لها مواد تساعد على الفرد =)
انا ما اشجع على استخدامها =)
و انشالله الخوات يفيدونج =)
و بس =) (f)
×.::.*.::.× مَعَــ حُبـــــِّــي ×.::.*.::.×
.•°.*.°•. *بنتوتـــ~BanTooTa~ـــه* .•°.*.°•.
انصحك لاتسوينها الاني سمعت ان الشعر ينعدم بعد فترة والله اعلم
تسلمون خواتي .. وابي اعرف اراء البنات اللي جربوه ..
السلام عليكم ورحمة الله
هلا أختي الحبيبة أنا استخدمتها أول ما طلعت بالجرايد زمااااااااان وكانت أيامها تباع في الصيدليات الكبرى فقط اسمها ( الخلطة العجيبة )
المهم بعد ما سويتها بشعري كاااان أسود وناعم ويجنن وكان شعري مضرب المثل بالمدرسة وحتى لما أغسل شعري بسرعة ينشف الماء وما يحتاج تجفيف كل هذااا حلووو صح
اللي مو حلووووووو إنه لما يبدأ أثرها يروح من الشعر يتساقط ويخشن ويصير مرررررررة خفيف وتعبان حتى بعد ما سويتها بسنة رحت مشغل أقص شعري أول ما شافته الكوفيرة قالت إنتي مملسة شعرك قلت لا سويتله خلطة الحناء قالت هذا نوع من الفرد وهي أسوأ أنواعه أنصحك تهتمين فيه حتى يتخلص من أثرها لأنها مرررة مضرة للشعر وفعلاً بنت خالتي ما تحملها شعرها وجلست فترة تستخدم تونك لأن شعرها صار خفيف مرة من المقدمة وحتى أنا خف شعري ومن يومها يتساقط أكثر من قبل استخدمها مع إنه صارلي من يوم استخدمتها تقريباً 8 سنوات
وكل صاحباتي وقريباتي اللي سووها شعرهم صار أخف صحيح إن اللي يستمر عليها يبقى شعره مسترسل بس باااين إنه مو طبيعي لأن شكله يبان تعبان وباهت مهما عمل حمامات زيت...
أرجو إني أفدتك ... بس حبيت أنقل لك تجربتي الخاصة معه ..
السلام عليكم ورحمة الله وبركاته
شكرا حبيبتي أم جالا على المعلومه المفيده وما قصرتي والله أني كنت ناويه أسويها لكن ما لقيت ألي تسويلي هالحنا وأسأل عنها من مده
ربي يرزقج جنه الفردوس
اللهم إني أمسيت منك في
نعمة وعافيه وستر
فأتم علي
نعمتك وعافيتك وسترك
في الدنيا والآخره
الف .. شكر لكم .. وانتظر اراء البقيه ..
بنات وينكم ...؟
سمعت عن هاي الخلطة بس ما انصحج تستخدمينها اذا كانت شعرتج خفيفة لانه ياثر على الشعر بسرعة يمكن لان فيه مواد كيميائية قوية.... كنت ناوية اجربها بس لم سمعت عنها صراحة هونت لان خفت لان شعري خفيف ما يستحمل هالخلطة..... :angry:
الف شكر لج اختي ..
