خلطة العفص لشعر ناعم وحريري

[janoo]

*خلطة العفص لشعر ناعم وحريري*

الكميات:

ربع كيلو عفص (يتحمص وينطحن )
حديدة (تنطحن)
2 ملعقة ملوخية ناشفة (تحطينها بالشمس لين ماتتنشف وتطحنينها )
2 ملعقة حناء
ذرة ملح
ملعقة شاي زر(مسمار) مطحون
بطاطس (تسلقينها )
*اللي ماتعرفينه منها اطلبي العطار وهو بيعرفها

الطريقة:

تحطين الله يسلمك البطاطس (تكون مرره مسلوقة - لينه - ) مع 3 ملاعق مايونيز وزيت سمسم و مويه في الخلاط ..... تعجنين المقادير الجافة بها ..... وتسشورين شعرك تمااام وتحطينها على شعرك وتجلس من 4 إلى 5 ساعات .... وبعد كذا اغسلي شعرك بالمويه بس والشامبو في آخر شطفه وانعمي بشعر ناعم وخيالي وادعي لي وياك ِ بالجنة..... (وبالهناء والشفاء ) وترى مفعولها دائم يعني يتغير نوع شعرك من خشن إلى ناعم أو طبيعي على طوول...


كل عام وانت بخير

[شروق الأمس]

تحذير تحذير من هالخلطه يابنات خلطة العفص جربتها ومن 3 سنين لليوم وانا شعري صار خفيف يتساقط بشكل كبير ووطلعت شيب براسي
وصار الشعر متهالك بعدها ويوم فكرت اصبغ احترقت الخصله اللي جربت فيها وطبخت وحسيت بحراره عنيفه في اذني كان شمع منصهر ولي معاها معاناه ما تحسون فيها غير بعد وقت من اتحطونها في البدايه يعجبك النعومه وبعدين تبدأ المشاكل لين شعرك ينعدم ويصير مثل الشوك
وماله حل غير القص حرام قصيته وما خليت فيه شيء عشان اخلص منها
وقالت لي الكوافيره الشعر الطويل يبغاله 3-4 سنين على ما تروح ولا ينفع الصبغ بعدها
وعلى فكره طلعت هالخلطه فرد وما ينفع غير للشعور العكشه مره انا شعري كان ناعم وعدمته
والحديده قالت لي الكوافيره عنها انها لو جات على اليد تحرقها وتشقها لك
كذب اللي قال خلطه طبيعيه وسبق وحذرت منها في موضوع سابق
والله على ما اقول شهيد ابريت الذمه وانتم حرين

[janoo]

اولا اختي شروق الامس ماينفع هالاسلوب وكيف تقولين اني كذابه وش اتعب له نفسي واكتب هالخلطة وهي مضرة وثانيا والله العظيم شاهد علي اني متاكدة من جودتها ونفعها للشعر وانا مابي احط الموضوع قضية اللي تشك فيها لاتسويها الشغلة مي بالغصب وللعلم اختي وخالتي وبنت خالتي مسوينها باجازة الحج اللي فاتت ووالله نفعتهم وهالعيد اختي صبغت وزبطت معاها لكن هي للشعر الخشن مو للناعم وااخر شي تراها خلطة للشعر الخشــــــــــــــــــــــن وانا عارضة الموضوع عرض والله الشاهد انها مفيدة .........

[شروق الأمس]

ياحبيبتي والله العظيم ما اقصدك بالكلام موانت اللي اقول عنك كذابه لكن اقصد اللي يبعون هالخلطات ويقولون طبيعيه انت ضحيه مثلي فرحت بها وبعدين تدمر شعري قد ايش انا كنت مبسوطه بها وبنعومة شعري لكن بعدين تبدأ الاثار غير المرغوبه والله ندمانه اني دمرت شعري ودام انها فرد اش نبغى فيها وانا تحسبت في اللي باعها مضره وبعدين بتشوفين يمكن اتن توك حاطتها لسا ما شفت التساقط فضيع واطراف الشعر شوك من اسفل لكن كل واح ووجهة نظره المهم انا ما كذبك انت انا اوجه لك نصيحه ان اللي باعها لك وقالك طبيعيه يكذب لانها فيها مادة فرد
لك تحياتي يالغاليه

[جريحة الصمت]

:clap:

مشكورة أختي janoo
على الخلطة....

[janoo]

اختي وغاليتي شروق الامس يمكن فهمت غلط اعذريني وماحصل الا كل خير وعيدك مبارك............
مشكورة على مرورك جريحة الصمت

[حــــــور]

janoo + شروق الأمس

:clap::clap:

[شروق الأمس]

janoo كويس مره انك فهمتي قصدي وانا مو من عادتي اتكلم على احد او اضايقه
لك التحيه والتقدير وكل سنه وانت طيبه

[شروق الأمس]

:up::clap::clapu)(u)(u)[ janoo كويس مره انك فهمتي قصدي وانا مو من عادتي اتكلم على احد او اضايقه
لك التحيه والتقدير وكل سنه وانت طيبه[/SIZE]

[janoo]

؟؟؟؟؟؟؟؟؟