ازاله الشعر بالليزر في دبي

**angel eyes** · 20/03/2005, 02:58 PM

بنات ارجوكم....

انا عرسي قريب و ابغي اسوي ازاله شعر باليزر في بعض الاماكن في الجسم.....اللي مجربه تقولي عن تجربتها جزاها الله خير...و اللي من دبي تقوللي وين سوت و بكم .......الله يريح بالكم

**Lovley_Eyes** · 20/03/2005, 03:45 PM

هلا اختي angel eyes>>>>
صراحة ازالة الشعر بالليزر من افضل الطرق لازالة الشعر...و هو يختلف من وحدة لوحدة.... بعضهم من اول مرة و يوقف النمو.. و الاخر ينمو خفيف و بعد المرات الياية يختفي.......:smile:
و افضل مكان و انصحج اتسيرينه و على ضمانتي.... كوسموسيرج.....جميرا.....الدكتو رة فاطمة او ريبيكا ..وايد بترتاحين هناك..
و اسعارهم ممتازة.................واذا تبين الرقم طرشيلي على الخاص.......

**angel eyes** · 20/03/2005, 03:57 PM

شكرا الغاليه عالرد....بس انتي جربتيهم...؟؟؟ وكم ياخذون عالجلسه؟؟

**Lovley_Eyes** · 20/03/2005, 04:06 PM

جربتهم.........وكل مرة اروح هناك حتى خواتي قامو يروحون......
الجلسة تختلف حسب المنطقة... انتي وين تبين اتسويين ؟؟

**angel eyes** · 21/03/2005, 07:24 AM

الغاليه من وين هالدكاتره و اي و حده احسن ووين موقع العياده؟

**business_girl** · 21/03/2005, 10:48 PM

lovely eyes
ياريت تراااسليني عالخاااص وتخبريني بالأسعار والنتيجه

**Lovley_Eyes** · 22/03/2005, 10:50 AM

هلا يا عرايس ......
بانسبة للاسعار.........الرجل كاملة 2000 درهم للجلسة الواحدة
الايادي 1000 درهم للجلسة الواحدة
الابط 500 درهم للجلسة الواحدة
البطن 400 درهم و علا حسب كثافة الشعر... ...للجلسة الواحدة
و تقريبا تحتاجين من 4-6 جلسات او اقل على حسب طبيعة جسمج......انا انصحج اتسيرين عندهم لانهم خبراء و لا تجربين مكان ثاني...انا ربيعتي سوت في العين و حرقولها ويهها و تم فترة لين ما خاز

بالنسبة للدكتورة فاطمة هي هندية الجنسية اما ربيكا فهي موب دكتورة مساعدة و هي امريكية... طبعا ثنينتهم شطار...و اكيد هم بيسونلج استشارة قبل لا يبدؤون...................
اذا في اي استفسار انا حاضرة...............

**angel eyes** · 22/03/2005, 10:53 AM

مشكوره حبيبتي.....و تسلمين

بس قوليلي...انا بعرس الشهر الياي....كم الفتره بين الجلسه و الثانيه؟؟؟

**Lovley_Eyes** · 22/03/2005, 10:57 AM

تقريبن شهرين او شهر و نص على حسب طبيعة جسمج..... و في ناس يطول اكثر او مايرد يطلع مرة ثانية

**شمعة دبي** · 22/03/2005, 10:59 AM

اختي على كم يسوون الويه

**angel eyes** · 22/03/2005, 11:07 AM

مشكوره غناتي

**لب لفواد** · 22/03/2005, 11:09 AM

هلا الغالية انا صراحه أعرف وحده بالجيميرا ووووووووووووووووايد زينه ختيه مسويه عندها الجلسه الوحده 500 وكانت مسويه ويهه أنا أنصحج أتسيرين عندها أذا تبين رقمها أنا حاضره

**Lovley_Eyes** · 22/03/2005, 11:10 AM

الوجه 600 درهم للجلسة الواحدة.............4-5 جلسات كل شهر جلسة

**angel eyes** · 22/03/2005, 11:12 AM

لب الفؤاد...

يزاج الله خير...

وين في الجميرا؟؟ و شو اسم العياده؟

**business_girl** · 22/03/2005, 09:40 PM

عزيزتي الليزر اللي في كوزمسيرج كيف طريقته؟
وكيف يشلون الشعر ؟ بأي أداة؟!!

انا اسوي الويه في مركز سباثيرا وتقريبا لين الحين 5 جلسات
صح في فرق بس بعدي محتاااجه جلسات زياده
وكل جلسة عبارة عن جلستين فرق بينهم اسبوعين
والليزر اللي عندهم يشقر الشعر بعدين يطيحه!!
بس الصراحه الويه يغدي منور بعد الليزر

الموضوع: ازاله الشعر بالليزر في دبي

أدوات الموضوع

ازاله الشعر بالليزر في دبي

المواضيع المتشابهه

تجربتى فى ازاله الشعر نهائيا و تفتيح الجسم و ازاله الشعر المحبوس كله فى واحد بنص جنيه

ملف كامل متكامل عن ازاله الشعر بالليزر((بالصور))

لبنــــــــات قطر وبس ...ازاله الشعـــــــر بالليزر

ازاله شعر الظهر بالليزر كم ياخذ من الوقت في العياده؟؟

ازاله الشعر بالليزر!