تبون كريم سنفرة يكون مبيض للوجه والجسم؟ تعالي وراي وشوفي ويهيج كيف

السلام عليكم ورحمة الله وبركاته ..

بما انه مافي حد يعز علي كثركم قلت لااازم اخبركم عن هالكريم الرائع واخليكم تشاركوني الجمال والنظارة :shy: ..

خلوني اقولكم قصتي وخلوا بالكم طويل علي لأنه بالي رااااااااااااايق الحمدلله ...

بعد ما رجعت من ام الدنيا حسيت او بالأحرى كانت بشرتي اكيييد هلكانه .. بسبب السهر .. المشي .. الحر ..

غير جي تعرفون مصر فيها نسبه تلوث كبيييرة ..(لا تزعلون خواتي المصريات والله اموووت في مصر ..) :yes:

بشرتي اسمرت .. وهلكانه وتعبانه يعني خرطي ردييت اخرع .. بما انه لوني حنطي .. استويت سودة عافانا الله :cry:

اول مارجعت سيييدة على كارفور الم كريمات سكرابات .. واجمع خلطات .. ومرة من المرات ..

كنت رايحه محل يبيع شباصات وعطور يعني من هالمحلات الرخيصه .. ولقييت القنبله :dd:

لقيت بعض المنتوجات الي تستخدم في الصالونات .. الي من عند شركات التجميل .. حمامات زيت وبعض المنتجات ..

واهمها كان ( كريم كاب) اتوقع من البنات الي يسوون حمامات مغربيه يعرفونه .. هذا الكريم كنت اسويه كل ما اسوي حمام مغربي قبل العرس ..

كريم رهييب نتايجة رهيبه .. يفتح البشرة وينظفها والأحلى انه للجسم كامل .. وهو عباره عن سكراب ..

انا طبعاً ما كذبت خبر اول ما شفته رحت شريته .. وكان ارخص طبعاً من اي مكان ثاني .. كان ب 45 درهم ..

خلوني اراويكم صورته واكتب لكم شو مكتوب عليه ..



مكتوب عليه :

كريم سنفرة ومبيض للوجه والجسم

يزيل طبقه الجلد الجافه والداكنة عند استعماله بشكل منتظم. تم تتطوير هذا المنتج للحصول على عمليه تقشير مكثفه تنظف البشرة بفعاليه في العمق وتزيل الشوائب المغروسه فيها وخلايا البشرة الميته وهكذا تحصل البشرة على حاجتها من التغذيه وتبدو نظرة وصحية ومشرقه.

طريقة الأستعمال: قبل استعمال البخار ويوضع على الوجه لمدة دقيقتين ثم يتم تدليك البشرة بشكل دائري باليد او بالجهاز.
يستعمل على جميع انحاء الجسم ليساعد على تبيضه وازاله الخلايا الميته فيه كما انه ممتاز بالتنظيف العميق للبشرة .

يعطي نتائج ممتازة اذا استعمل مع الحمام المغربي على كافه انحاء الجسم .

هذا كل ما كتب عليه ..

بالنسبه لبنات الأمارات اتوقع تلاقونه في المحلات الي توفر الأجهزة والكريمات الخاصه بالصالونات مثل شركه نزيه .. بس اتوقع بيكون اغلى ..
وبعد شفته في الصالونات وايد ينباع ..

والله من بعد ما احطه احس بشرتي تورد وتنظف من الخاطر احسن من اي سكراب جربته .. والله شاهد علي . تحسين في البدايه بحرقه خفيفه اول ما تحطينه عقب خلاص .. وانا استعمله وعقب اعرض ويهي للبخار واتم ادلك ..

تحياتي لكم ..