احسن انواع الحنا اللي تخلي الشعر احمر او عنابي

[move=up]وين ردودكم ياحلوووين[/move]

غاليتي رغد قطر اسمحيلي ما اعرف في قطر
لاني من دبي بس احسن نوع حنه على الاطلاق للشعر
هو الحنه العماني بلا منافس وبعده الحنه الهندي وبعده السوداني ..
اذا تعرفين حد من عمان خليه اييبلج اياه لان اللي يبيعونه
في بعض المحلات مغشوش ..

مسموحه الشيخه

لا والله خساره ماعندي احد في عمان الا في قطر

مشكوره فديت روحج تعباتج وياي وانا بحاول ادور لي اذا مالقيت امري لله بصبغ شعري

هلا
خيتوا قطر

انا راح افيدك بالحناء
شوفي هههههههههه بتقولك قصه
روحي للعطار وطلبي من هالشغلات الي بقولها لك هالحين
ولازم تاخذينها من العطار
المواد ..
حناء وافضل انواع الحناء ((حناء المدينه -وحناء الممتاز-وحناء بنات الخليج-حناء يميني -حناء السدواني ))
انا عن نفسي استخدم حناء المدينه
وتاخذين من عنده حاجه لونها احمر اسمها كركديه وهي مثل الورد وبتكون مجففه طبعا
وبس
طريقة التحضير
خذي مقدرا الحناء الي تبين تضعينه على شعرك
وخذي لك مويه وضعيها عالنار وضعي عليها بعض من الكركديه والزعفران والكركم اذا حبيتي
واذا حبيتي لون بني اضيفي للحناء شاي ونسكافيه فقط
واتركيهم يغلون عالنار وبعد فتره راح تشوفين اللون بدا يظهر
اتركيه يبرد
وبعد ذالك صفي المكونات وخذي الماء فقط
واضيفيه عالحناء شوي شوي
حتى تصبح الخلطه متماسكه
وتقدرين تضيفين عليها شوية زيت والبعض يفضل بعدم وضع الزيت في خلطة الحناء
واتركي الخلطه لمدة 3او 4 ساعات وكل ماطولت المده كان أفضل
وتضعينه على الشعر وتتركينه على شعرك لمدة ساعتين او ثلاث
وتغسيل شعرك اول يوم بالبلسم فقط
واليوم الثاني بالشامبو
فقط لاغير
يارب تكوني فهمتي علي
وأي سؤال أنا حاضره

تحياتي لك

امممممممم فهمت عليج بس شلون يعني احط عليه كركم وكركديه والحناء وحطها على النار وخليها تغلي وبعدين اخليها تبرد وحط عليها ماي

متاكده بيصير شعري عنابي...

لانه مابي يصير بني

شوفي خيتوا

حطي الحناء في وعاء واتركيه بحاله
وخذي وعاء اخر وضعي فيه المكونات كركديه وززعفران وماء واتركيهم يغلون عالنار وبعد مايغلون بتشوفين اللون يطلع عنابي ارفعيهم من على النار واتركي الماء المغلي يبرد
بعد مابرد الماء صفي المواد الي فيه وصبي الماء البارد على الحناء الي كان بوعاء اخر
يارب تكوني فهمتي علي

ونصيحتي لك
أنك ماتضعي الحناء وشعرك مكشوف او في جنب التكيف لانه ضار لو تركتي شعرك عرضه للهواء وانتي حاطه حناء بشعرك بل غطيه بكيس بلاستك
ولا تستخدمي الحناء لشعرك في فصل الشتاء

<<<<<<<<<حمستيني اسوي حناء لشعري لانه يطلع اللون مره حلوو على شعري

وأنتي بقدر الامكان أتركيه على شعرك لاأطول فتره ممكنه أنا عن نفسي أتركه 3الى 4 ساعات

ولاتخافين راح يطلع لك لون مثل الشعر المصبوغ بلون احمر اذا كانت نوعية شعرك خفيفه ولونه مو أسود مره لانه لو كان لون شعرك أسود والشعره ثقيله مره ماأتوقع أنه راح يصبغ هذاك الزود

يمكن يصبغ شي بسيط

وأي سؤال أنا حاضره
تحياتي لك

ماادري

فهمتي على ولا؟؟؟؟؟؟؟؟؟

اذا مافهمتي عطيني خبر

وتحياتي لك

فهمت عليج مشكــــــــــــــــــــــوره ويعطيج العافيه انا شعرتي خفيفه ولونها بني غامق وانشاءالله يثبت عليه الون مشكوووره مره ثانيه اختي

صح كلامها الاخت قطرات الندى
وعلى فكره بتكون ريحه شعرج قهوه في حاله انج استعملتي النسكافيه

ومشكروه

على ماظن النسكافيه يخلي الشعر باهت ولونه بني

انا صبغت شعري من 5 شهور تقريبا لون بني غامج اخاف اذا حطيت عليه الحناء يصير برتقااالي وتوهق

غاليتي ضيفي شاي وقهوة وخل بنسب متساوية بدون ماء وخلي الحنه يوم كامل مغطى

ببلاستيك .. وثاني يوم بتلقينه احمممممر ضيفي عليه ليمون واخلطيه عدل وحطيه

على شعرج 5--6 ساعات .. وترا من فوايد الليمون في الحنه انه يسحب لون الحنه

اكثر .. جربي وخبريني شو يصير وياج .. وعلى فكرة لاااااااااااااااا تحطين حنه على شعر مصبوغ

يضر الشعر وااايد والاخوات حذروا من هالشيء اكثر من مرة وحتى لو رحتي الصالون

ما بيحطونلج حنه على شعر مصبوغ ..

اي نوع قهوه احط ؟

ملاك ليش انا صبغت شعري من فتره يعني مايضر؟؟

العفووو رغد

بس فيه تعليق على كلام الاخت ملاك

للمعلومه

الشاي والقهوه ماراح تعطيك اللون الاحمر او العنابي

اما بالنسبه تضعين لشعرك حناء وهو مصبوغ

ليس لدي علم اكيد
بس الي اعرفه وماني متاكده منه
انه مايصلح تضعين حناء والشعر مصبوغ

تحياتي لكم

والله احترت مب عارفه شسوي احط ولا ماحط لانه صار لي فتره من صبغت شعري ومابي اصبغه ابي احط حناء

غاليتي قطرات الندى انا شعري اسود حيل وما فادني غير الشاي والقهوة وعطاني اللون
البني المحمر الحلووو واللون يطلع مايل للاحمر اكثر تحت الشمس .. من جذي اقول شاي وقهوة
عن تجربه شخصية .. و غاليتي رغد قطر الحنه عالشعر المصبوغ يعدم الشعر
ويسبب جفاف اكثر ويعطي منظر مووول مب حلو غير انه يضعف الشعر ويسبب تقصف الاطراف ..
وفي احتمال كبير اذا حطيتي حنه ما بيعطيج اللون الاحمر او العنابي على الصبغه ..
فانا انصحج تتريين لين تنزل الصبغه وبعدين تحطين الحنه ..

انشاءالله مشكوره ويعطيج العافيه

<<< تحطمت وااااااااااااااااااااايد

اختي رغد اولا انصحج بالحناء العمانية واذا تبين حنة عمانية اصلية اذا القيتيها في العطارين عندكم انا بطرشها لج من البحرين اوصلية وماابي الا دعائج بس حبيت اخدمج ...
ومثل طريقة الاخت انج تضيفين الكركديه لان الكركديه يعطي اللون الماروني تقريبا للشعر ويخليه فيه لمعة وزاهي..

وانصحج كلش ابتعدي عن الحنة وشعرج مصبوغ اتركي الشعر يطول لين تنزل وبعدين حنيه

واي شي تبينه انا حاضرة طرشي لي رسالة خاصة وماابي الا دعائج لي ان الله يفرج همي يارب وهم كل مهموم