السلام عليكم يا بنات عروس الحلوات
طالبة طلب تكفون لا تحرموني افكاركم الحلوة
عرسي بعد ايام وابغي افكار جديدة ليوم الحناء
شي حلاته في بساطته ...
بس مضمونه يكون شئ جديد مرة..
فديتكم انا نوروني عشان يكون عرسي لقطة
:shy:
السلام عليكم يا بنات عروس الحلوات
طالبة طلب تكفون لا تحرموني افكاركم الحلوة
عرسي بعد ايام وابغي افكار جديدة ليوم الحناء
شي حلاته في بساطته ...
بس مضمونه يكون شئ جديد مرة..
فديتكم انا نوروني عشان يكون عرسي لقطة
:shy:
معقولة بنات صدمتوني
ولا فكرة للحين
يمكن اكون مستعجلة
بس
رجاي ما راح يخيب فيكم
ليلة الحنــــــــــــــــا ...
باقولج افكار انا مسويته ومن حنا رفيجتي كان صج صج مميز ....
انا حناي كان بالصيف فسويته داخل المجلس ..
ولبسنا الطوف كلها بالقماش الزري وقماش ساده بلونين اخضر وبرتقالي ..
وسويت لي زي الكوشه الصغيره وزيناها بالقماش والسفر وكل شي تراثي تعلق عليها وليتات صغار ملونين وشموع ..
وشالينا كراسي المجلس وعطينا جلسه ارضيه .. << حق الوسع ..
وجدام الجلسه دلال شاي وقهوه وتمر
وللتوزيعات
عملنا زي الجدور صغار وايد وحطينا فيها الحلوا ..
بس رفيجتي كانت حاطه زي جدور الهريس بس صغاااار وفيهم هريس حاااااار ..
وعملنا توزيعات حنا ..
ورفيجتي كان الجو عجيب في البراد ..
فكانت جايبه حريم يسون اللقيمات و الاكلات الشعبيه .. ويضيفون الناس ..
هاي طبعا غير العشا ..
هاي الي جا على بالي ....
واسمحي لي على القصووور ..
والله فكرة نونو قطر فظييييييييييييييييعة
تسلمين عليها
نونو قطر
ما شاء الله عليكم همتكم حلوة مرة
شو قرية تراثية،،
مشكورررررررررررة يالغالية
انا حنتي راح تكون في قاعة وراح احط جلسة وكوشة مثل المرجحانة ويسولي زفة وبيدخل المعرس شوي
وينثر بيسات علي..
بس هذا صاير عند كل البنات
راح اخذ افكار من افكاركم
وخاص الحين عندنا تمر
وراح احط قهوة وشاي
على الابواب
وجزاك الله الف خير،،:shy:
شكرا لمرورك اختي همسة حبالمشاركة الأصلية كتبت بواسطة همسة حب
يالله بنات فزعتكم ما بقى على موعد حنتي شئ
للأسف نادر ما نسوي عندنا حفلة حنا عشان جذيه ما أعرف مراسيم الحفلة :cry: :cry: :cry:
بس أحب أروح لها :shy: :shy: :shy: وأذكر أول حفلة وآخر حفلة رحت لها من قبل 27 سنة تقريباً
خخخخخخخخخخخخ توها قريب ما يمديني أنسى شي منها :dd: :dd: :dd:
ألف ألف ألف مبروك والله يتمم عليج بالخير يااااااااااااااااااااااار ب.............:clap: :clap: :clap: :clap:
اهلا وسهلا بالاخت منال في مسقط وبتاريخ 19 /6 يوم الاثنين في حفل حنتي..
خاطري أحظر حنتك خخخ وين بتسوينها انا بعد من مسقط
امزح الغالية بس حبيت اهنئك وأباركلك الله يوفقك يا رب
الله يوفقك ويتمم لك فرحتك يآرب
المشاركة الأصلية كتبت بواسطة UMABDULRAHMAN
هـــلا أنا بعـد حنـا أختــي في 19 /6/ يوم الاثنيـــن .... وأنا من مسقـــط
ومبروك عليج العرس يا الغاليـــة
فكــرة حنـا أختـــي هنــــــــــــدي..... أختي راح تلبـس لبـس هندي فخـم ومطــرز
بنقوش ذهبيـــة ... وخواتي راح يلبســون بعد لبــس هنـــدي...
الكوشـة بعد استايـل هندي..... وفيـه رقصـة يرقصوهـا بنات صغـار وكلهم لابسين لبس هندي
يعني كله هندي في هنـــدي
الله يوفقج اختي
الموظه الحين الفرعوني
تعرفين ما قد سمعتي عنهاااا
والله وااايد حلووووه
كانت رفيجتي مسوي حناهااا فرعوني لابسة نفس لبس كيلوبتراااا والاطفال اللي جنبهااا كانوا لابسين لبس الفراعنة اللي على شكل تنورة قصيرة وماسكين عصي بإيدهم
وحركاااات والله وكان الجو مصري في مصري
واللي حملوهااا لين الكوشه خداماااتهم كانوا كباااار بس كان شيء خياااال والله
والتوزيعات على شكل علب اهرامات ومسويتههم مخصوص للحناء
هلا وغلا خواتي
والله عادتنا نسوي ليله الحنا شئ تقليدي بحت
"ويكــــــــــــــــــــــ ــــــــون خلــــــــــــــــيجي"
نأجر خيمه حتى لو المعازيم شوي "حفله عائليه"
ونجيب فرقه شعبيه من قطر ويفضل من البحريين
مخصوصين لعمل ليله الحنى
مثل بدريــــه غنيه عن التعريف او فاطمه وفي غيرهم وااايد
والشئ الثاني
ناخذ كرسي ونلبسه بالخلق الاحمر والأخضر اللي اول يزينون في خله العروس
موجود في الاسواق الشعبيه اللي تبيع القماااش
واذا الراس مال سرير ماتبينه او اي ستاند
راس السرير لبسناه بالاخضر والاحمر كله تلصيق بالصمغ الشمع
ونحطه ورى العروس بس ها ثبتوا عدل لاييطح فوق راسه ويخترب العرس
ههههههههههههههههههههههههه ههههههههههههههههههههههههه هههههههههههههههههههه
وعلقنا على الراس مال السرير شرينا من الرونــــــــــــــــــــ ـــــــــــق مادري اذا عندكم في عمان
لوووووووووووووووووووووووو ووووووووول
في اكسسوار زي الذهب كأنه ذهب حقيقه
الطاسه ومزنط واكسسورارات بنات اول
شو كانوا يلبسون
وعلقناه وراى العروس ديكور
وشرينا ثياب نشل صغير وكبيره وقطع قمااش
وصندوقين وجفير انشاء الله عرفتي الجفير
وزعناهم جنب العروس طبعا تحت العروس طابوق زي البيست تكون مرتفعه
وزعنا الصناديق والجفران حواليها على يمينها واليسار
وحطينه ثياب النشل داخلهم مثل الدزه دزه العروس قبل
وطلعنا بعد شويه اكسسوارات منه
وجدام العروس الصينيه
شوفي انا حنتنا بكره باحط لج الصور اذا يوم الجمعه او الاحد
مو اكيد بس اذا قدرت
الصينيه نفس الشئ
قطع الاحمر والاخضروحوالي الصينيه نسوي الخلق مزموم ترى كله بالصمغ
ونسوي دوائر مزمومه داخل الصينيه
عشان نحط المكسرات المرشوشه بالذهبي والفضي بالرش
ونحط البيض المرشوش والمرش والمداخن
وشرينا لعب صور طويله الكبار
لبسناهم الثوب النشل والبطوله
وكل وحده عطيناها مهمه
في وحده في وسط الصنيه لبسناها مثل العروس ومتغسيه مثل العروس بالضبط ولا بسه اخضر
وفي وحده جالسه عند الرحى
واللي جالسه في حضنها الجفير تكورر
ماعرف افسرها
يعني اللي تسوي الزري اضن جذي صح
وفي
بعضهم سويناهم ريايل اللي يندف القطن
واشغال مال اول
وزفه العروس طبعه الطبالات بالاغاني الشعبيه
والبنات مش المتزوجات ولا المطلقات
يمسكون الشال ويرفعونه وينزلون على الروس ويدورون
اذا ماعندج فرقه
شغلنا دي جي اغاني
وليسنا البنات الاصغار بخانق
وماسكين زي الفوانيس الصغيره جدام العروس قبل لاتدخل وشعرهم معجف وفي مشموم
وبالتوفيق
اتمنى تقريت مو ضوعي قبل عرسج