مين يعرف علاج للزكام و السعال لطفل لم يكمل الشهر؟

بالنسبه للزكام مافي احسن من قطرات الانف الماي والملح .. اما الباقي فمن الافضل انج تودينها المستشفى لانها بعدها صغيره ..

اخت نونو بنسبة لقطرات الملح و الماء

هل هو علبتة زرقة(salinose) بس مكتوب علية ان الاطفال الي فوق الست سنوات 3 مرات يوميا و ما جايبين سيرة الاطفال الي تحت الست سنوات فخفت ان يمكن ما يصلح للاطفال الرضع والي يمكن في ماركة ثاني تصلح للاطفال حديثي الولادة

اختي روحي المستشفى على كل حال.. ما بتخسري شيء.. احسن من تقعدي تجربي والنونو ما يتحمل تجارب بهالعمر !

لا تروحي المستشفى ماله داعي
النورمالسلاين(الماي والملح راح يفيدونك)
اما بالنسبه للسعال والسبب الزكام ينزل في حلقها وهذا طبيعي
هذي من تجربتي
احذري لايعطوك هستوب او فينستيل
تراهم مو حق سنها

أكيد قطرات الماي والملح مفيدة بس ماحد بيفيدج مثل الدكتور..نصيحة اعرضيها على دكتور أطفال البنت الله يحفظها صغيرة وتحتاج عناية.. وان شاءالله ربي يشفيها ويحميها

استعملي لها قطرا ت الماي والملح، ووديها المستشفى علشان بيشفطون لها من الانف، ولدي قبل لا يكمل الشهر سوو له جذه

اذا ما نفع معك قطرات المي والملح سخني شوية زيت زتون وجيبي جريده وخزقيها وبعد ما تدهني الزيت لفيها بالجرايد على سدرها ولبسيها وخليها تنام لتاني يوم وانشاءالله بخف أما المغص بكون أكترو نفاخ من الحليب (حسي أخر بطنها باديك بتعرفي) في دوا بالصيدليه وضلي اغليلها نعنع كتير مفيد واقلبيها على بطنها لما تكون ممغوصه وألف سلامع عليها................

اما عن شفط المخاط من الانف فالحين فيه شفاط للانف يبيعوه بالصيدليات
مو حلو انك تعطي بنتك ادويه بهالسن
وانتي بكيفك

مشكورين خواتي على تواصلكم
ان بعد مو حابة اعطيها دواء و هي للحين ما كملت الشهر
سويت بنصيحتكم و شريت محلول الماء و الملح حسيته ريحها شوي من الزكام بس السعال ما خف :(

بالنسبه للسعال تعطينها السنوت...مادري شو يسمونه بالعربيه الفصحه....هي حبوب تشبه الشمر بالضبط بس لونها اغمق يستخدم في الصالونه وغيره من الاكلات العربيه...يمكن اسمه يانسون مب متأكده... المهم اذا عرفتيه ...تفورينه شوي في الماي وتعطينه البيبي يكون مثل شاي الاطفال...

سمعي يا حبيبتي انا عندي طريقة للسعال جربتها من عند امي الله يخليها وهي انج قبل لا تلفيها وتنيميها تخليلها من حليب صدرج شوي على صدرها

وتلفينها وراح تخف وترتاح ان شاءالله جربتها لبناتي ثنتينهم وخليكي مع الماي مع الملح هذي الكبسولات كثير تريح البيبي..

وعادي امراض الشتا كلها جذي صار لي جذي مع بنتي الاولي اول ماولدتها ما كملت الشهر كانت كلشش كانها بتختنق لكن الحمدلله...