ابغي اسوي صناديق توزيع الهدايا بنفسي

تقدرين يا عزيزتي نوف الثريا تستخدمين علي (الأحذية الفارغة ) او الجواتي الله يعزج ... بشوية صبر وذوق تقدرين تلصقين عليهم الجلاد الذهبي او الفضي اللماع وبشوية ابتكارات تصير علبة الجواتي تحفة للهدايا انا شخصيا مسويتها اما بالنسبة للعلب الكبيرة تقدرين تستخدمين كراتين غراش الماي المعدني الصغيرة ونفس الشي غلفيها ..... سؤالج الثاني عن الجرايد تقدرين تسوين منهم مليوووووون شي مبتكر ... مثلا : نفخي نفاخة (بالون) وبالغراء او صمغ الخشب المخفف بالماي الصقي على النفاخة شرائح رفيعة مقطعة من الجرايد وهكذا طبقة ورا طبقة لين تصير غليظة الطبقة وخليها تنشف يوم كامل ..... اثقبي النفاخة (بطّيها) وطلعيها من الدائرة المصنوعة من الجرائد ثم عدلي بحافتها السفلية حتى تصبح مثل الطاسة الكبيرة وصبغيها بأي الوان وشوفي النتيجة شلون تكون رووووووعة تقدرين تستخدمينها على طاولة السفرة كصحن للفواكه او مزهرية ... بصراحة انا مسويتها قبل بس للأسف ما صورتها ..... ِ

تسلمين حبوبه على ردج بس أنا أبغي الصناديق الكبيره شويه وكراتين النعل صغار بس أبغي اعرف من وين أييب الكرتون الخاص لعملهن لأنه شويه اصلب من الكرتون العادي وبالنسبه للجرايد شو اسم الغراء المقصود هل هو الابيض والا تقصدين الورنيش؟ بانتظار معلوماتكم..لكم تحياتي^_^

عزيزتي بالنسبة لورق الجرائد تقدري تعملى منه اللي انت تبيها تجبين صناديق كرتون اللي يجي فيها البسكويت او المناديل وتقفلي الكرتون عادي بعدين تقصي بالمشرط الصندوق من فوق على شكل غطاء للصندوق بعدين تجيبي غره الخشب الابيض وتحطي منه على الصندوق بس حطي كمية كويسة وتحطي ورق جرايد واعملي طبقات من ورق الجرائد والغره وسبيه ينشف لمدة وبعدين حتحصلي على صندوق قوي جدا وجميل جدا بعدين استعملي الوان الأكريليك لتعتيق الصندوق وبعدين ابدئي بتزينه على فكرة انا عملت منه كثير وعمل منه دولاب للاحذية لانه هاذي شغلتي واذا انت في جدة ترى انا اعطي دورات في تزيين الهدايا وعمل هدايا الواليد وعمل الشمع الواكس جل وان شاء الله تعجبك الفكرة

الله يعطي البنات العافيه افكااااارهم حلوة بس في تعليق على فكرة الاخت مساء الندى .
ادري الموظوع شوي قديم بس لبد لتنويه فكرة الاخت "تقدرين يا عزيزتي نوف الثريا تستخدمين علي (الأحذية الفارغة ) "
مايجوز اختي لان الجايد بيكون فيها اسماء الله الحسنى او ايات قرأنيه فارجو الانتباه .