استفسارين.....عن العدسات و الجحال

[روضة القلب]

السلام عليكم ورحمة الله وبركاته.........


اشحالكم يا عرايس؟؟

حبيباتي شو هو احسن نوع من العدسات الملونه....تراني اول مره بجرب حابه اغير اللوك مالي...



ولو تعلموني كيف ارسم عيوني من تحت بالجحال بكوووووون شاكره لكم وااايد لأاني حابه اغير ..

[أنا الشوق]

السلام عليكم
بالنسبه عن العدسات يعتمد على لون بشرتج وشكلج وأنا العدسه اللي استعملها دايما هي من جونسون اند جونسون واسمها اكيوفيو استعمل اللون العسلي اللي عندهم وايد طايح علي كأنه طبيعي هذا لان لوني حنطي
أما اذا كنتي بيضه فعندج العدسات الزرقه الفاتحه من Images حلوه تطلع كأنها طبيعيه لأنها لون واحد
وفي بعد عندج عدسات fresh look بس أنا ما احبهم لأنها ثلاثة ألوان وتبين عدسات بس بعد يمكن تناسبج
وبس هذا اللي أذكره الحين
وان شاء الله أكون أفدتج

[روضة القلب]

توني البارحه اشتريت فريش لوووك طلعت عليا حلوة بس لين الحين خايفه

[أنا الشوق]

وليش خايفه مادامها طلعت حلوه
لا تخافين ولا شي

[روضة القلب]

والله من اول لي ساعتين احاول اركب العدسات وخايفه مدري كيف ..

خواتي طفروووا مني...خااااااااايفه مب عارفه كيف احطها