وصفة من الطب النبوي

حبايبي عضوات المنتدي

كل سنة وانتم طيبين
وربنا يارب يحقق لكم كل امنياتكم
السنة الجديدة دي ان شاء الله



المهم

طبعاانتماتعودتم اني كل شوية اجرب فيا وصفة واجي جري اقولكم ع النتيجة:smile:

وما شاء الله شعري بقا والله فعلا حصل تجارب

بس لعلمكم كده بجهد شعري بس برضوا اكيد بيفيد مش وحش
عشان اوصل دايما ل الافضل

وانتم طبعا حبايبي
ولازم كل نتيجة كويسة اوصل لها اقولكم عليها


علي فكرة

انا فترة قريت في المنتدي عن وصفة انك تضيفي للشامبو كيس جيلي جربتها وطلعت حلوة وفعلا بتعطي لمعة للشعر :up:



المهم نيجي ل الاساس

انتم طبعا عرفتوا بحالتي المأساوية
وحالتي الصعبةة اللي بقا فيها شعري
بسبب ميكروب من حد اتعديت منه كل شعري بقا بيقع
:confused:


المهم


في دكتورة بتعمل حجامة لو بتسعموا عنها
ودي دكتورة شاطرة اوي اوي

واختي سالتها
عن وصفة للشعر لانه بيقع اوي وبيتساقط وكمان وصل لمرحلة بقا اقل من الربع
اه والله:confused::confused:



قالت ليها
انا عندي وصفات من الطب النبوي ل معظم الامراض
لان الحجامة دي من الطب النبوي

المهم قالت ليها في وصفة في كتاب الطب ا لنبوي لتقوية الشعر وتساقطه
وكمان بتطوله

وان ناس كتير قالت لهم عليها
وجربوها وما شاءا لله النتيجة ممتازة


والله انا جربتها بقا لي 5 مرات لمدة 5 ايام متواصلة
وفعلا التساقط ما شاء الله مع الدواء وصل النص

مع الوصفة دي شبه اتوقف
وشعري فعلا ما شاءالله بحسه قوي ومفرود وبصحته مش بهتان وميت

وان شاءا لله عندي امل مع المداومة هشوف الطول والكثافة كمان



انا هقولكم عليها

لاني بحبكم موووووووووووووت والله
وكل حاجة بجربها في شعري باجي ع الدهاز جري واقولكم ع النتيجة

عشان تستفيدوا زي
:shy:


المهم

الوصفة هي

املج مطحون

وده من عند العطار ولونه اسود وزي كورصغيرة
وبدقها واطحنها في المطحنة

وزيت زيتون علي حسب شعرك وطوله وكثافته

وتضيفي معلة كبيرة املج لزيت الزيتون

وتضعيه علي شعرك في الجذور فقط مش الشعر

وتضعي عليه فوطة ساخنة او تسخني شعرك بالسيشوار
لمد 10 دقايق

عشان الحرارة تدخله جذور الشعر في البرد ده
وتنامي بيه وتصحي الصبح تغسلي شعرك


تعمليها لمدة 15 يوم متواصلة
كل يوم كل يوم


ما شاء الله النهاردة الليل الخامس والنتيجة مرضية جدا جداااا


وان شاءا لله من النهاردة هضيف ليها سدر
لان واحدة اعرفهاكان شعرها ما شاء اللكثيف كثافة جامدة وملفتة للتظر


اكدت لي ان ده كله بسبب استخدامها للسدر
بتقولي اكتر وصفة جربتها في حياتي ونتايجها مذهلة في تكثيف الشعر
بس ياريت اللي بجرب يداوم عشان تظهر نتايج فعلا ترضينا


ياريت تجربوها وان شاء الله مش هتندموا:up:

يعني 15 عشان شعرك يكون حيوي وصحي وقوي مش كتير ابدا ابدا



وعليفكرة اي واحدة فيكم تحب تسال الدكتورة دي
عن اي وصفة اواي علاج لاي مرض يكون مكتوب في كتاب الطب النبوي
تقولي وانا اخلي اتختي تسالها لكم




عيوني ليكم والله