-
يفداج الردي ,,,
تشكرات خيتو ,,,,
-
هلا دوحانيه فديتج تذكرتج اليوم وانا بالوووق الله يسلمج بعد ماراحت ربع فلوسي خفتتتت وركضت جبت ورقه وقلم وكتبت اللي ناقصني ومحتاجته ضروري وسويت نفسج
وتحسفت اني من زمان ماشفت موضوعج وسويت ميزانيه نفسج
المهم كتبت يعني مثلا جلبيات 2000 يعني خلاص حتي لو اشتري جلابيه وحده ب2000 ماراح ازيد من عندي
اليوم وانا اشتري كل مااشتريت مثلا شريت بجامات وكنت حاطه جنبه 800 ريال المهم عقب مااشتري واحاسب اطلع ورقه واستاااانست لاني شريت 6 بجامات ب200ريال تخيلي يعني زاد المبلغ فوق مااتصور وكتبت جنبه ب200 عشان ماانسي ولما رجعت حطيت زيادة بظرف ههههههههههههههههههههههههه هه ركضت على ضرف سويت هجوووم على كبت
وبعد لما رحت اتري ملابس داخليه +شلحه ودلاغات وفانيلات كنت حاطه 500 والحمدالله مبلغ طلع 500ريال ههههههههههههههههه
فكرتج روعه وانصح بتثبيت الموووضوع لانه صج نفعني واااايد
ومشكووورة فديتج على موضوعج وانصح ل عروس فيه
وحتي لما رحت فصلت عبايات كنت حاطه 2000 وفصلت 2 وحده ب500 وثانيه ب300
وكل ماشريت طلعت ورقه وكتبت وامي تقول يوه فشلتنا اقولها يمه الميزااانيه ههههههههه
وهندي يحاسب وانا اقله صبر رفيق ورقه ههههههههه وطلعها من شنطه واكتب جنبه بكم شريت واذا فيه زياده او لا
ههههههههههههههه والله استانست بسوووق ورقه وقلم
والله يابنات انصحكمممم فيه
حتي اني وعدت نفسي حتي لو مازادت فلوس لشغله مثلا كتبتها ماازيد كلش من عندي خلاص اكتفي باللي عندي
والله تحسفت لو مويه من بدايه كان ماضيعت ربع فلوسي بخرابيط
المهم الحمدالله على كل حال
تدرووون حتي هالموضوع مفيد جدا لميزانيه البيت والشهر والتسوق للعيد
انا خلاص اذا جيت عقب اشتري للعيد وعطاني ريلي مصروفي بسووي جذي لانه صج مفيد وهو صح اسعارنا ناار لكن القناعه يااخواتي اذا اقتنعتي بالمبلغ خلاص بتحاولين توفرين على نفسج
حتي اني حطيت ميزانيه
مكياج 2000 فقط
حنه 1000 فقط
شعر 1500 فقط
مسكه 1000فقط
جوتي 300 فقط
وشوفوا موضوعي لازم100% تدخلون كتبت شنو شريت
والفال لللجميييع والله يهنيكم
-
برافو عليج عروس الدوحة ..
والله فرحتيني .. شكلي باخذ الموضوع و بانقله لمنتديات ثانية خخخخخخخخ
و خذي آخر تفاصيلي ( حلو جذي نتساعد ونساعد بعض في هالسوالف )
الله يسلمج أنا كنت شارية 4 قطع حرير حق الجلابيات , وديتهم للخياط امس و طلع علي التطريز مع التفصيل بـ 1200 ريال و عندي الفاتورة ..
رحت حق الحناية و انا حناي بـ 600 ريال يد وريل و متروس ونقشاتهم حلوة .. دفعت لها عربون 500 ريال .. هذا لا جات تحنيني بتاخذ 100 وكل وحدة معاي حسابها بروحها .. و بعد عطتني فاتورة ..
و الله يوفقج حبيبتي و لبستيهم بالعافية إن شاء الله ..
اي صدقتي هالطريقة تنفع بعد لمصروف البيت خاصة للي مثلي باجر يصير عندي بيتي بروحي لازم أعرف شلون أتصرف بالميزانية : )
-
عروس جديدة
طريقة رائعه...ومنظمه....
جزاك الله الف خير....
-
-
عروس مبدعة
اشكررررج موضوع بجد راائع بس عند من بتتحنين زين طلع 600 ولليد كامله والرجل كامله
من هي ؟دزيلي اسمها ورقمها
-
كريشما
أنا حجزت نسرين في مركز فنون اللي في النصر .. حناها حلو ما شاء الله ..
و انا اللي أبغيه بـ 600 ريال لأن يد الفستان طويلة يعني تقريبا يوصل الحنا لين فوق المرفق بشوي و الرجل ما سألتني و قالت لين وين .. و طبعا كل ما طولتي كل ما زادوا عليج ..
-
اااااااااااااااااه حتي اني استغربت لاني اعرف نسررين اسعارها غاليه بس انصحكم فيها لان زبيده حناا بعض الاحيان يحرق ويتحسس باليد
-
بالعكس اسعارها انا اشوفها حلوة وايد و حتى لو كانت غالية حناها يستاهل ..
مب مثل رحاب غالي وايد على الفاضي ..
-
هلا ..
عروس الدوحة سويتي نفسي امس انا والوالدة قاعدين ونقسم المهر ونحط ميزانية كل شي بظروف .. وخذت لي دفتر صغير احطه بلشنطة واكتب فيه اللي خذت وسعره وتفاصيله ..
تقسيمج للمكياج والشعر والمسكة تقريبا نفسي بس تهقين المسكه يبيلها 1000 ؟ انا مدري حطيت 500 سويت مالت خطوبتي وكانت وايد حلوة وفخمة ب 250 ريال عند جورج
امممممم والشعر على اي اساس حطيتي 1500 انا حطيت الف
دوحانية .. كلمت سميرة يوم الخميس وحجزت عندها تقولي من قايلج عني ؟؟
عقب العيد ان شاء الله بابتدي وياها
بس الفنون احس حناهم دفش شوي احس رحاب وزبيدة وايد انعم بس السعر وايد زين ترى سئلت مالت رحاب بجم تسويلي لين الكوع ب 350 وانا يوم الخطوبة تحنيت لين فوق الكوع ب 350 !!!! احسهم حرامية
بس اخبر البنات قالوا عن وحدة يمينة تحني حلو اعتقد اسمها نادية .. حد شافه منكم وشلون اسعارها ؟؟
-
كلاسيك ..
يعطيج العافية ,,,
اممممم كان قلتي لها دوحانية قالت لي خخخخخخخخخ
بالنسبة للشعر انا حطيت بعد1500 لأن اللي بتسوي لي تشتغل في صالون فتاخذ الدبل ..
و المسكة بعد حطيت 1000 ريال ممكن تكون أقل لكن مب أكثر .. لأن انا يوم رحت اختار مسكة خطوبتي كان في اللي بـ 700 و 800
و بنت عمي كانت مسويتها بـ1000 تقريبا .. و يتراوالي حق العرس تبينها أكبر عشان تبين ..
-
الله يعافيج ..
خخخخخخ كنت باقول بس توهقت
اوكي عيل باخلي الشعر1500 على الاقل يزيد ولا اني اتوهق عقب والمسكة 1000
تدرين احس بس الفترة الاخيرة هي اللي بديت اشتط فيها ولا قبل كله اقول باقي وقت (o)
والشكر لج ولا كنت تميت على برودي :handdown:
:flower::flower::flower:
-
اي وانا بعد .. اشتطيت هالأيام بس مب وايد و الحمد لله أنجزت شي و تقريبا خلصت من الحاجات الكبيرة اللي تبي لها حجوزات و عرابين ..
بس ما كملت مشترياتي .. مخليتها عقب العيد إن شاء الله ..
إلا أنتي متى يصادف عرسج ؟!
-
لحد اللحين اخر شهر 4
انا كان ودي يكون 6 \6\2006 :think:
بس مو مشكله :cool:
-
سبحان الله اختي طريقتج تشابه واااااااااااااايد طريقتي بس مع بعض الاختلافات ....
وانشاء الله البنات راح يستفيدون من مرضوعج الرائع...