جنين ميت

[awham33]

بنات انا انا حامل من شهرين وقبل يومين رحت العيادة وخبروني ان جنين ميت من اسبوع وخبروني اذا بعد عشر ايام مانزل بينزلونه عن طريق التنظيف ممكن احد يساعدني ابي اعشاب او اي شي علشان ينزل طبيعي بدون عذاب ممكن يالغاليات

[سحاب عالي]

سبحان الله ..

انا مريت بنفس الحاله وتوني قبل كم يوم سقطت ..

عزيزتي عليج بشرب الدارسين عشان ينزل الجنين والحركه البسيطه ..

وحتى الميراميه تنفع ..

شوفي انا قالولي بالمستشفى يبون يسوون لي تنظيف ..

بس انا صار لي نزيف ..

ونزل الجنين ورفضت انهم يسوون لي تنظيف .. تدرين ليش

لانج اذا سويتي تنظيف مابتقدرين تحملين لمدة 3 او 6 شهور

بس اذا نزل طبيعي تقدرين تحملين على طول ..

وهاي كان كلام الدكتوره الي اراجع عندها ..

ولا تخافين ابد ولا تحاتين ..

واذا حسيتي بألم ومغص مثل الم الدوره بس اقوى ..

لاتخافين لان هاي علامة ان الجنين يبي ينزل ..

واذا ماقدرتي تستحملين روحي المستشفى احسن .. عشان لو نزل البيبي بشكل طبيعي

يكون تحت اشراف طبي ..

وبعدها يعطونج حبوب لتنظيف الرحم ..

ونصيحتي لج ..

حتى بعد ماينزل استمري في شرب الدارسين والميراميه

تراها تريح وتنظف الرحم

وماعليج شر ان شاءالله

[حبيبة110]

حبيبتى بالاول قولى الحمد لله على كل حال

( وبشر الصابرين الذين إذا أصابتهم مصيبة قالوا إنا لله وإنا إليه راجعون )

بالنسبه للتنظيف اذا مانزل لازم تنظيف لازم واهتمى اختى

حتى لو نزل عليك شئ فى الفتره دى لازم تراجعى الطبيبه لتشوف اذا باقى شئ ام لا

ماعرف اذا فيه مشروبات او سوايل تساعد فى نزوله ام لا

لكن فى كل الاحوال لاتاخدى اعشاب غريبه او غير معروفه وحتى لو اخدتى اعشاب معروفه لاتكتفى بيها فى تنزيله لازم تراجعى الطبيبه مره اخرى فى كل الاحوال

شفاك الله وعافاك

[ريحانة القلوب]

الله يشفيك أختي ويعوضك خير ذكرتيني بأيام مضت وحصلت لي مثل ما جالسة تحصل لك.

نصيحتي إذا ما نزل أعملي عملية تنظيف أحسن لك لأن الجنين الميت يبتدي يفرز سموم في الدم من الممكن انها تظرك انتبهي لهاي النقطة.

أنا عملت عملية تنظيف والحمد لله بخير وعافية

[awham33]

مشكورين ابصراحه طمنتوني لاني خايفه من التنظيف