أفكار و خبرات ركن مختص بعرض تجاربك في المنزل المطبخ والأعمال اليدوية.

Like Tree1Likes

:: ليلة رومانسية.. لكسر الروتين .. طريقة سهله..تعالي وشوفي:-) ::

02/07/2005, 09:42 PM
بسم الله الرحمن الرحيم .

السلام عليكم ورحمة الله وبركاته..:salam:

شحالكم خواتي؟؟ عساكم بخير ..


من فترة قلت خلني انزل مواضيع بس انضغطت شوي فأجلته للحين.. :smile:

بحاول من فترة لفترة ان شاء الله احط لكم من الافكار الرومانسية مثل ما يسمونه او تجديد الحياة الزوجية بالأصح.. عشان نكسر الروتين.. او في فترات زعل :cry:والله يبعد عنا الزعل والعتب يارب..والملل وما إلى ذلك من "منغصات" السعادة الزوجية..


في يوم من الأيام.. عروس الجنة.. قالت بغير من الروتين "ملت"كل يوم نفس الشي!! :pain:

فشو سويت؟؟:think:


تعالوا نقرا مع بعض..:handup:

الأدوات المطلوبه: :idea:
اوراق ملونة
شموع
لماع
شارئط لزق
مقص
خيوط شفافة او بيضاء
احمر شفاه
كمبيوتر أو قلم
خرامة او إبره
تغليف حراري..
رسالة
هدية للزوج ولو بسيطة.. مثلا انا خليتها دبدوب صغير ومعه ورود مع شعرسويته بطريقتي(g)
ورود حمراء:flower:
يوم قبل الحفلة تكون التجهيزات او يومين حسب الظروف



طريقة العمل::idea:

سوي كمية كبييييرة من القلوب الحمراء باستخدام الكمبيوتر
وفي كل قلب اكتبي كلام حلو.. بعض القلوب اللي انا سويتها كان فيها كلام مكرر.. بس حاولوا تنوعون في الكلام.. مثل: الله لا يحرمني منك.. الله يديم المحبة بينا.. هذي بوسة مني وفعلا تطبعينها بشفايفك..ومن الكلام اللي كل وحدة منكم اعتبرها خبيرة في هالناحية هههه:cool2:.. وبعض خلوها بدون كلام..
وبعدين طبعوهم.. وجاء وقت التعب وهو القص قصي كل القلوب.. كان القص فعلا متعب.. وخاصة لما فجأة حد يدق الباب وانا وسط الاوراق وحالتي حالة فأضطر اني اخبيهم بسرعة.. زوجي جاني في وقت ما كنت متوقعة فخربط شغلي شوي:angry:.. المهم..حاولوا تسوونه في وقت زوجكم مع ربعه..حتى قبل اللليلة الموعودة بيومين

دخلوا اوراق حمراء للبرنتر للآلة الطابعة.. وطبعوا هالقلوب وخلوا حواف
القلب باللون الابيض عشان تقصونه بترتيب.. واللي ماعندها اوراق حمراء تقدر
تطبع القلوب باللون الاحمر من الآله الطابع مثل ما سويت آخر مرة.. لأني نسيت اشتري الوق الملون ويا حبذا اللي يكون قاسي شوي.. نفس البطاقات..

بعدين خرمتها وربطت الخيط الأبيض فيها... والفكرة كانت على اساس اربطها بسقف الغرفة..وتكون القلوب نازلة لتحت... وتقدرين تضفين بعض الورود بنفس الحركة ..

أما القلوب اللي بدون كلام خليهم بدون خيوط او تخريم طبعا..

جهزي الهدية الصقي فيها بعض من هالقلوب بطريقة حلوة..

وقت التعليق الحين .. وهو وقت عصيب كان بالنسبة لي.. كنت اركب فوق السرير وامسك الثريات واركب فوق التسريحة!! واثاثي كله ضخم ووايد مرتفع عن الارض فأحس بدوخة يوم اركبه ههههههههه(r)

المهم علقت اول شي من عند الباب من هالقلوب وخليها في مستوى راس زوجك عشان يقرأ الكلام.. :shy:وعاد الحين انتي وشطارتك في التنسيق.. يعني مثلا انا خليتها مثل خط من عند الباب للسرير.. وبعدين دار ما دار السرير وعلقته عالثريات وطلع المنتظر رهييييييييييييييب الحمدلله:clap:

خلصنا من المهمه الصعبة.. :clap:

انا في هاليوم غيرت من الغرفة شوي وحركت الطاولات الصغيرة.. ووزعت شموع في ركن واحد من الغرفة حطيت صورنا وركزت شوية قلوب ونثرت الشرايط واللماع وحطي اصوات مثل العصافير واصوات رومانسية ..

خلصنا من تجهيز الغرفة؟؟ تقريبا بس بقت الهدية لازم تتخبى.. انا خبيتها في قسم قمصان النوم في الكبت هههه:o خبيها في أي مكان... بنعرف شو بنسوي فيها الحين..

نطلع الحين للصالة.. او المكان اللي راح يدخل فيه الزوج للغرفة.. وزعي القلوب على شكل سير الأقدام واحد جدام الثاني.. وهذي القلوب اللي تكون بدون كلام.. لين ما نوصل لباب الغرفة نحط آخر قلب مكتوب فيه كلام حلو..

سكري الباب بالمفتاح من الخارج والصقي ورقة عالباب مكتوب ممنوع الدخول:no:.. اذا تريد تدخل لازم تبحث عن الورقة اللي تحت السجادة.. تعرفون هاللعبة .. واذا وصل تحت السجادة.. يحصل قلب مكتوب فيه شوف داخل الفرن! واذا فتح الفرن شوف داخل الثلاجة يا عمري.. وحلو لو كانت فيها الكيكة اللي يحبها..
وتتمين تتعبيييينه:gum: وفي قبل الأخير تكتبين في الورقة ادري تعبتك يا حياتي.. يلا اتحمل شوف تحت السمك هههه حطيت آخر ورقة تحت حوض السمك ههههههه .. وبعضها حطيتها تحت مخدة الكنب المهم ويوم يوصل لآخر ورقة تقوليله يروح للمكان اللي فيه الهدية.. مثلا انا كتبت روح للكبت اللي فيه قمصان نومي.. ومعطرته ومبخرته وخليته بشكل حلو وانتوا وشطارتكم..

وانتي تتمين ناطرته عند الباب والكشخة كلها فيج طبعا.. واللبس الحلو والعطر والماكياج وغيره.. المهم يوم ييبلج آخر ورقة ويبي يدخل لول هاللحظة بتحصلينه متلهف.. على طول بيروح مكان الهدية ويوم بتفتحين الباب بيتفاجأ بالمنظر وخلي الاضاءة خفيفة مع الشموع والاصوات الرومانسية واو.. :s2والله منظر جمييييل.. انا اول ما دخل عطيته قصيدة.. وبعدين تم يشوف المكان وحسبته نسى الهدية قلتله ماشفت الهدية قال ايه اتذكر..

وطبعا شاف الهدية والرسالة اللي كتبتله اياه..
زوجي فرح كثييير من هالحركة.. هذي حركة نقدر نعتبرها بسيطة.. عن الحركة اللي راح اسويها بعد اسبوعين ان شاء الله .. حبيت انقل لكم اللي سويته لزوجي من فترة عشان تستفيدون.. وأحصل الأجر ان شاء الله .. ولا تبخلون علي بالدعاء والذرية الصالحة ..

نسيت اقولكم ترا سويت بطاقة دعوة.. نفس صيغة دعوات الاعراس تقريبا.. سويتها بالكمبيوتر..
مع الوقت والمكان ..(o)(S)(*)

وتقدرون في نفس اللليلة تسوون عشاء.. انا ما سويت لأني كنت مسويتله حفلة صغيرة مع اهله في نفس اليوم العصرية ..



ان شاء الله ما اكون طولت عليكم ومللتكم .. وان شا ءالله تكون الطريقة والشرح سهل..ولأي توضيح طبعاً انا حاضرة ان شا ءالله ..

أختكم في الله
عـــــــــ:flower: الجنة :flower:ـــــروس



من مواضيعي

02/07/2005, 09:52 PM
حلووووووووووو...
الله يهنيك يارب...ويسعدك.

بنتظار جديدك.

تحياتي
"الحنوووووووووووووون"



من مواضيعي

صورة &&_عاشقة الجوري_&& الرمزية
03/07/2005, 08:37 AM
بجد حمستنوني لهالشغلات

بس ماعندي ابو الشباب دعواتك ربي يرزقني:o

وان شاء الله اسويها قريب:smile:



من مواضيعي




تسلم صاحبة اجمل انامل على هالتوقيع
سلمتي ياعذباء


حكم قراءة سور من القران وتخصيصها لتعجيل الزواج
هذا رد الداعيه لماسئلتها......

http://www.3roos.com/forums/showthread.php?t=231766
03/07/2005, 11:29 AM
مشكوره اختي عروس الجنه

الله لا يحرمنا منك

عطيتيني فكره انا يوم زواجي بعد 3 ايام

راح اطبق الفكره وادعي لك

وان شاء الله تعجب ابو البندري

لك تحياتي

وننتظر جديدك



من مواضيعي

03/07/2005, 12:25 PM
الحنون3 والله يهنييج أختي العزيزة
اشكرج عالمرور


عاشقة الجوري50الله يرزقج بالزوج الصالح إن شاء الله .. وتتهنون ببعض وتسويله كل الحركات الخطيرة;)


بندور .. العفو أختي الفاضلة.. والله لا يحرمني من تواصلكم.. لولا التواصل ما كنت حطيت مواضيعي..

ان شاء الله تعجب ابو العيال.. بس شوفي .. مادام انه يوم زواج .. شرايج تغيرين الفرش.. او تزيدين قماش احمر على الغرفة.. وتحطي الاضواء الصغيرة مثل مالت الكريسماس..
وطبعا لا تنسين الكيكة ويفضل تحطين صوركم فيها .. وان شاء الله تعجبه او تسوين اي طبق يحبه..


ولكم مني التحية..
أختكم في الله
عروس الجنة



من مواضيعي

03/07/2005, 01:23 PM
عزيزتي بس ما قلتيلنا شو صار بعدين خخخخخخ



من مواضيعي

03/07/2005, 08:05 PM
سندويشة..

بعدين عجبت زوجي الحركة.... شو بعدين يعني.. جربي وشوفي تكملت القصة 2:cool2:



من مواضيعي

03/07/2005, 08:54 PM
جزاك الله خيرأ



من مواضيعي

صورة BnT^aLbA7rAiN الرمزية
04/07/2005, 02:28 AM
تسلمييييين يا اختي ( عروس الجنه ) على فكرتج الي عجبتني وااايد

الصراحه انا زوجي كلش مايحب الروتين ويبي كل يوم حركه جديده

وراح اطبق طريقتج

مشكورة وننتظر مزيدج



من مواضيعي

صورة سكون الرمزية
04/07/2005, 02:47 AM
ههههههههههه بس اللي ريلها عصبي لا تطبقها لأن فيوزاته بتضرب واهو يدور ورا الأوراق
يعطيج العافية أختي وان شا الله الكل يستفيد



من مواضيعي

  • 1
  • 2
  • 3

« الغاز | مجموعة رومانسية من الشموع الكلاسيكية المتميزة .... »

يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع ابحث بهذا الموضوع
ابحث بهذا الموضوع:

بحث متقدم


مواضيع مشابهة
الموضوع المنتدى
حفلتي البسيطة لكسر الروتين أفكار و خبرات
ديكورات بنكهات خاصة ..لكسر الروتين الديكور و الأعمال اليدوية
كســـــــــــري الروتين .. تعالي اعلمج كم طريقة .. بالصور أفكار و خبرات

الساعة الآن +3: 08:39 PM.

 اتصل بنا - اعلن معنا - سياسة الخصوصية

Search Engine Optimization by vBSEO ©2011, Crawlability, Inc.

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141