ركن العروس ركن مختص بكل مستلزمات العروس المسلمة .

صورة دوحانية الرمزية
29/09/2005, 06:06 PM
الموناليزا

مبروك يالغالية و الله يسلمج حبيبتي ,, ويالله هذي مؤيدة ثانية ^^ و انا نقلتها للفايدة بس صج تراها تنفع وايد و أكبر دليل أختج الله يحفظها تبقى لها

شي من الفلوس وبصراحة مبلغ حلو تحطه عاد في بيتها و لا حق حجرتها و لا حتى على نفسها مب خسارة و الله ,,

و الحين الدور عليج , ولا تتحسفين و لا شي انتي تدرين أنا ما خذت الا الاشيا اللي أدري إني لو بالقاها في الدوحة بتكون بسعر

مضاعف و خذت بعد الأغراض اللي مالها موديلات ,, لأني يوم أشتري من هناك كنت لين الحين ماحددت العرس متى بيكون فخفت آخذ

ملابس و هالشغلات و تنزل موديلات أحلى و خاصة إن عرسي في شهر 3 يعني ريضين يعني لو كنت أدري من قبل كان علوم وكان

خلصت من أشيا وايد : )

إن شاء الله بتكون لج زيارات ثانية و سفرات جاية و تاخذين اللي خاطرج فيه بدون ما تتكلفين ,,, و الله يتمم لج على خير و يبارك لج

في مهرج و حياتج ,, نورتي ,,



من مواضيعي

صورة دوحانية الرمزية
29/09/2005, 06:07 PM
nabila5050

و يجزيكي بالمثل حبيبتي ,, شكراً للتواجد ..



من مواضيعي

30/09/2005, 09:35 AM
انا سووويت نفسج بس ماقدرت اشتري على ميزانيه تدرين ليش لان سوووقنا ناار يعني مثلا رحت اشتري جلابيات تخيلي 4 جلابيات طلعواا ب1200 وانا حاطه 3000ريال للجلابيات باقي 1800وطبعا ماتكفي ابغي اشتري جلابيات اكثر

وهذااا اللي واجهني ومثلا خصصت ميزانيه 5الاف للذهب تعتقدين بتكفي طبعا لا

فهذا سبب كل ماخصصت مبلغ لقيت اللي اشتريه بالمبلغ شوووي يعني عدد ملابس شووويه

والباقي فلوس تروح على مكياج وحنه وتسريحه حسبي الله عليهم 1500 بس على مكياج وفس مبلغ تسريحه وحنه بيطلعلج مع 1000 فعشان جذي مايبغي شي

انا بس اللحين احدد موعه العرس وخلاص ابتدي احط ميزانيه لان مابقي عندي فلوس وبشتري على قد فلوس كفت الحمدالله ماطفت ماراح ازيد من عندي

لكن تبغي خردة مستحيللللللللللللللللللللللل مع اسعارنا الناااار

واتمني لج التوفيق



من مواضيعي

صورة دلوعه قطريه الرمزية
30/09/2005, 11:40 AM
مشالله عليج
طريقتج وايد حلوه
ومفيده حق المستقبل
وانا استخدمها اذا كان عندي مبلغ ومابي اضيعه
بالسفر مثلا او حق تجهيز الجامعه سويت جذي

وننتظر التفاصيل
اذا ماعليج امر



من مواضيعي

صورة دلوعه قطريه الرمزية
30/09/2005, 11:43 AM
بالنسبه للاخت كلثم عندي اقتراح
اول شي الذهب لاتكثرين منه
لان كل الهدايا اللي بتجيج ذهب وساعات


وبالنسبه للتجهيز

اذا عندج اهل بالامارات او البحرين ليش ماتجهزين من هناك؟
بيكون عندج ناس تدل الاسواق عدل
وتوفر عليج الوقت والفلوس
وبعد بتوفرين السكن ومصاريف السياره

واذا ماعندج تقدريم تروحين الخبر جم يوم تجهزين

صدقيني البضاعه احلى وارخص بواااااااايد
وانتي عروس ومحتاجه هالفلوس حرام تضيعينها كلها ومايتم لج شي



من مواضيعي

صورة الدبدوبة الرمزية
30/09/2005, 05:42 PM
:smile::smile:



من مواضيعي

صورة دوحانية الرمزية
01/10/2005, 12:36 AM
حبيبتي كلثم ..
أدري إن أسعارنا نااار و نار شوي عليها ,, بس ترى مو شرط آخذ كل شي غالي موجود و أنا لما حطيت المبالغ حطيتها تقديرية للأشيا اللي أدري بأسعارها شلون ,, و اللي ما أعرف عنها سألت أكثر من وحدة من البنات وحدة عرست العام و حدة من سنتين و الثالثة من 4 سنين فقارنت الأسعار و حطيت المبالغ على هالأساس ..

و في موقف صار لي من بعد ما قدرت المبلغ يعني انا حطيت 1500 للمكياج و الشعر نفس الشي ,, بس لما حجزت مكياج لقيت الأخت رافعة السعر 500 زيادة يعني 2000 و هني على طول حطيت للشعر نفس المبلغ يعني التوتال = 4000 احتياط تزيد ولا إنها تنقص ..

وهذااا اللي واجهني ومثلا خصصت ميزانيه 5الاف للذهب تعتقدين بتكفي طبعا لا
شوفي الغالية كل شي حدديه من البداية قولي بتلبسين الشبكة يوم العرس يعني يبي لج طقم ناعم وخفيف مو شرط كبير و غالي و خواتم ممكن سلسلة مع الحلقات يعني لا تكثرين لأن الهدايا اللي بتجيج أكثرها إذا مب كلها ذهب فلا تكثرين ..

...

و صج إذا في مجال إنج تروحين الخبر والدمام و البحرين روحي لأن الخيارات بتكون متعددة جدامج و حتى البضاعة تكون أرخص ..

و الله يوفقج ويتمم لكم على خير إن شاء الله ,, و لا تنسين تعلمينا شصار وياج : )



من مواضيعي

صورة دوحانية الرمزية
01/10/2005, 12:59 AM
دلوعة قطرية
شرفني تواجدج .. أمممم بالنسبة للتفاصيل أخذي آخرها بس بدون ذكر أرقام : )

قعدت اليوم أحسب شكثر أنا صرفت من المهر ,, و شنو اللي خذته لحد 30/9/2006 ,, و طلعت بـ :

[align=right]القماش ( شيفونات للفساتين عدد (2) + حراير للجلابيات عدد (4) ) = ..... ر.ق
الأحذية = .....ر.ق
ملابس سبورات = ..... ر.ق
ملابس النوم ( قمصان نوم + بيجامات )=.... ر.ق
شنط اليد = .... ر.ق
اكسسوارات الشعر = .... ر.ق
العبايات = ... ر.ق
المفارش = ... ر.ق
علاج البشرة = ... ر.ق
مصروفات إضافية = ...ر.ق

المجموع = ...... / المبلغ الإجمالي ( المهر كامل )
المتبقي = ......

....

المتبقي = ......

البنود الجاية مخصصة ميزانيتها من قبل بس هذا التخصيص الأخير لأني خذت لفة و صارت عندي فكرة عن الأسعار :

الكوشة = 9000 ( متغير )
التصوير = 10.000 ( متغير )
الحنا = 800 ( ثابت )
الزفة = 3000 ( ثابت )
مكياج = 2000 ( ثابت )
شعر = 2000 ( متغير )
ذهب = 5000 - 8000 ( متغير )
مسكة = 1000 ( متغير )
الفستان = 5000 ( التعديل لأنه مو جديد + الغسيل ) في حالة إنه ما يتعدل راح أشتري من البحرين إن شاء الله بهالمبلغ ) ( متغير )

المجموع = ...... / المبلغ المتبقي

...

المتبقي = ..... ( مبلغ حلو وايد لازم أعرف شلون أصرفه عدل و هذا باكمل به الجهاز )

...

متغير = هذا الحد الأعلى ممكن أصرف أقل ..
ثابت = متأكدة منه ..

...

ملاحظة : ترى هذا اللي أخذته لحد الحين أدري باقي أشيا وايد لكن عندي وقت إن شاء الله

مشكورة على إضافتج و إقتراحج للأخت كلثم ..

دعواتكم لي ,, و الله يوفقكم جميعاً ,,



من مواضيعي

صورة دوحانية الرمزية
01/10/2005, 01:13 AM
الدبدوبة
حياج الله الغالية و عساها دوم هالإبتسامة ..



من مواضيعي

صورة دوحانية الرمزية
01/10/2005, 01:35 AM
هذا ملف وورد مرفق تقويم سنة كاملة من 9/2005- 9/2006
اتمنى إنه يفيدكم

* لا تنسوني من دعائكم




جزاك الله خير يا من صممت التقويم : )



من مواضيعي


« فساتين زفاف | ورشـة عمـل - Your Dream Wedding Workshop - الدعـوة عامّـة »

يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع ابحث بهذا الموضوع
ابحث بهذا الموضوع:

بحث متقدم


الساعة الآن +3: 06:44 AM.

 اتصل بنا - اعلن معنا - سياسة الخصوصية

Search Engine Optimization by vBSEO ©2011, Crawlability, Inc.

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141