روابط قد تهمك :
فساتين العروس | تسريحات | تنظيم الاعراس | زخرفة | عالم حواء


صفحة 1 من 2 12 الأخيرةالأخيرة
النتائج 1 إلى 15 من 22

الموضوع: ودي احمل :(

  1. #1
    عروس نشيطة
    تاريخ التسجيل
    20/11/2005
    الدولة
    Dubai
    المشاركات
    154

    ودي احمل :(

    :sad: السلا عليكم ورحة الله وبركاته
    انا توني داخله ال 19 ومتزوجه من 3 اشهر .. ادري بتقولون بعدج صغيره ومستعيله على شو ..
    بس انا زوجي من النوع اللي يموووت في شي اسمه يهاااال .. بدون ما يقولي انا اشوف فيه هالشي .. يوم يشوف عيال خواته ايوون بيتنا يستااانس ويستانس على حشرتهم .. يعني حنون لابعد الحدود .. هو ولا مره بين لي انه زعلان او حزين لاني ما حملت بس انا اشوف الحزن وخيبة الامل في عيونه خصوصا الشهر اللي طاف يوم سرنا نحلل اذا في حمل ولا لا .. لاني كنت احس بآلام فالبطن وساعات دوره بس ماكانت اعراض حمل للاسف وصابت زوجي مثل خيبة الامل ..
    ومره قالي يااالله يارب تحملين هالشهر قلتله انشالله يارب في اشوفك وايد مستعيل جان يقولي والله خاطري في بيبي وتعرفين الريال ما ايوده الا البيبي .. ماعرف ليش هذي الكلمه خوفتني خصوصا انه مره ذكرني بسالفه قالي اياها في شهر العسل .. في واحد يعرفه كان متزوج من تقريبا 20 سنه ويحب زوجته وزوجته نفس الشي تحبه بس ما يابوا عيال .. مع انهم راحوا للدكتور وجيكوا على كل شي بس ماكان فيهم شي .. اتفقوا على انهم ينفصلون بهدوء قالو يمكن مالله كاتب لنا انه نيب عيال انا وانت .. واكل واحد راح في دربه هي تزوجت ويابت ولد وهو نفس الشي تزوج وياب ولد .. سالت زوجي قلتله انزين هو يحبها كيف انفصل عنها يعني خلاص مات الحب ؟ قالي لا مامات بس دام الواحد شاف انه مافي نصيب العيال بينهم خلاص ماله داعي لهالحياه كل واحد يشوف دربه .. تميت ساكته ودعيت في قلبي اني احمل باسرع ما يكون .. تخيلو افكر فالحمل وانا بعدني في شهر العسل مامر على زواجنا 15 يوم .. المهم اني ذكرت هالسالفه وانا الحين خايفه معن زوجي الحمدالله يعاملني باحسن معامله وبكل حب واحترام وحنان ومب مقصر عليه بشي .. بس الحرمه يوم تعرف ان ريلها يحب شي تبا تحققله هالحلم باسرع ما يكون عشان تسعده وتخليه يحبها اكثر واكثر ..
    خبروني يا بنات شو هي الوسائل اللي تساعد على حدوث الحمل ؟؟ سوري يمكن يكون السؤال شوي محرج بس اباكم تفيدوني .. ادر ي ان هذا بيد الله بس بعد الواحد لازم يسوي شي عالاقل يريح ضميره ..

    انا احاول اني اداوم على حبة الفولك اسيد قالولي وايد زينه وتهيأ الرحم للحمل .. خبرووني في بعد في اشياء ثانيه ممكن اسويها غير الحبوب ؟؟ اي تمرين ممكن اسويه بعد الاتصال الجنسي يساعد الرحم على التخصيب .. ساعدوني يا بنااات بليييز الله يرزق كل متزوجه بالذريه الصالحه ..


    ادعووولي دخيييلكم والله محتاااجه لدعاويكم .. اللي ما عندها خبره في هالسوالف عالاقل تكتبلي دعوه ان الله يرزقني هالذريه ..

    ويزاكم الله خير ..

  2. #2
    عروس متألقة
    تاريخ التسجيل
    19/09/2005
    الدولة
    uae
    المشاركات
    292
    هلا الغالية لا تفكرين وان شاء الله الله بيرزقج بالعيال الصالحين بعدج انتي اصغيرة لا تستعيلين علي العيال عيشي حياتج ويا ريلج لانة هاي الايام ما تعود يوم ايون اليهال واستعمالي عسل طبيعي علي ريج والله يوفقج ان شاء الله وفية وحدة خبرتني بعد ما تخلص الجماع اسندي اريولج علي الجدار ولا تتغسيلين علي طول وان شاء الله بصير حمل

  3. #3
    عروس رائعة
    تاريخ التسجيل
    23/05/2005
    الدولة
    دوحـ العز والفخر ــــة
    المشاركات
    1,258


    هلا أختي

    أسأل الله العلي القدير السميع المجيب أن العيد السنة يكون عندك عيدين

    وتحملين ويريح بالك ويرزقك الذرية الصالحة

    صراحة أنا مش مخطوبة ولا متزوجة لكن بقولك على أشياء لا تقطعينها أبدا

    داومي ع الاستفغار ... داومي ع الاستغفار ... داومي ع الاستغفار ...

    " قلت استغفروا ربكم إنه كان غفارا ، يرسل السماء عليكم مدرارا ،

    ويمددكم بأموال وبنين ويجعل لكم جنات ويجعل لكم أنهارا "

    لا تستهينين فيه في كل لحظة وكل وقت فاضية مشغولة لسانك ما يسكت عن الاستغفار

    رددي الدعاء وكرريه وألحي بالدعاء على الله لأنه يحب العبد اللحوح

    تصدقي بنية شفائك إذا كنت تعانين من شي " داووا مرضاكم بالصدقة "

    ورددي آية " رب لا تذرني فردا وأنت خير الوارثين "

    " رب هب لي من لدنك ذرية طيبة إنك سميع الدعاء "

    وبعد سمعت أن الحالة النفسية لها دور كبير جدا إذا بتمين تفكرين وتراقبين الوضع رح تتعبين

    وما في حمل بنفسية تعبانة ودوم تفكر سمعت هذا الكلام من دكتورة قالته لوحدة قريبتي


    وأخيرا لا تنسينا من صالح دعائك

  4. #4
    عروس متألقة
    تاريخ التسجيل
    29/01/2004
    المشاركات
    230
    الله يرزقك حبيبتي بالذريه الصالحه والولد الي تفرحين فيه ويسعد قلب زوجك

  5. #5
    عروس نشيطة الصورة الرمزية وحدة غير
    تاريخ التسجيل
    27/09/2004
    الدولة
    Ba7rAiN NoOoOR AlEaN
    المشاركات
    136
    حبيبتي توج ثلاثة اشهر وتقولين خيبة امل ... حرام الهم اللي انتي معيشة نفسج فيه ... ناس سنوات وماحملوا لان ربج مو كاتب لهم ...
    انا عندي صديقة سنة ونص وماحملت هي سليمة وزوجها سلمين راجعو ا كذا دكتورة وأكدت هالكلام ... في النهاية طلع فيها التهاب ... تعالجت منه وبعد شهر حملت ... روحي لاخصائية نساء وولادة ... اذا هالموضوع شاغلج وايد ... وانشاء الله هي تطمنج ...

    الله بيرزقج حبيبتي بالذرية الصالحة ...

  6. #6
    عروس مبدعة الصورة الرمزية bent el ba7rain
    تاريخ التسجيل
    26/10/2005
    الدولة
    bahrain
    المشاركات
    935
    انا مع البنات حبيبتي توه الناس عليج بس لاتخلين الموضوع في بالج وايدوتحاتين ترى النفسية لها دور.

  7. #7
    عروس ماسية الصورة الرمزية **ام عبادي القمر**
    تاريخ التسجيل
    04/08/2006
    الدولة
    سلماباد الي في البحرين
    المشاركات
    9,222
    حبيبيتي مستعيلة على شنو توج 3 شهور انا ماحملت الا بعد سنة وعشرة شهور تو الناس وحالتج ماتستدعي الى دكتورة لان بتقول لج مانسوي تحاليل الا اذ الوحدة كملت سنة وماحملت اهني الواحد يحاتي تعوذي من ابليس والصراحة لا تزعلين مني المفروض زوجك مايقول لك سالفة صديقة واحس انة قاصد ان يقولها لج وان الريال مايودة لا اليهال شنو هالحجي .
    كل شي بيد رب العالمين سبحانة توكلي على الله .

  8. #8
    مشرفة سابقة الصورة الرمزية روح البحرين
    تاريخ التسجيل
    30/05/2006
    الدولة
    ابوظبي- UAE
    المشاركات
    6,683
    هلا اختي غيبشه

    الله يرزقج بالذريه الصالحه ويفرح قلبج وقلب ريلج

    والله لا يغيره عليج

    اكثري من الدعاء اختي وتذكري مايصير شي الا بوقته لانه مكتوب

    اختج

    روح البحرين

  9. #9
    عروس مشرقة الصورة الرمزية زوجة راشد
    تاريخ التسجيل
    25/12/2005
    الدولة
    الامارات
    المشاركات
    426
    الله يرزقج ويفرح قلبج وقلب ريلج

    ومثل ما قالت اختى قمري الحزين داومي عالاستغفار ....... وبعدين لا تيلسين اتحاتين واتوسوسين ترا والله النفسيه تلعب دور في الحمل او عدمه .... تاكدي متى ما اراد ربج الشي يستوى فلحظه


    وانشالله ما يمر هالشهر الا انتى حامل

  10. #10
    نائبة المشرفة العامة الصورة الرمزية مرموم
    تاريخ التسجيل
    16/02/2003
    الدولة
    وطني الذي لم أراه
    المشاركات
    15,096

    السلام عليكم ورحمة الله وبركاته

    أختي نقلت موضوعك بركن المتأخرات في الحمل...

    الله يرزقك من فضله العظيم يا رب...

  11. #11
    مشرفة سابقة الصورة الرمزية ريحانة القدس
    تاريخ التسجيل
    11/03/2005
    الدولة
    بلادُ العُربِ أوطاني ...منَ الشّـامِ لبغدانِ...ومن نجدٍ إلى يَمَـنٍ ...إلى مِصـرَ فتطوانِ...فـلا حـدٌّ يباعدُنا...ولا ديـنٌ يفـرّقنا...لسان الضَّادِ يجمعُنا... بغـسَّانٍ وعـدنانِ
    المشاركات
    6,881
    ربنا يرزقك الذريه الصالحه عاجلا غير اجلا يا رب ..
    بس طولي بالك وتوكلي على الله وان شالله خير.....

  12. #12
    عروس مشرقة الصورة الرمزية دموووع تبتسم
    تاريخ التسجيل
    27/06/2006
    الدولة
    السعودية
    المشاركات
    308
    اللــــــــــــه يرزقــــــــــــــك بالذريــــــــــــــــه الصالحـــــــــــــــــه

    اللهـــــــــــــــــم آميــــــــــــــــن

  13. #13
    عروس ذهبية
    تاريخ التسجيل
    22/02/2003
    الدولة
    مصرية فى السعودية
    المشاركات
    2,520
    حبيبتى انتى صغيورة خالص ثقى بالله حبيبتى
    ربنا يرزقك اللهم امين
    وشاهدى موضوعى
    http://www.3roos.com/forums/showthre...61#post2713061

  14. #14
    عروس مشاركة
    تاريخ التسجيل
    01/10/2006
    الدولة
    قطر
    المشاركات
    50
    اذا انتي 3 شهور عيل انا شهرين

    وخاطرنا في ياهل

    الله يرزقج ويرزقني ويرزق الكل ان شاءالله الذريه الصالحه

  15. #15
    عروس ماسية الصورة الرمزية RoOoOmy
    تاريخ التسجيل
    15/03/2003
    الدولة
    أي مكــــــــــان
    المشاركات
    12,243
    اختي 3 شهور وشاغل بالك الحمل .. انتي لسة في شهر العسل ومو شرط ان كلام زوجك يقصد فيه شي من اللي في بالك
    لا تخافي والله لايغير عليكم .. الحالة النفسية وكثر التفكير له دور
    عيشي حياتك وان شاء الله تحملي قريب
    ناس صار لها 10 سنين واكثر وصابرة فمابالك بشهور قليلة
    الله يرزقك ويرزق كل بنات المنتدى

صفحة 1 من 2 12 الأخيرةالأخيرة

المواضيع المتشابهه

  1. يااااااااااااااااااااا رب احمل
    بواسطة عروسته وبس في المنتدى إستفسارات النساء و الحمل و الولادة
    مشاركات: 78
    آخر مشاركة: 10/06/2009, 05:48 PM
  2. ادري اني ما بسوي هالشي..بس تعالوا ادبوني شوي..احمل واللا ما احمل
    بواسطة عيون بوظبي في المنتدى النساء و الحمل و الولادة
    مشاركات: 35
    آخر مشاركة: 28/03/2007, 02:03 PM
  3. ناويه احمل
    بواسطة ازهاار في المنتدى النساء و الحمل و الولادة
    مشاركات: 22
    آخر مشاركة: 23/02/2007, 03:09 AM
  4. راح احمل او لا؟؟
    بواسطة باربي78 في المنتدى النساء و الحمل و الولادة
    مشاركات: 4
    آخر مشاركة: 06/09/2005, 10:01 PM
  5. أبي احمل :(
    بواسطة سارة3433 في المنتدى النساء و الحمل و الولادة
    مشاركات: 24
    آخر مشاركة: 25/01/2005, 12:18 PM